SA trek beampte vas wat visumbedrog uit Windhoek pleeg

Die Suid-Afrikaanse departement van binnelandse sake het 100 visums teruggetrek wat na bewering deur een van sy beamptes wat by die hoëkommissariaat in Windhoek geplaas was, op bedrieglike wyse uitgereik is.Die buurland se minister van binnelandse sake, mnr. Aaron Motsoaledi, het bekend gemaak die sekretaris van burgerlike en immigrasiedienste wat in Windhoek werksaam was, is in hegtenis geneem en bedrog met die uitreik van visums aan burgers van Pakistan en Bangladesh word ondersoek.Die amptenaar het dit na bewering aan mense verkoop wat nie daarvoor gekwalifiseer het nie.“Die skema was so eenvoudig dat die bedrieërs nie eens nodig gehad het om na Namibië te reis om hul dokumente af te haal nie. Dit is na hulle gekoerier en op 'n silwer skinkbord aan hulle oorhandig.”Motsoaledi het dit in die nasionale vergadering bekend gemaak toe hy Woensdag sy departement se hersiene begroting gemotiveer het. Hy sê die beampte is uit die diens ontslaan en die lêers is aan die Valke oorhandig sodat hy vir bedrog en korrupsie vervolg kan word.“Ek kan nie sê dit was die enigste visums wat onregmatig uitgereik is nie, want ons weet nie. Daarom is ons besig met 'n oudit van al die visums wat uitgereik is sedert 17 Oktober 2018 toe die beampte daarheen uitgeplaas is,” het die minister gesê. – News24

SA trek beampte vas wat visumbedrog uit Windhoek pleeg

Kommentaar

Republikein 2025-07-03

Meld asseblief aan om kommentaar te lewer

SA trek beampte vas wat visumbedrog uit Windhoek pleeg

Kommentaar

Republikein 2025-07-03

Meld asseblief aan om kommentaar te lewer

MELD AAN

Advertensie