Só kan jy ’n boef op afspraak-apps uitken
In die meeste gevalle word die slagoffer deur ’n veel jonger, aantreklike persoon gekontak waarop hy of sy halsoorkop verlief raak.
Valentynsdag is om die draai en dis weer tyd vir booswigte om te woeker op gewilde afspraak-apps soos OkCupid en Tinder.
Sulke apps kan van groot waarde wees vir diegene op soek na nuwe liefde, maar daar is ook groot risiko’s wat daarmee gepaardgaan.
Swendelaars doen hulself voor as galante here, maar is eintlik net op die app om ander te manipuleer of te besteel. Soms kan dit selfs ’n kuberkraker wees wat jou vertroue probeer wen om uiteindelik toegang tot jou werkplek se rekenaarstelsels te verkry, veral as jy in ’n senior pos is of met die maatskappy se geldsake werk.
In die meeste gevalle word die slagoffer deur ’n veel jonger, aantreklike persoon gekontak waarop hy of sy halsoorkop verlief raak.
“Baie keer betaal die slagoffer groot bedrae geld oor aan die swendelaar voordat hulle agterkom hulle is met ’n slap riem gevang,” sê Anna Collard, besturende direkteur by KnowBe4, ’n onderneming wat opleiding in kuberveiligheid bied.
Collard het raad oor hoe om ’n swendelaar myle ver uit te ken.
1. Sy is beeldskoon
As sy in elke foto soos ’n wafferse model lyk met ’n volmaakte uurglasfiguur en die gelaatstrekke van ’n Hollywood-aktrise, is dit waarskynlik te goed om waar te wees. As sy ook net een foto op haar profiel gelaai het, hou eerder verby.
2. Hy maak verskonings om in lewende lywe te ontmoet
Die sleutel tot hierdie tipe swendelary is dat die slagoffer en die booswig nooit in lewende lywe ontmoet nie, of as hy dit wel doen, lyk hy nie naastenby soos op sy foto’s nie. Soms klink sy stem ook heel anders as oor die foon, iets wat hy sal probeer verduidelik deur te sê hy het ’n verkoue of iets dergeliks.
3. Sy kom van ’n vreemde land
Die swendelaar kom byna altyd van ’n eksotiese land ver van hier wat dit moeilik of bykans onmoontlik maak om haar in lewende lywe te ontmoet.
4. Die aanvanklike kontak kom van die swendelaar
Nie net is die hubare metgesel superaantreklik nie, hy maak ook al die eerste skuiwe.
Hy kontak die slagoffer eerste en reageer baie vinnig en opdringerig op boodskappe. Dit lyk nie asof hy skaam of onseker oor homself is nie.
5. Die swendelaar is oornag verlief
Hoe lank moet dit neem voordat ’n vrou vir jou sê sy is lief vir jou op ’n afspraak-app? Tog seker nie ná net ’n paar dae nie . . .
6. Die swendelaar verkies e-poskommunikasie
Waarom verkies swendelaars e-pos? Omdat die swendelaar gewoonlik probeer om honderde tot duisende mense gelyktydig te bedrieg. Sy aanlyn profiel sal waarskynlik ook gou verwyder word as daar genoeg klagtes daaroor ontvang word. Per e-pos kan hy aanhou gesels en kan niemand hom keer nie.
7. Die e-posadres stem nie ooreen met die naam nie
As die e-posadres nie naastenby met die persoon se gegewe naam ooreenstem nie, bly weg.
Byvoorbeeld as Katrina Korkova aanvoer haar e-posadres is [email protected], hardloop liefs vinnig en ver.
8. Hy beweer hy is beroemd of beskik oor ’n doktorsgraad
Volgens ’n peiling op die afspraakwebwerf SeekingArrangement.com het 37% van swendelaars beweer hulle beskik oor ’n doktorsgraad.
9. Swak spelling en/of taalgebruik
Vindingryke boewe gebruik deesdae ook rekenaarprogrammatuur om op boodskappe te reageer. Swak spelling en taalgebruik is duidelike tekens dat alles nie pluis is nie. Veral as die persoon aanvoer sy beskik oor ’n doktorsgraad, maar sy kan nie eens eenvoudige woorde reg spel nie.
10. Geld, geld, geld
’n Ware swendelaar is nooit te skaam om vir geld te vra nie. Hy sal verskeie verskonings uitdink, soos ’n siek familielid of dat hy geld vir ’n visum benodig om vir jou te kom kuier.
Slim vang sy baas
Daar is maklike maniere om te bewys of iemand wat jy op ’n afspraak-app ontmoet het, ’n swendelaar is.
1. Vra vir ’n onlangse foto
As sy weier, voer aan jou ouers of beste vriend glo jou nie dat sy werklik bestaan nie en eis ’n foto as bewysstuk. As sy dan steeds weier, is sy in alle waarskynlikheid ’n bedrieër.
2. Doen ’n soektog na sy foto’s
Jy kan op Google ’n soektog doen na foto’s om te bepaal of dit elders op die internet gebruik is.
