‘Ryk’ daggaboer Tyson boks nie vir geld
‘Ryk’ daggaboer Tyson boks nie vir geld
28 July 2020 | Sport
’n Mens wonder of Mike Tyson sal instem vir ’n dwelmtoets voor sy komende vertoongeveg teen Roy Jones Junior.
Indien wel, sal hy byna vir seker positief vir dagga toets. Die voormalige swaargewigbokskampioen van die wêreld is nie net ’n daggaboer nie, maar ook ’n daggaroker.
“Ek het vir langer as 20 jaar geboks en my lyf het baie straf verduur,” het Tyson onlangs aan Cannabis Tech Today gesê.
“Ek het twee operasies gehad en ek gebruik dagga om my senuwees te kalmeer en die pyn weg te neem.”
Hoewel wetgewing oor die gebruik van dagga nou al ’n paar jaar wêreldwyd verslap is, is dit steeds op die boksowerhede se lys van verbode middels.
Dis in hierdie stadium nog onseker wie presies Tyson se vertoongeveg teen Jones gaan aanbied en of daar enigsins dwelmtoetse gedoen sal word voor of ná die tyd.
Tyson, wat voorheen ook aan dwelms soos kokaïen verslaaf was, het vier jaar gelede ’n daggaplaas in Kalifornië gekoop.
Mense wat dink dat hy weer begin boks het omdat hy geld nodig het, rook egter een van daardie sigarette.
Die ou grote verdien jaarliks minstens $500 000 uit die verkope van daggaprodukte wat op die plaas vervaardig word.
Volgens die International Business Times dink Tyson daaraan om ’n tipe “universiteit” te begin om daggaboere op te voed.
Hy wil glo ook ’n vakansieoord open en ’n musiekfees aanbied. – Netwerk24
Indien wel, sal hy byna vir seker positief vir dagga toets. Die voormalige swaargewigbokskampioen van die wêreld is nie net ’n daggaboer nie, maar ook ’n daggaroker.
“Ek het vir langer as 20 jaar geboks en my lyf het baie straf verduur,” het Tyson onlangs aan Cannabis Tech Today gesê.
“Ek het twee operasies gehad en ek gebruik dagga om my senuwees te kalmeer en die pyn weg te neem.”
Hoewel wetgewing oor die gebruik van dagga nou al ’n paar jaar wêreldwyd verslap is, is dit steeds op die boksowerhede se lys van verbode middels.
Dis in hierdie stadium nog onseker wie presies Tyson se vertoongeveg teen Jones gaan aanbied en of daar enigsins dwelmtoetse gedoen sal word voor of ná die tyd.
Tyson, wat voorheen ook aan dwelms soos kokaïen verslaaf was, het vier jaar gelede ’n daggaplaas in Kalifornië gekoop.
Mense wat dink dat hy weer begin boks het omdat hy geld nodig het, rook egter een van daardie sigarette.
Die ou grote verdien jaarliks minstens $500 000 uit die verkope van daggaprodukte wat op die plaas vervaardig word.
Volgens die International Business Times dink Tyson daaraan om ’n tipe “universiteit” te begin om daggaboere op te voed.
Hy wil glo ook ’n vakansieoord open en ’n musiekfees aanbied. – Netwerk24
Soortgelyk
Covid-19: Verkiesings ‘kompleks, intens’
1 uur gelede | Politiek
Eina, jou doring
1 uur gelede | In beeld
‘Kommerwekkende styging’ in Windhoek-gevalle
1 uur gelede | Gesondheid
Sluit van howe in openbare belang- Dausab
1 uur gelede | Howe
Weer vir 12 Augustus 2020
1 uur gelede | Weer
Uitlewerings op ys weens virus
1 uur gelede | Misdaad
Eros se aanloopbaan opgeknap
1 uur gelede | Vervoer
Trane loop nog steeds oor Frieda Ndatipo
1 uur gelede | Mense
Lesersfoto's 12 Augustus 2020
1 uur gelede | Lesersfoto's
KleinadvertensiesKleinadvertensies
