Rehoboth: Koppe stamp oor abattoir
Vleisprodusente op dié dorp is op soek na oplossings vir die slagting van hul diere.
Jemima Beukes – ’n Groep Rehoboth-sakemanne beweer die dorpsraad se uitvoerende hoof, mnr. Simeon Kanime, het “uit sy kantoor gehardloop en hulle onbeskof weggewys,” toe hulle hom oor die toestand van die dorp se slagpale wou spreek.
Kanime beweer egter hy was nie onbeskof nie.
“Ek het bloot hul vrae beantwoord,” sê hy, en wou nie verder oor die voorval kommentaar lewer nie.
Die leier van die besigheidsafvaardiging, mnr. Rudi van Wyk, eienaar van die Aukukams-slaghuis op Rehoboth, sê hulle het die vergadering met Kanime verlede week amptelik versoek om kwessies te bespreek wat plaaslike boere en vleisprodusente bekommer, maar het geen reaksie daarop gekry nie.
Dit het hulle genoop om Kanime se kantoor te besoek.
Die sakemanne sê hul besighede word deur die huidige opknappinng van die abattoir bedreig, omdat produsente nou nie geriewe het om hul diere te slag nie.
“Ons het mnr. Kanime ingelig oor die kwessie en dit aan hom duidelik gemaak hierdie scenario gaan ’n direkte impak op die dorp se ekonomie hê.
“Hy het ons versoek vir ’n vergadering verwerp, en gesê die Rehoboth-abattoir voldoen nie aan sekere standaarde nie, derhalwe is dit tydelik gesluit. Ek vra hom toe hoekom die dorpsraad nie ’n abattoir het nie, aangesien dit ’n noodsaaklike diens is, wat die plaaslike owerheid die gemeenskap moet bied. Kanime het ontsteld geraak en gesê ek moenie druk op hom plaas nie,” sê Van Wyk.
Hy sê hulle het ook die buitensporige verhoging van inspeksietariewe by die Rehoboth-abattoir onder Kanime se aandag gebring, wat sonder beraadslaging met die gemeenskap in werking gestel is.
Volgens Van Wyk het die uitvoerende hoof gesê hy het nie tyd vir hulle nie en “hy is nie oor ’n vergadering met ons begaan nie”.
Hy sê Kanime het hulle die deur gewys en aangeraai om eerder met die burgemeester te vergader.
“Ons het nie aan sy versoek voldoen nie; toe staan hy op en los ons daar in sy kantoor. Ons het besluit om te bly sit, en toe hy later terugkeer, het hy ons heeltemal geïgnoreer. Hy vra toe wat hy vir ons kan doen en ons het hom weer eens vertel ons wil ’n dringende vergadering vir volgende week belê om die kwessie te bespreek en ’n oplossing te vind. Kanime het gesê hy het nie erg aan enige vergadering nie,” sê Van Wyk.
Volgens hom is die Bahnhof-abattoir, sowat 15 km oos van Rehoboth, reeds twee jaar lank in onbruik, ná die dorpsraad die gebruik daarvan verwerp het.
“Hierdie abattoir bestaan uit al die geriewe om vleisprodusente te kan akkommodeer, maar die gebruik van die gerief word streng deur die Rehoboth-dorpsraad se verordeninge verbied.
“Die impak van dié omstandighede op Rehoboth is yslik, nie net ekonomies nie, maar dit hou ook ’n gesondheidsrisiko vir verbruikers in as verskaffers vleis of vleisprodukte bekom, wat nie aan gesondheidsvereistes voldoen nie,” sê Van Wyk.
– [email protected]
Kanime beweer egter hy was nie onbeskof nie.
“Ek het bloot hul vrae beantwoord,” sê hy, en wou nie verder oor die voorval kommentaar lewer nie.
Die leier van die besigheidsafvaardiging, mnr. Rudi van Wyk, eienaar van die Aukukams-slaghuis op Rehoboth, sê hulle het die vergadering met Kanime verlede week amptelik versoek om kwessies te bespreek wat plaaslike boere en vleisprodusente bekommer, maar het geen reaksie daarop gekry nie.
Dit het hulle genoop om Kanime se kantoor te besoek.
Die sakemanne sê hul besighede word deur die huidige opknappinng van die abattoir bedreig, omdat produsente nou nie geriewe het om hul diere te slag nie.
“Ons het mnr. Kanime ingelig oor die kwessie en dit aan hom duidelik gemaak hierdie scenario gaan ’n direkte impak op die dorp se ekonomie hê.
“Hy het ons versoek vir ’n vergadering verwerp, en gesê die Rehoboth-abattoir voldoen nie aan sekere standaarde nie, derhalwe is dit tydelik gesluit. Ek vra hom toe hoekom die dorpsraad nie ’n abattoir het nie, aangesien dit ’n noodsaaklike diens is, wat die plaaslike owerheid die gemeenskap moet bied. Kanime het ontsteld geraak en gesê ek moenie druk op hom plaas nie,” sê Van Wyk.
Hy sê hulle het ook die buitensporige verhoging van inspeksietariewe by die Rehoboth-abattoir onder Kanime se aandag gebring, wat sonder beraadslaging met die gemeenskap in werking gestel is.
Volgens Van Wyk het die uitvoerende hoof gesê hy het nie tyd vir hulle nie en “hy is nie oor ’n vergadering met ons begaan nie”.
Hy sê Kanime het hulle die deur gewys en aangeraai om eerder met die burgemeester te vergader.
“Ons het nie aan sy versoek voldoen nie; toe staan hy op en los ons daar in sy kantoor. Ons het besluit om te bly sit, en toe hy later terugkeer, het hy ons heeltemal geïgnoreer. Hy vra toe wat hy vir ons kan doen en ons het hom weer eens vertel ons wil ’n dringende vergadering vir volgende week belê om die kwessie te bespreek en ’n oplossing te vind. Kanime het gesê hy het nie erg aan enige vergadering nie,” sê Van Wyk.
Volgens hom is die Bahnhof-abattoir, sowat 15 km oos van Rehoboth, reeds twee jaar lank in onbruik, ná die dorpsraad die gebruik daarvan verwerp het.
“Hierdie abattoir bestaan uit al die geriewe om vleisprodusente te kan akkommodeer, maar die gebruik van die gerief word streng deur die Rehoboth-dorpsraad se verordeninge verbied.
“Die impak van dié omstandighede op Rehoboth is yslik, nie net ekonomies nie, maar dit hou ook ’n gesondheidsrisiko vir verbruikers in as verskaffers vleis of vleisprodukte bekom, wat nie aan gesondheidsvereistes voldoen nie,” sê Van Wyk.
– [email protected]
Kommentaar
Republikein
Geen kommentaar is op hierdie artikel gelaat nie