Resessie slag Namibië

Mynbou óók in die rooi

20 September 2019 | Ministeries
Jo-Maré Duddy – Net sowat N$25,5 miljard teen bestendige pryse het die afgelope kwartaal deur die Namibiese ekonomie gevloei – die minste in vyf jaar.

Syfers wat gister deur die Namibië Statistiekagentskap (NSA) vrygestel is, toon die land se bruto binnelandse produk (BBP) in die tweede kwartaal was ongeveer N$1,27 miljard minder as die eerste drie maande van 2019. Vergeleke met die tweede kwartaal in 2018 het die BBP met nagenoeg N$670 miljoen gekrimp. Ál die bedrae is teen bestendige pryse van 2010 gemeet, wat beteken dit is onder meer vir inflasie aangepas.

Die jongste data beteken Namibië se ekonomie het in die afgelope kwartaal op ‘n jaargrondslag met -2,6% gegroei. Dit is die swakste vertoning nóg in ‘n tweede kwartaal sedert 2009.

Boonop het die ekonomie in die eerste drie maande van 2019 veel swakker gevaar as wat aanvanklik gemeen is. Die NSA se hersiene groeisyfer vir die eerste kwartaal is nou -2,9% vergeleke met die -2,0% van vroeër vanjaar.

Sedert 2016, toe kwartale in die huidige ekonomiese krisis vir die eerste keer begin negatief groei het, was Namibië se gemiddelde BBP vir die eerste ses maande van elke jaar bykans N$53,8 miljard. Die jongste halfjaar-BBP is sowat N$1,5 miljard minder.

Droogte

Net ses uit die 16 sektore van die ekonomie kon die afgelope kwartaal positief groei.

Landbou het vir ‘n skok gesorg deur met -28,1% te groei. Hersiene syfers toon dié sektor het in die eerste kwartaal met -31,4% gegroei, drasties minder as die -6,7% wat die NSA aanvanklik vrygestel het. Landbou is nou reeds vir vier opeenvolgende kwartale in die rooi.

Volgens die NSA het uitvoere van beeste op die hoef na Suid-Afrika en Angola die afgelope kwartaal op ‘n jaargrondslag met 45% gestyg. Sowat 34% meer bees as dieselfde kwartaal in 2018 is aan abattoirs en slaghuise gelewer.

Die risiko bestaan dat boere weens die droogte genoodsaak is om hul teelkuddes te verklein, het die ekonoom van Cirrus Capital, mnr. Robert McGregor, gister gesê. Jare se opbou van kuddes lê voor, het die navorsingshoof van PSG Namibia, me. Eloise du Plessis, bevestig.

“Landbou se bydrae tot die BBP daal sedert 2010 en beloop tans net 3,6%. Desondanks steun sowat tweederdes van die Namibiese bevolking op landbou om te oorleef en sorg landbou, bosbou en visserye vir rofweg ‘n vyfde van alle werkverskaffing,” sê Du Plessis.

Verbruiker

Groot- en kleinhandel, tradisioneel die swaargewig in die ekonomie, het die afgelope kwartaal met -2,0% gegroei. Dié sektor is nou 11 opeenvolgende kwartale in die rooi.

Groot- en kleinhandel se BBP-bydrae teen bestendige pryse was bykans N$2,96 miljard – sowat N$726 miljoen minder as die tweede kwartaal van 2016.

Konstruksie groei nou 14 opeenvolgende kwartale negatief. Groei die afgelope kwartaal was -5,5%.

Die sektor se BBP-bydrae teen bestendige pryse was N$718 miljoen vergeleke met bykans N$1,9 miljard in dieselfde kwartaal van 2015 – die jaar voor die regering met begrotingskonsolidering begin het.

Staatsadministrasie het met -2,7% gegroei, die derde opeenvolgende kwartaal van inkrimping. Gesondheid en onderwys, waar die regering ook ‘n groot rol speel, het met -2,6% en -0,9% onderskeidelik gegroei.

Mynbou

Mynbou is nou amptelik in resessie met twee opeenvolgende kwartale van negatiewe groei.

Die kwynende diamantbedryf op land het veral bygedra tot dié sektor se groei van -20,2% die afgelope kwartaal. Dit is die swakste vertoning sedert die tweede kwartaal van 2011.

Teen bestendige pryse het mynbou bykans N$2,4 miljard tot die BBP bygedra – sowat N$602 miljoen minder as die tweede kwartaal in 2018.

Mnr. Dylan van Wyk, navorsingsontleder by IJG Securities, sê die diamantsektor sal na verwagting onder druk bly, aangesien die diamantprys sedert die begin van die jaar daal.

Hotelle en restaurante, ‘n maatstaf vir toerisme, het met -2,8% gegroei. Dié sektor groei nou vir sewe opeenvolgende kwartale negatief.

Soortgelyk

 

The rose among the thorns

1 dag gelede | Mense

Justicia Shipena It would be difficult to meet anyone who is as passionate about food and educating people about a vegan diet than 25-year-old...

A peek into the HR world

1 dag gelede | Mense

Julia MushellengaThere are a few initiatives one can use to empower employees, but my main preference is through engagement. It’s important to create engagement platforms...

Fishrot-klankie tref korrupsie-indeks

1 dag gelede | Misdaad

Jo-Maré Duddy - Hoewel die Fishrot-skandaal in die jongste korrupsieverslag van 'n internasionale waghond vermeld word en Namibië vier plekke op 'n wêreldindeks moes inboet,...

Boere betáál vir ‘katkoppe’

1 dag gelede | In beeld

Veilingspryse vir tollies en verse bereik tans nuwe rekordhoogtes, met die hoogste prys van N$47,37 per kg wat vandeesmaand tydens ’n Blaauwberg-veiling op Grootfontein betaal...

Swartlys sy voorland, sê Hatuikulipi

1 dag gelede | Howe

Denver Kisting - Die eertydse uitvoerende hoof van Investec Asset ­Management en een van die sogenaamde Fishrot-beskuldigdes, mnr. James ­Hatuikulipi, sê sy bankrekening is N$150...

Bank Windhoek assigns Muukua with CSI and Stakeholder Engagement...

1 dag gelede | Gemeenskap

Bank Windhoek has appointed Veripura Muukua as its new Communication Practitioner, tasked with Corporate Social Investment (CSI) and Stakeholder Engagement, effective Wednesday, 15 January 2020.In...

Investing in the people

1 dag gelede | Gemeenskap

Mariselle Stofberg“A new decade signals a time for reflection and focus on new opportunities that lie untapped before us. A decade passed teaches of victories,...

Commit to be fit

1 dag gelede | Mense

Mariselle Stofberg It takes exceptional perseverance and determination to continue to chase your dreams despite adversity and complications that may arise. Jonathan Mweneni Mwafangeo has...

The value of the journey

1 dag gelede | Mense

Mariselle Stofberg“So many times I focused on what I wanted to become, neglecting the process required to get there. As I matured, I realised the...