SA ministers versoek om tweeling te help

29 March 2021 | Regering
Jana-Mari Smith – Die Demokratiese Alliansie (DA) druk die Suid-Afrikaanse ministers van immigrasie asook van internasionale betrekkinge om standpunt in te neem teen Namibië se weiering om die pasgebore tweeling Maya en Paula Delgado Lühl in Namibië toe te laat.

In ’n verklaring Vrydag deur mnr. Darren Bergman, die DA se skaduminister van internasionale betrekkinge en samewerking, moedig hy die RSA se regering aan om “op te tree volgens sy buitelandse beleid wat gerig is op die beskerming en bevordering van menseregte op die vasteland van Afrika”.

Hy het beklemtoon Namibië se weiering om reisdokumente vir die tweelingdogters van die Namibiese burger mnr. Phillip Lühl en sy Mexikaanse eggenoot mnr. Guillermo Delgado uit te reik, is ’n skending van menseregte.

“Die DA doen ’n beroep op die Suid-Afrikaanse regering om in te gryp teen die Namibiese regering se weiering om reisdokumente uit te reik vir die babas wat in Suid-Afrika via ’n surrogaat gebore is.”

Hy voer aan die weiering van die dokumente wat nodig is om die tweeling en hul pa met hul gesin in Namibië te verenig, is weens “die homofobiese wette van die land wat nie huwelike van dieselfde geslag nie erken nie.”

Hy voeg by dat die babas oorspronklike Suid-Afrikaanse geboortesertifikate gekry het en dat die surrogaat deur die Suid-Afrikaanse hoërhof goedgekeur is wat die eggenote as ouers van die dogtertjies erken.

Bergman versoek me. Naledi Pandor, minister van internasionale sake en samewerking, asook minister Aaron Motsaelidi van binnelandse sake, om in te gryp.

Hy voer aan dat hul diplomatieke ingryping die sleutel is om “hierdie diskriminasie en skending van die menseregte van hierdie egpaar en ander egpare regoor die vasteland te stop.”

GEVEG NÁ GEVEG

Die dringende aansoek wat Lühl ingedien het om sy dogters huis toe te bring, is nie die paartjie se eerste keer in die Windhoekse hoërhof nie. Hulle wag op uitspraak in ’n ander saak wat verband hou met hul eis om burgerskap vir hul seun Yona, wat twee jaar gelede deur ’n surrogaat in Suid-Afrika gebore is.

In nog ’n saak het Delgado hom verlede jaar tot die hof gewend toe hy noodgedwonge Namibië op kort kennisgewing moes verlaat nadat ’n immigrasiebeampte opgemerk het dat hy met ’n man getroud is.

Terwyl hy toegelaat is om terug te keer, het die egpaar die saak na die hooggeregshof geneem nadat Delgado in ’n onlangse uitspraak domisilie in Namibië geweier is. Hy woon tans in Namibië op grond van ’n werkpermit.

In die saak van hul tweeling sal regter Thomas Masuku sy uitspraak op 19 April lewer.

Die ministerie van binnelandse sake het Vrydag in ’n verklaring sterk ontken dat sy weiering om reisdokumente uit te reik enigsins diskriminerend is.

“Die idee dat die minister homofobies is of nie vir die kinders omgee nie, is onwaar.”

[email protected]

Soortgelyk

 

Hoërskool Rehoboth gesluit tot ná Paasnaweek

51 minute gelede | Onderwys

Hoërskool Rehoboth is vanaf vandag tot Dinsdag 6 April gesluit. Volgens die bestuur van die skool sal dié tyd gebruik word om die skoolperseel deeglik...

Robberts bly in aanhouding

11 ure gelede | Howe

Erwin Leuschner – Die 36-jarige mnr. Daniel (Danie) Robberts bly in aanhouding nadat hy na bewering sy vriend, mnr. Thomas Frederick (Frikkie) van Schalkwyk (69),...

Inentings: Namibiërs wag en kyk

11 ure gelede | Gesondheid

Henriette Lamprecht – ’n Wag-en-kyk-benadering en voorkeur vir spesifieke entstowwe is van die redes vir die trae reaksie tot die ministerie van gesondheid en maatskaplike...

Living a purposeful life

11 ure gelede | Mense

Rivaldo Kavanga“I would advise the youth to relentlessly go after whatever they desire unlimited. In pursuit of long-term gains and not short term rather.” Ndakondja...

Weer vir 30 Maart 2021

11 ure gelede | Weer

BINNELAND: Gedeeltelik bewolk en warm in die verre suide en die Zambezi-streek. Elders gedeeltelik bewolk en warm met verspreide donderbuie. Wyd verspreide donderbuie in die...

Huishoudelike geweld gedy in Kavango-Wes

11 ure gelede | Misdaad

Die naweek is drie sake van huishoudelike geweld in die Kavango-Wesstreek by die polisie aanhangig gemaak. Vrydag om 05:00 het ’n 36-jarige man in die...

Running for those who can’t

11 ure gelede | Skole

In honour of cerebral palsy awareness month and as part of a school project, four learners from Windhoek Afrikaanse Privaatskool ran with children, parents and...

Windhoek kry eie ekonomiese plan

11 ure gelede | Regering

Augetto Graig – Die burgemeester van Windhoek, dr. Job Amupanda, sê die regering moenie terugstaan sodat die private sektor die nasie tot werkskepping en ekonomiese...

Ending the double shift system at schools

11 ure gelede | Onderwys

Rivaldo KavangaBet-el Primary School on Friday, 26 March 2021 received three classroom blocks and a storeroom from The Craton Foundation. The classrooms were donated to...