Gaan na Google Images en laai die man se foto op. Jy sal dan in die resultate kan sien waar die boef dit waarskynlik gekry het. – Netwerk24
Sulke apps kan van groot waarde wees vir diegene op soek na nuwe liefde, maar daar is ook groot risiko’s wat daarmee gepaardgaan.
Swendelaars doen hulself voor as galante here, maar is eintlik net op die app om ander te manipuleer of te besteel. Soms kan dit selfs ’n kuberkraker wees wat jou vertroue probeer wen om uiteindelik toegang tot jou werkplek se rekenaarstelsels te verkry, veral as jy in ’n senior pos is of met die maatskappy se geldsake werk.
In die meeste gevalle word die slagoffer deur ’n veel jonger, aantreklike persoon gekontak waarop hy of sy halsoorkop verlief raak.
“Baie keer betaal die slagoffer groot bedrae geld oor aan die swendelaar voordat hulle agterkom hulle is met ’n slap riem gevang,” sê Anna Collard, besturende direkteur by KnowBe4, ’n onderneming wat opleiding in kuberveiligheid bied.
Collard het raad oor hoe om ’n swendelaar myle ver uit te ken.
1. Sy is beeldskoon
As sy in elke foto soos ’n wafferse model lyk met ’n volmaakte uurglasfiguur en die gelaatstrekke van ’n Hollywood-aktrise, is dit waarskynlik te goed om waar te wees. As sy ook net een foto op haar profiel gelaai het, hou eerder verby.
2. Hy maak verskonings om in lewende lywe te ontmoet
Die sleutel tot hierdie tipe swendelary is dat die slagoffer en die booswig nooit in lewende lywe ontmoet nie, of as hy dit wel doen, lyk hy nie naastenby soos op sy foto’s nie. Soms klink sy stem ook heel anders as oor die foon, iets wat hy sal probeer verduidelik deur te sê hy het ’n verkoue of iets dergeliks.
3. Sy kom van ’n vreemde land
Die swendelaar kom byna altyd van ’n eksotiese land ver van hier wat dit moeilik of bykans onmoontlik maak om haar in lewende lywe te ontmoet.
4. Die aanvanklike kontak kom van die swendelaar
Nie net is die hubare metgesel superaantreklik nie, hy maak ook al die eerste skuiwe.
Hy kontak die slagoffer eerste en reageer baie vinnig en opdringerig op boodskappe. Dit lyk nie asof hy skaam of onseker oor homself is nie.
5. Die swendelaar is oornag verlief
Hoe lank moet dit neem voordat ’n vrou vir jou sê sy is lief vir jou op ’n afspraak-app? Tog seker nie ná net ’n paar dae nie . . .
6. Die swendelaar verkies e-poskommunikasie
Waarom verkies swendelaars e-pos? Omdat die swendelaar gewoonlik probeer om honderde tot duisende mense gelyktydig te bedrieg. Sy aanlyn profiel sal waarskynlik ook gou verwyder word as daar genoeg klagtes daaroor ontvang word. Per e-pos kan hy aanhou gesels en kan niemand hom keer nie.
7. Die e-posadres stem nie ooreen met die naam nie
As die e-posadres nie naastenby met die persoon se gegewe naam ooreenstem nie, bly weg.
Byvoorbeeld as Katrina Korkova aanvoer haar e-posadres is [email protected], hardloop liefs vinnig en ver.
8. Hy beweer hy is beroemd of beskik oor ’n doktorsgraad
Volgens ’n peiling op die afspraakwebwerf SeekingArrangement.com het 37% van swendelaars beweer hulle beskik oor ’n doktorsgraad.
9. Swak spelling en/of taalgebruik
Vindingryke boewe gebruik deesdae ook rekenaarprogrammatuur om op boodskappe te reageer. Swak spelling en taalgebruik is duidelike tekens dat alles nie pluis is nie. Veral as die persoon aanvoer sy beskik oor ’n doktorsgraad, maar sy kan nie eens eenvoudige woorde reg spel nie.
10. Geld, geld, geld
’n Ware swendelaar is nooit te skaam om vir geld te vra nie. Hy sal verskeie verskonings uitdink, soos ’n siek familielid of dat hy geld vir ’n visum benodig om vir jou te kom kuier.
Slim vang sy baas
Daar is maklike maniere om te bewys of iemand wat jy op ’n afspraak-app ontmoet het, ’n swendelaar is.
1. Vra vir ’n onlangse foto
As sy weier, voer aan jou ouers of beste vriend glo jou nie dat sy werklik bestaan nie en eis ’n foto as bewysstuk. As sy dan steeds weier, is sy in alle waarskynlikheid ’n bedrieër.
2. Doen ’n soektog na sy foto’s
Jy kan op Google ’n soektog doen na foto’s om te bepaal of dit elders op die internet gebruik is.
Gaan na Google Images en laai die man se foto op. Jy sal dan in die resultate kan sien waar die boef dit waarskynlik gekry het. – Netwerk24
Kommentaar
Republikein
Geen kommentaar is op hierdie artikel gelaat nie