Privaat sektor wil Etosha-paaie gelyk maak

Kleiner paaie vier jaar laas geskraap

15 July 2019 | Toerisme
Tanja Bause - Etosha Nasionale Park se paaie is tans in ’n haglike toestand, met sommige wat skaars toeganklik is.

Danksy mnr. Chris Theron is ’n private inisiatief van stapel gestuur om die hele park se sandpaaie te laat skraap.

“Die padnetwerk van 400 km in die park word tans deur slegs twee padskrapers in stand gehou en dit is ’n onbegonne taak. Paaie wat meer afgeleë is, soos die klein pad wat na die Leeubron-watergat toe lei, is vier jaar laas geskraap,” sê Theron.

“Die park is ’n nasionale bate en ons kan nie toelaat dat dit platval omdat niemand op die paaie kan ry nie.”

Hy het ook die Uis-waterprojek in 2017 van stapel gestuur.

Hierdeur het hy water vir die Uis-gemeenskap en omliggende gebiede laat insamel en aflewer aan gemeenskappe wat maande lank sonder water was.

“Die noodwaterplan is ‘n noodplan deur Namibiërs vir Namibiërs, en met geen geldelike gewin nie,” het Theron destyds gesê.

Só is dit ook met die insameling van fondse ten bate van Etosha se paaie.

“Ek is in beheer van die geld en dit word slegs aangewend om kontrakteurs te betaal. Nie ’n enkele sent gaan aan die regering nie. Dit word slegs vir die skraap van die paaie aangewend. Niemand mag geld namens my vir die projek in ontvangs neem nie,” sê Theron.

Hy sê hy was vantevore by die Paaieowerheid (RA) betrokke en het ’n paar kontrakteurs genader en ’n versoek om hulp in die sosiale media geplaas.

“Kontrakteurs het onmiddellik hul hulp aangebied. Ek het oproepe van mense uit Windhoek, Otjiwarongo en Outjo ontvang wat hul padskrapers, waterlorries en werkers aangebied het. Dit is wonderlik hoe Namibiërs altyd gewillig is om te help waar nodig en iets vir die land en sy mense te doen.”

Volgens Theron gaan die betrokke paaie snags geskraap word sodat die park se werksaamhede nie ontwrig word nie.

“Ons kan so tussen 80 en 100 km ’n nag skraap. Wanneer die son opkom, sal die pad droog wees en die gewone verkeer sal die grond saampers. Niemand sal eers weet dat ons in die nag die pad geskraap het nie,” sê hy.

Mnr. Nick Putter, ’n ingenieur, is saam met Theron aan die stuur van die projek.

Belangstellendes kan Theron by 081 241 8376 of Putter by 081 124 9953 kontak.

“Die projek is ’n inisiatief van die privaat sektor. As die toerismebedryf, toeroperateurs en toergidse hande vat, kan ons die paaie binne ’n maand weer op standaard kry,” sê Theron.

Soortgelyk

 

AgriBusDev-baas geskors

1st of June 18:23 | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

1 uur gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

5 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

7 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

17 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

17 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

17 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

17 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

17 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...