Prosopis-kappery by Elisenheim is wettig

Bedreig kameeldoringbome, waterbronne

24 December 2019 | Omgewing
Elvira Hattingh - Twee mense wat prosopisse buite die Elisenheim-landgoed afkap, beskik oor al die nodige toestemming én permitte hiervoor.

Boonop strek die afkap van dié bome tot voordeel van die Namibiese om­gewing omdat dit volgens plaaslike wetenskaplikes dié uitheemse plant is wat die nadeligste ekologiese impak op ons land het.

Dit volg nadat Elisenheim-inwoners hul kommer uitgespreek het oor groot prosopisse wat buite die landgoed afgekap word. Daar word ook beweer dat kameeldoringbome in die slag bly.

Die landgoed se bestuurder, mnr. Schalk Kruger het Donderdag aan Republikein bevestig twee persone het ministeriële goedkeuring en permitte om die prosopisse te benut. “Dit is 'n klas 1-indringerspesie, wat beteken dit hou 'n gevaar vir die omgewing in en mag daarom verwyder word,” het Kruger gesê.

“My kantoor het dié persone besoek en al hul dokumentasie is in orde. Dit is die enigste twee persone wat gemagtig is om dit te doen,” het Kruger gesê. Hy het bygevoeg Elisenheim-­inwoners met vrae is welkom om hom te kontak. Hy beskik ook oor afskrifte van die persone se dokumente.

TER PLAATSE ONDERSOEK

Tydens 'n ter plaatse besoek deur Republikein waar een van die permithouers, mnr. Manu Brassine, besig was om prosopisse rondom Elisenheim te oes, het hy ook al sy dokumente getoon.

Brassine beskik oor 'n oespermit wat in September deur die ministerie van landbou, water en bosbou se direktoraat van bosbou uitgereik is. Hiervolgens mag hy binne Windhoek se munisipale gebied tot 30 Desember ses ton van dié bome oes.

Die Elisenheim-eienaarsvereniging (EOA) het hom ook 'n toestemmingsbrief gegee om prosopisse te oes. Terselfdertyd beskik Brassine oor 'n ondertekende brief van die munisipaliteit se afdeling vir ekonomiese ontwikkeling en gemeenskapsdienste dat hy vir 'n jaar lank, vanaf Junie 2019, dié asook enige dooie bome mag oes.

Brassine sê hy kap reeds vir 20 jaar lank prosopisse en hou by die wet. Tog sien hy dikwels talle ander houtkappers wat ook bome afkap en nié oor permitte beskik nie. Hy het dit by bosbou aangemeld, maar meen daar word nie op sy klagtes gereageer nie.

EKOLOGIESE GEVAAR

Prosopisse, wat eintlik van Amerika en Mexiko kom, ding sterk met inheemse plantspesies mee en verdryf hulle later. Die bome is ook veel dorser as wat Namibië se damme en waterstelsels kan bekostig.

Die Namibië Universiteit vir Wetenskap en Tegnologie (Nust) se dr. Ben Strohbach het vantevore in 'n voorlegging gesê tydens 'n studie in die Gibeon-omgewing is bevind dat 'n prosopis van 3 mm hoog sowat 7,5 liter water per dag gebruik. Hier het dit ook reeds bykans alle natuurlike plantegroei vervang en dit bedreig veral kameeldoringbome.

Dit verwoes plantbiodiversiteit, het 'n beduidende impak op watergehalte en hoeveelheid, asook plaaslike ekonomieë.

Prosopisse is ook bewys om by verre vinniger as inheemse plantspesies te groei en dit te “versmoor”, terwyl dit allelopatiese stowwe vrystel wat keer dat ander plantspesies se sade ontkiem. Prosopisse­ se wortels is saamgestel om water op so 'n manier te oes dat inheemse plante bykans niks kan kry nie, het hy verduidelik.

Terselfdertyd het dit ook goeie kommersiële waarde wat benut moet word.

Benewens projekte deur byvoorbeeld die internasionale ontwikkelingsagentskap USAID om ­prosopisse in die Gibeon-omgewing te verwyder, steun die Namibiese ­regering ook die stryd teen uitheemse indringerplante.

- [email protected]

Soortgelyk

 

Geweldenaars op vrye voet

10 ure gelede | Misdaad

Denver Kisting – Teen gistermiddag was die man steeds op vrye voet wat glo Saterdagoggend by 'n huis in Havana ingebreek en 'n vrou ten...

Swaar straf wag op Covid-oortreders

10 ure gelede | Regering

Denver Kisting – Dr. Kalumbi Shangula, die mi­nister van gesondheid en maatskaplike dienste, sê geskoei op Namibiërs se gedrag vandat die noodtoestand ten einde geloop...

Weer, Maandag 21 September 2020

10 ure gelede | Weer

BINNELAND: Gedeeltelik bewolk en baie warm in die noordoostelike streke met 'n paar buie in die Zambezi. Elders sonnig en baie warm tot bloedig warm.KUS:...

Toeriste uit Europa land

10 ure gelede | Vervoer

Augetto GraigEurowings se vlug LH5434 het gisteroggend net voor sonop vanuit Frankfurt by die Internasionale Lughawe Hosea Kutako geland. Die Airbus A330-300 met 280 sitplekke...

Itula: 'Outokratiese' aantygings pla nie

10 ure gelede | Politiek

Jemima Beukes – Die leier van die Independent Patriots for Change (IPC), dr. Panduleni Itula, sê kritici en beswaarde lede wat hom as 'n “huigelaar”...

NSFAF subsidieer skootrekenaars, datatoestelle

10 ure gelede | Onderwys

Augetto Graig – Namibiese studente sal binnekort gesubsidieerde skootrekenaars en goedkoop data kan koop om aanlyn afstandsonderrig te vergemaklik. Die Finansiële Hulpfonds vir Namibiese Studente...

Gertze skotvry ná skietvoorval

10 ure gelede | Howe

Ogone Tlhage – Die klag van poging tot moord teen die uitvoerende direkteur van die Namibiese Kwalifikasieowerheid (NQA), mnr. Franz Gertze, is Donderdag in die...

WEN AFSLAG OP 'N VAKANSIE

10 ure gelede | Gebeure

In aanloop tot die ­Namibië ­Toerisme Ekspo gee ­Republikein elke dag tot 6 November een afslag-reisbewys ter waarde van N$1 000 weg.SMS die sleutelwoord “NTE2020”...

Twee babaseuntjies doodgebrand; huisbrekers ’n pes

15 ure gelede | Misdaad

Augetto Graig – Die naweek van 18 tot 20 September het volgens die polisie se nuutste misdaadverslag verskeie onnatuurlike lewensverliese opgelewer. Twee babaseuntjies is doodgebrand...