Só werk landbou in inperkingstyd

Minister spel moets en moenies uit

02 April 2020 | Landbou
Elvira Hattingh - Tydens die inperkingstyd mag naweekboere nie heen en weer vanaf hul plase en wonings in dorpe beweeg nie.

Voltydse boere en plaaswerkers mag wel om mediese redes reis, asook om noodsaaklike voorrade vir hulself, hul families of werknemers aan te skaf. Vee mag ook na veilings en slagplase geneem word.

Die minister van landbou, water en grondhervorming, mnr. Calle Schlettwein, het Dinsdag in ’n brief aan belanghebbendes in dié bedrywe uiteengesit watter dienste en bewegings tydens Namibië se 21-dae inperkingstydperk toelaatbaar is.

Schlettwein sê veeartsenydienste, plantgesondheidsdienste en ontsmetting by toegangspunte moet voortgaan sodat seker gemaak word dat die produksie, verwerking, stoor, vervoer en aflewering van kosse kan voortgaan.

Veilings kan ook gehou word en abattoirs se werksaamhede mag voortgaan, terwyl spanne wat verantwoordelik is vir die instandhouding van internasionale grensdrade asook die veterinêre kordonheining, met werk moet voortgaan.

By veeveilings mag diegene wat ’n spesifieke rol daar moet vervul, dit slegs bywoon nadat hul koors gemeet is. Geen kinders word toegelaat nie, terwyl voorsiening gemaak moet word dat mense hul hande kan was en droogmaak. Sosiale distansiëring moet deurgaans gehandhaaf word.

Verder word uitvoersertifikasie, die beheer van in- en uitvoere, die uitreik van vee se vervoerpermitte, waterverskaffingsdienste en diagnostiese laboratoriumdienste as noodsaaklike dienste beskou wat nie gestaak kan word nie.

Meulens, landbouverwerkers en voervervaardigers in beide die vee- en gewasbedryf mag voortgaan met werksaamhede, terwyl sake by die aktekantoor voortgesit moet word en elektrisiteitsverskaffing, veiligheidsdienste asook inligtingtegnologiedienste nie gestaak kan word nie.

Droogtehulp moet voortgaan, asook werksaamhede op Groenskemas en plase self.

Schlettwein sê tydens die vervoer van plaas- en fabriekwerkers in groepe moet gehoor gegee word aan voorskrifte van die Wêreldgesondheidsorganisasie (WHO), wat insluit sosiale distansiëring en beskermde kleredrag, waar van toepassing.

Boere, lede van die publiek of maatskappye wat noodsaaklike dienste aan plase of landelike huishoudings lewer, moet kan reis. Dit sluit in dié wat plaastoerusting vervoer, verskaffers van masjinerie en -diensverskaffers.

Slagplase, verwerkingsaanlegte, verpakkingsaanlegte en meulens mag met normale werksure voortgaan, maar dis verpligtend om hande skoon te was by alle toegangspunte en sosiale distansiëring is van toepassing waar mense in rye moet staan.

Hier moet duidelik afgemerk word waar mense in rye moet staan om seker te maak ’n afstand van 2 meter word gehandhaaf, terwyl abattoirs, meulens, verwerkings- en verpakkingsaanlegte in die tyd van skofte, korter werksure of minder personeel gebruik moet maak.

Soortgelyk

 

Covid-19: 5de nuwe geval binne 4 dae

1 uur gelede | Gesondheid

‘n Vragmotorbestuurder in Walvisbaai het gister positief vir Covid-19 getoets.Dit is die vyfde positiewe geval sedert Woensdag. Al die persone was in kwarantyn.Persone waarmee die...

‘80% van skole gereed’

2 dae gelede | Onderwys

Henriette Lamprecht – Sowat 80% van die 1 920 staatskole oraloor in die land is gereed om leerlinge volgens verpligte gesondheidsregulasies te ontvang wanneer hulle...

Nog leerlingdokters wag om uitgeplaas te word

2 dae gelede | Gesondheid

Henriette Lamprecht – Meer as 100 leerlingdokters wag glo reeds maande om vir internskappe by staatshospitale oraloor in die land uitgeplaas word. Die 166 leerlingdokters...

Stadspolisie van hardhandigheid beskuldig

2 dae gelede | Misdaad

Denver Kisting – ’n Inwoner van Groot Aub, mnr. Richard Davids, voer aan ’n beampte van die stadspolisie, waarnemende sersant Erwen Katiti, het hom Dinsdaglaatmiddag...

Weer vir 22 Mei 2020

2 dae gelede | Weer

BINNELAND: Gedeeltleik bewolk en warm in die streke van ||Kharas en Hardap. Elders sal dit sonnig en warm tot baie warm wees.KUS: Gedeeltelik bewolk en...

‘Vervoer van drank nie ’n misdaad’

2 dae gelede | Misdaad

Francoise SteynbergDie blote vervoer van drank is nie ’n misdaad nie en kan nie as redelike gronde gebruik word vir agterdog van die koop of...

Vroue in kwarantyn toets positief vir Covid-19

2 dae gelede | Gesondheid

Henriette Lamprecht – Twee vroue het in kwarantyn positief vir Covid-19 getoets. Dit bring Namibië se totaal bevestigde Covid-19-gevalle op 18 te staan. Volgens die...

Ebikes: vinnig, goedkoop en groen

2 dae gelede | Mense

Tanja Bause Nie te veel besighede kan sê dat hulle in die Covid-19-tyd so goed aangepas het dat hulle nuwe werknemers moes aanstel nie. Ebikes4Africa...

Market Watch Covid page - snippets

2 dae gelede | Gesondheid

The Namibia Football Association (NFA) executive committee has yet to decide what to do with funds it expects to receive from the Federation of International...