Resessie klou verbete

Tien kwartale in die rooi

14 December 2018 | Regering
Jo-Maré Duddy



Met groei van -0,8% in die derde kwartaal het Namibië sy taaiste drie maande nóg vanjaar beleef en sit die twee swaargewigte wat die ekonomie se wiele laat rol – die verbruiker en die staat – steeds in die rooi vas.

Namibië is reeds sedert die einde van die derde kwartaal in 2016 amp­telik in 'n resessie. Met die jongste syfers wat 10 opeenvolgende kwartale van negatiewe groei toon, meen sommige ontleders die land is in 'n depressie, veral gegewe die hoë werkloosheidsyfer.

Aangepaste syfers, wat gister deur die Namibië Statistiekagentskap (NSA) vrygestel is, toon die ekonomie het in die eerste kwartaal vanjaar met -0,1% gegroei, gevolg deur -0,3% in die volgende een.

Gemeet aan die bestendige pryse van 2010, wat inflasie in ag neem, het bykans N$27,1 miljard die afgelope kwartaal in die ekonomie ingevloei. Dit is sowat N$694 miljoen minder as in die derde kwartaal van 2015 – die laaste derde kwartaal waarin die ekonomie positief gegroei het.

Geldgewys het klein- en groothandel die afgelope kwartaal meeste tot die bruto binnelandse produk (BBP) bygedra. Die sektor het egter reeds agt opeenvolgende kwartale van negatiewe groei agter die rug. Soos in die tweede kwartaal, het klein- en groothandel die afgelope kwartaal met -5,8% gegroei.

Die sektor het presies twee jaar gelede laas positief gegroei. Gemeet aan bestendige 2010-pryse het dit toe sowat N$3,8 miljard tot die BBP bygedra. Dié bedrag het in die afgelope kwartaal met sowat 'n halfmiljard Namibiese dollar tot bykans N$3,3 miljard gekrimp.



Staat

Openbare administrasie, wat die tweede grootste BBP-steunpilaar is, het met -1,8% gegroei. Sedert die regering in die tweede helfte van 2016 met begrotingskonsolidering begin het, ry dié sektor wipwa tussen positiewe en negatiewe groei. Vanjaar het dit nog net negatief gegroei: -0,9% in die eerste kwartaal en -1,7% in die volgende een.

Gesondheid en onderwys – waarin die staat ook 'n reuse-aandeel het – boer ook in die rooi.

Onderwys het die afgelope kwartaal tot groei van 0,1% herstel ná dit die vorige twee kwartale met ­onderskeidelik -2,3% en -1,8% gegroei het.



Gesondheid groei sedert die laaste kwartaal van 2017 negatief en het in die afgelope een met 5,4% ingekrimp. In die eerste twee kwartale vanjaar was groei -4,5% en -7,6% onderskeidelik.



Konstruksie

Konstruksie het in die eerste twee kwartale vanjaar telkens met groei van sowat 24% herstel ná dit die hele 2016 én 2017 in 'n diep resessie was. Die afgelope kwartaal was konstruksie egter opnuut in die rooi met groei van -6,5%.

Die volgende sektore is almal reeds vier opeenvolgende kwartale in negatiewe groei gedompel: Visserye (-10,6% die afgelope kwartaal), vervaardiging (-0,6%), asook hotelle en restaurante (-0,6%), 'n maatstaf vir toerisme.

Sektore wat die afgelope kwartaal beter as dieselfde kwartaal in 2017 gevaar het, was elektrisiteit en water (13,5% teenoor 3,7%), asook vervoer en kommunikasie (2,5% teenoor 0,4%).

Soortgelyk

 

Geingob: Gelukkig Vrouedag, vroue

1 dag gelede | Regering

President Hage Geingob sê hy erken die dapper pogings van vroue om beter gemeenskappe te skep en tot die voorspoed van die mensdom by te...

Verkrygingsraad presteer

1 dag gelede | Regering

Die Sentrale Verkrygingsraad van Namibië (CPBN) se raadsvoorsitter, mnr. Patrick Swartz, en administratiewe hoof, me. Lischen Ramakhutla, het vanoggend lig gewerp op uitdagings wat die...

Namibië topbestemming by ITB

1 dag gelede | Toerisme

Namibië is gisteraand as beste safari en wildbestemming by die Internasionale Toerismeskou in Berlyn (ITB) in Duitsland aangewys.Die minister van die omgewing en toerisme, mnr....

Wet slaan toe op wapenlisensies

2 dae gelede | Ministeries

Denver Kisting – Op die oomblik hoef iemand wat om ’n wapenlisensie aansoek doen, nie bewys te lewer dat hulle in staat is om ’n...

Reënweer vertoef langer

2 dae gelede | In beeld

Die Namibiese weerkantoor voorspel sonnige en baie warm weer vir vandag in die verre weste en suidweste van die land, terwyl dit elders gedeeltelik bewolk...

Water: Verligting ná hemelhoë rekeninge

2 dae gelede | Regering

Elvira Hattingh - Windhoekers wat vandeesmaand uitsonderlike hoë waterrekeninge ontvang het, kan ‘n sug van verligting slaak omdat die droogtetarief vir huishoudings net tot Januarie...

Kalender 8 Maart

2 dae gelede | Kuns en vermaak

Nou aan die gang» Tapz is 'n meester van die bira en die Wes-Afrikaanse djembe. Dit kan op sy debuutalbum, Awaited Wait, wat in Desember...

Jeuggeweld ruk Outjo

2 dae gelede | Misdaad

Denver Kisting Drie jongelinge van Outjo is steeds agter tralies nadat hulle glo sowat 'n maand gelede twee ander jong mans binne 43 minute doodgesteek...

Minister gee Nida nuwe raad

2 dae gelede | Plaaslik

Ogone Tlhage – Die raad van die nuwe agentskap vir nywerheidsontwikkeling in Namibië (Nida) sal gereeld moet vergader om homself as semi-staatsinstelling te vestig. So...