Psigiater vir onprofessionele gedrag ondersoek

Praktiseer steeds

17 May 2019 | Howe
Henriette Lamprecht – ‘n Voorlopige ondersoekkomitee van die mediese en tandheelkundige raad het bevind ‘n klagte van onprofessionele gedrag teen ‘n bekende psigiater van Swakopmund het wel meriete.

Volgens die Raad van Gesondheidsberoepe in Namibië (HPCNA) se registrateur is die klagte wat teen dr. Pieter van der Westhuizen ingedien is, ondersoek en het die komitee voorgestel dit word vir ‘n ondersoek na professionele gedrag verwys.

Volgens mnr. Cornelius Weyulu is die saak vervolgens na die HPCNA se regsverteenwoordigers verwys om die klagtes teen Van der Westhuizen te formuleer.

Van der Westhuizen staan tans in die hoërhof in Windhoek ook tereg op vyf aanklagte, wat ‘n klag van poging tot moord insluit.

Die klag van poging tot moord is alternatiewelik die oortreding van artikel 16 van die wet op die bestryding van immorele praktyke en die gebruik van sekere middele om ’n vrou te verdoof of die oorhand vir immorele doeleindes te kry. Die ander klagte teen hom is een van onsedelike aanranding en drie klagte van verkragting.

Die aanklagte hou verband met Van der Westhuizen wat na bewering in November 2015 ‘n pasiënt in sy spreekkamer op die dorp verkrag het. Van der Westhuizen het glo die getroude ma van twee eers bedwelm en toe verkrag.

Volgens die hofstukke het Van der Westhuizen die vrou glo ’n oordosis Ritalin-, Valium- en Ativan-­tablette gegee. Die slagoffer is glo ook alkohol ingegee.

Die slagoffer was glo ten tyde van die beweerde verkragtings “hulpeloos” weens die pille wat sy moes drink. Van der Westhuizen het glo ook fisieke krag tydens die verkragtings gebruik.

Van der Westhuizen se spreekkamer op die kusdorp wou gister nie kommentaar oor die ondersoek lewer nie en navrae deur Republikein is met “geen kommentaar” begroet.

In April verlede jaar het die HPCNA bevestig verskeie klagtes van onprofessionele gedrag teen Van der Westhuizen word ondersoek.

Die raad is egter nie in ‘n posisie om die misdaad van verkragting te ondersoek nie, maar wel die praktisyn se gedrag in die tyd wat die verkragting na bewering plaasgevind het.

Sou die strafregtelike ondersoek Van der Westhuizen aan verkragting skuldig bevind, sal die raad volgens Weyulu die saak in ooreenstemming met die Mediese en Tandheelkundige Wet 10 van 2004 hanteer.

Van der Westhuizen sal tydens ‘n verhoor die geleentheid kry om sy saak met of sonder regsverteenwoordiging te verdedig, wanneer die raad die klagte teen hom formuleer.

Weyulu het toe gesê ‘n praktisyn is onskuldig tot hy aan onprofessionele gedrag skuldig bevind word, waarná sy magte ingevolge wetgewing opgeskort kan word.

Van der Westhuizen praktiseer steeds as psigiater.

Soortgelyk

 

Namibiërs stem op 27 November

41 minute gelede | Politiek

Denver Kisting - Namibiërs gaan 27 November vanjaar stembus toe om 'n president en lede van die Nasionale Vergadering (NV) te kies.Dié aankondiging is vanoggend...

Toekenning vir Namibiese TV-vrou

1 uur gelede | Kuns en vermaak

Die oud-Walvisbaaier, Linda de Jager (foto), is op 10 Mei met ‘n ATKV-toekenning bekroon vir die reeks, “Daar’s ‘n Plek met Coenie” vir Via.Via is...

From teacher to humble CEO

10 ure gelede | Mense

Leandrea Louw Bisey Uirab, the former CEO of the Namibian Ports Authority (Namport), will be heading to the Namibia Airports Company (NAC) in the...

Ek het hoop vir Rehoboth, sê Ellen Pakkies

10 ure gelede | Mense

Denver Kisting op Rehoboth – Kort nadat sy die tou stywer om haar 21-jarige seun se nek getrek het, het sy by God om vergifnis...

Psigiater vir onprofessionele gedrag ondersoek

10 ure gelede | Howe

Henriette Lamprecht – ‘n Voorlopige ondersoekkomitee van die mediese en tandheelkundige raad het bevind ‘n klagte van onprofessionele gedrag teen ‘n bekende psigiater van Swakopmund...

Hard work makes the dream work

10 ure gelede | Mense

Mariselle Stofberg Zenneth Oosthuizen is a senior associate at PricewaterhouseCoopers (PwC) who enjoys adventure and new opportunities. “I would describe myself as a quiet and...

Writing your own story

10 ure gelede | Mense

Mariselle StofbergOctavia Tsibes was born and raised in Otjiwarongo. Her family has always been interested in writing, and this passion is evident in this humble...

Kalender 17 Mei

10 ure gelede | Kuns en vermaak

Nou aan die gang» Namibië se beste bluesgroep, Roadhouse Blues, tree vanaand by The Loft (by die Warehouse-teater) op. Die groep maak al jare musiek...

Hout gevat, maar niemand vas

10 ure gelede | Ministeries

Catherine Sasman - Polisie in die Kavango-Wesstreek het beslag op hout gelê wat vermoedelik onwettig geoes is, maar tot dusver is niemand in hegtenis geneem...