Reho-tragedie ondersoek

Kommer oor veiligheid

16 October 2020 | Misdaad
Denver Kisting – Die kinderadvokaat in die kantoor van die ombudsman, me. Ingrid Husselmann, sê haar kantoor het ’n ondersoek van stapel gestuur na ’n tragedie op Rehoboth wat tot die polisieaanhouding van ’n tiener met spesiale leerbehoeftes gelei het.

Husselmann het Woensdag gesê die feit dat die kind Dinsdagaand in ’n polisiesel oornag het, was reeds een nag té veel.

Die 14-jarige graad 3-seun het egter Woensdagaand ’n tweede nag in ’n polisiesel deurgebring nadat borgtog daardie dag in die Rehoboth-landdroshof van die hand gewys is, verneem Republikein op goeie gesag.

Husselmann het gister gesê haar kantoor het daardie dag reeds ’n klag ontvang. “Ons ondersoek tans die hele aangeleentheid rondom sy aanhouding.”

Sy het voorts gesê dié ondersoek sal uitgebrei word om ook beweringe te fynkam dat die oorledene, Ivan Zamuee (15), se oom ’n staatsaanklaer by die Rehoboth-landdroshof is.

Dié been van die ondersoek sal ten doel hê om vas te stel of enige magsvergrype ter sprake was.

Die tienerbeskuldigde is gister Windhoek toe gebring waar hy vir 30 dae psigiatries geëvalueer sal word.

Volgens Husselmann is ’n kinderhofaansoek op die tafel “om voorsorg te tref vir sy versorging ná die psigiatriese evaluering klaar is”.

Sy sê die psigiater, onder wie se waarneming die seun in die hoofstad sal wees, sal ’n bevinding maak wat ’n moontlike mediese diagnose kan insluit.

Dít is om vas te stel of die kind hofverrigtinge sal kan verstaan en/of hy oor die bevoegdheid beskik om die onregmatigheid van sy beweerde optrede te begryp én daarvolgens opgetree het, het Husselmann gister verduidelik.

’n Psigiatriese evaluering moet ook bepaal of die seun dalk aan ’n sielkundige siekte of ’n afwyking gely het ten tye van die beweerde moord wat Dinsdagoggend skokgolwe deur die Rehoboth-gemeenskap gestuur het.

Al dié bevindinge sal die aanklaer-generaal in staat stel om te bepaal of die seun weens die beweerde misdaad vervolg behoort te word al dan nie.

Ofskoon die oorledene ’n hoërskoolleerling was, was hy en sy vermeende moordenaar albei in die St. Joseph’s Laerskool se koshuis op Rehoboth omdat daar glo nie vir Zamuee elders plek was nie.

Dié koshuis en skool behoort aan die Rooms-Katolieke Kerk.

Na wat verneem word, het die tienerbeskuldigde vermoedelik Dinsdagoggend tussen 06:30 en 07:00 breekpunt bereik ná hy onder herhaalde afknouery deurgeloop het – na bewering aan die hand van die oorledene.

Die tiener het dié oggend glo ’n mes in die koshuis se kombuis gegryp en na bewering vir Zamuee met een hou doodgesteek.

Zamuee is sowat ’n uur ná die voorval in die St. Mary’s-hospitaal op die dorp dood.

Talle koshuisleerlinge was teenwoordig tydens die tragedie.

Na wat verneem word, het die tienerbeskuldigde glo vreeslik gehuil ná hy ingelig is Zamuee is dood.

Hy moet weer op 12 November in die landdroshof op Rehoboth op aanklag van moord verskyn.

- [email protected]

Soortgelyk

 

Geingob onder skoot oor ‘wit’ opmerkings

9 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

9 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

9 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

9 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

9 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

9 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

9 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

9 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

9 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...