SA aandele val skerpste sedert 2008 oor virus

26 February 2020 | Sakenuus
Nellie Brand-Jonker - Die indeks van alle aandele van die JSE het Maandag skerp met 4,2% of 2454 punte geval.

Casparus Treurnicht, portefeuljebestuurder van Gryphon Batebestuur, sê dit lyk of dit die grootste daling in die afgelope tien jaar is.

“Die laaste keer wat ons só ’n mark ervaar het, was in 2008,” sê hy met verwysing na die val in aandelemarkte met die internasionale finansiële krisis.

Die laaste keer wat die indeks van alle aandele meer as 4% laer gesluit het, was Desember 2008, toon syfers wat hy verskaf het.

Die indeks het Maandagmiddag op 54 881 indekspunte gestaan, met 60 maatskappye wat ’n nuwe jaarlaagtepunt bereik het. Dit sluit in The Foschini Group, Tiger Brands, Distell, Standard Bank, Old Mutual, Nedbank, Santam, Adcock Ingram, Pepkor, Telkom, Shoprite, Absa en Sanlam.

Die indeks vir die top-40-aandele is ook gelooi en het met 4,4% of 2 299 punte geval het tot 49 282.

Dit stem ooreen met die val wat oorsee gesien is weens die hernude kommer oor die verspreiding van die koronavirus.

“Die virus is besig om sy merk te maak op ekonome se vooruitskattings, en die syfers word afwaarts aangepas.”

The New York Times berig Amerikaanse markte gaan na verwagting vandeesweek ook skerp laer begin.

Markte in Europa is skerp laer nadat meer infeksies buite China die naweek aangemeld is, veral in Italië en Suid-Korea.

Termynmarkte het aangedui Wall Street gaan met meer as 2% daal.

In Suid-Korea het die aandelemark 3,9% laer gesluit.

In Europa is die meeste indekse meer as 3% laer.

Die JSE se mynbou-indeks het met 5,7% laer gesluit.

Die plaaslike indeks van die top-25-nywerheidsaandele is 3,8% laer, en die top-15- finansiële aandele ook soveel.

Sharenet toon die maatskappy wat die meeste markwaarde verloor het is Naspers. Naspers se aandeelprys het 4% laer op R2 551 gesluit.

Sibanye Stillwater het in terme van markwaarde die tweede meeste gedaal toe sy aandeelprys 11% laer gesluit het.

Anglo het die derde grootste daling in markwaarde getoon toe sy aandeelprys 8% laer gesluit het.

In teenstelling daarmee het goudmynaandele skerp gestyg. Harmony se aandeelprys het 14% hoër, en Gold Fields 4% hoër gesluit.

Business Insider berig die vorige skerpste val was in Junie 2016 toe 3,9% geval het toe die resultaat van die referendum in Brittanje oor Brexit die mark geskok het. – Netwerk24

Soortgelyk

 

Geld rol vir ramp

11 ure gelede | Regering

Jo-Maré Duddy – Die regering se N$8-miljardvoorskrif teen die ekonomie se Covid-koors is gister deur ekonome verwelkom, veral omdat dit amptelik as die eerste fase...

Baba jongste Covid-19-geval

11 ure gelede | Gesondheid

Henriette Lamprecht - ’n Nege maande oue baba is saam met sy pa die nuutste twee gevalle van Covid-19 in Namibië. Dit bring die nasionale...

Só werk landbou in inperkingstyd

11 ure gelede | Landbou

Elvira Hattingh - Tydens die inperkingstyd mag naweekboere nie heen en weer vanaf hul plase en wonings in dorpe beweeg nie. Voltydse boere en plaaswerkers...

NMH skenk toerusting, kospakkies vir padblokkades

11 ure gelede | Gesondheid

In ’n poging om die vinnige vloei van noodsaaklike vragverkeer by die vier padblokkades na die Khomasstreek te bewerkstellig, het Namibia Media Holdings (NMH) gister...

Noodtoestand: ‘Niks is normaal’

11 ure gelede | Regering

Denver Kisting - Me. Yvonne Dausab, die minister van justisie, sê Namibiërs bevind hulle midde-in ’n buitengewone situasie. “Ons is in ’n noodtoestand. So, niks...

Weer vir 2 April 2020

11 ure gelede | Weer

BINNELAND: Mooi weer en baie warm in die Weste. Elders sal dit gedeeltelik bewolk en baie tot bloedig warm wees met enkele donderbuie in die...

Pandemie slaan toerismebedryf hard

11 ure gelede | Toerisme

Francoise Steynberg - Die toerismebedryf gaan heel waarskynlik die hardste deur die Covid-19-pandemie getref word. Só sê die uitvoerende hoof van die Gasvryheidsvereniging van Namibië...

Fishrot-hokaairoeper glo gedreig, vergiftig

11 ure gelede | Misdaad

Catherine Sasman – Mnr. Jóhannes Stefánsson, hokaairoeper in die internasionale korrupsieskandaal, oftewel die Fishrot-sage, het aan Yslandse verslaggewers gesê hy is al verskeie kere vergiftig...

Fitch gradeer SA banke verder in rommel in

11 ure gelede | Afrika

Nellie Brand-Jonker - Fitch het die vyf groot banke van Suid-Afrika naamlik Absa, FirstRand, Investec, Nedbank en Standard Bank verder in rommel afgradeer.Alle nasionale langtermyngraderings...