Reënbooghare vir siek kinders

Outistiese seun ook gehelp

22 August 2019 | Gebeure
Tanja Bause - ’n Twaalfjarige van die hoofstad met ’n groot hart het groot planne om geld vir liefdadigheid in te samel.

Lelita Esterhuizen (12) van Windhoek is ’n finalis in die Toddler & Tween of the World 2019-kompetisie wat in Klerksdorp in Suid-Afrika plaasvind.

“Ek en my maatjies beplan om op 7 September ’n Unicorn Spray-a-Thon by die Grove-winkelsentrum in Windhoek te hou. Al die geld wat ons op die dag insamel, gaan aan drie projekte geskenk word,” sê sy.

Lulu van Rhyn (7), ook ’n finalis in die kompetisie, was onmiddellik by die fondsinsamelingprojek betrokke omdat haar sussie Mia een van die begunstigdes is.

Lulu en Lelita het in die verlede al saamgespan om verskeie fondsinsamelings te hou, asook ’n veldtog vir die bewusmaking van outisme.

Mia van Rhyn (3) is met hidrokefalie gebore. Sy het binnekort ’n afspraak by ’n spesialis wat stamselbehandeling doen. Dié behandeling kan haar kans op ’n normale lewe wees.

“Die uitslae is baie goed en ons bid almal dit sal goed afloop. Die behandeling is baie duur en die meisies wil iets vir Mia doen. Altesaam 40% van al die geld wat met die Spray-a-Thon ingesamel word, sal vir Mia se behandeling wees,” sê me. Denita Rossouw, Lelita se ma.

’n Verdere 40% sal aan Christiaan Klopper (6) geskenk word.

Christiaan is die outistiese seun van ’n enkelma.

“In April het die meisies baie bewusmaking vir outisme geskep en daardeur het hulle baie van outisme geleer. Lelita het ’n maand lank daagliks inligting oor outisme op haar Facebook-bladsy geplaas. Christiaan se ma het ’n foto van hom gestuur vir die outisme-bewustheidsdag, waarop blou gedra word,” het Rossouw gesê.

Lelita het meer oor Christiaan uitgevind en ontdek sy ma is ’n enkelouer is wat swoeg om haar seun die beste kans op ’n normale lewe te gee.

“Die geld wat ingesamel word, sal vir Christiaan se spraakterapie en skoolfonds aangewend word.

“Sowat 20% van die ingesamelde fondse sal natuurlik vir Have-a-Heart (’n niewinsgewende organisasie wat minderbevoorregtes se katte en honde gratis steriliseer) op Rundu gaan. Dit is die projek waarmee Lelita oorspronklik haar liefdadigheid begin het. Die organisasie lê haar baie na aan die hart en sal altyd by fondsinsamelings baat,” het Rossouw gesê.

“Ons wil graag hê al die finaliste van Toddler & Tween moet by die fondsinsameling betrokke raak, en tot dusver staan Laliq Cat Adams loshande bo almal uit met die talle blikkies haarsproei wat sy al ingesamel het.

“Om van die fondsinsameling ’n sukses te maak, het die meisies nog ’n bietjie hulp nodig. Hulle benodig nog blikkies kleurvolle haarsproei, blinkers en gesigverf.

“Ons is ook dankbaar vir elke besoeker wat op die dag by die Grove hul gesigte sal laat verf of hul hare vir die goeie doel sal laat spuit.”

Vir meer inligting, kontak mee. Denita Rossouw by 081 882 3777 of Franci van Rhyn by 081 332 1065.

[email protected]

Soortgelyk

 

Teko-trio vrygespreek

8 ure gelede | Howe

Ronelle Rademeyer - Die sakevrou, me. Teckla Lameck, en haar twee vennote, mnre. Yang Fan en Jeroboam (Kongo) Mokaxwa, is vanoggend in die hoërhof in...

Moenie polisie-, weermaglede verfilm nie

18 ure gelede | Regering

Die ministerie van verdediging het lede van die publiek gewaarsku om nie foto’s of video's van lede van die Namibiese polisie of die weermag (NDF)...

Dokters wis nie van voorskrifte

18 ure gelede | Ministeries

Henriette Lamprecht Geen amptelike kennisgewing is aan lede van die twee grootste verenigings vir dokters in die land uitgestuur oor die herske­dulering van medikasie, insluitende...

Regering kry skuld vir SOE-gemors

18 ure gelede | Regering

Denver Kisting Die regering is 'n swak aandeelhouer.Só het die adjunk- uitvoerende direkteur van staatsdiensondernemings, me. Louise Shixwameni, gister op die ontbytprogram Good Morning Namibia...

Teenstropery: 280 polisielede veg saam

18 ure gelede | Misdaad

Francoise Steynberg Altesaam 280 polisielede van oraloor die land word in teenstropingseenhede op 'n driemaandelikse roteringsbasis in die Palmwagkonsessie en die Etosha en Bwabwata Nasionale...

Meer as N$350 000 se goedere kry voete

18 ure gelede | Misdaad

Volgens die Namibiese polisie se misdaadverslag het skelms Woensdag om 14:00 die venster van 'n voertuig in Windhoek se noordelike nywerheidsgebied stukkend geslaan. Die insittende...

Weer vir 18 September

18 ure gelede | Weer

WEERWAAK: Baie warm toestande sal oor die binneland voortduur.BINNELAND: Gedeeltelik bewolk en bloedig warm in die Suide, andersins sonnig en baie tot bloedig warm.KUS: Bewolk...

Konferensie fokus op gehalte-onderrig

18 ure gelede | Onderwys

Die Nasionale Raad vir Hoër Onderrig het, in vennootskap met die Namibiese Kwalifikasie-owerheid en die Universiteit van Namibië (Unam), die Universiteit van Wetenskap en Tegnologie...

'n Kolwyntjie vir Nadine

18 ure gelede | Plaaslik

Tanja Bause'n Elfjarige meisie van Windhoek het verlede jaar tydens die Internasionale Dansfees in Suid-Afrika stof in ander deelnemers sê oë geskop, en is hard...