President eis ondersoeke

Bewerings van korrupsie

25 April 2019 | Regering
Drie ministers wie se ministe­ries by ondersoeke deur die Teenkorrupsiekommissie (ACC) betrek word, is nie van enige blaam kwytgeskeld nie.

Hul verklarings rakende bewerings oor hul onderskeie ministeries is deur president Hage Geingob versoek en nie deur die ACC nie.

In die lig hiervan kan die ministeries nie van alle blaam onthef word alvorens 'n volledige ondersoek na die bewerings teen hulle voltooi is nie.

Die ACC verwys in 'n verklaring onder meer na bewerings teen die ministerie van myne en energie en Namdia oor die evaluering, verkoop en aanstelling van 'n agent om diamante te verkoop.

Volgens die kommissie het hy die ondersoek in November 2016 ná aantygings in die media van stapel gestuur.

Tydens die ondersoek is die voormalige minister, mnr. Obeth Kandjoze, genader om inligting oor sekere vrae te verskaf.

Volgens dié verklaring het Kandjoze sy antwoorde op skrif aan die ACC verskaf, wat van ondersteunende dokumente vergesel was.

Die dossier in die ondersoek is tydelik agterweë afhangende be­wyse wat enigiemand betrek.

Met verwysing na verskeie bewerings van korrupsie teen die ministerie van werke en vervoer, sowel as die Namibiese Lughawensmaat­skappy (NAC) oor die toekenning van 'n tender, sê die ACC 'n uit­gebreide ondersoek is ingestel.

Volgens die verklaring is die dossiere met die afhandeling van die ondersoek aan die aanklaer-generaal vir 'n besluit oor die bewerings gestuur.

Die dossiere is steeds by die aanklaer-generaal, wat nog 'n besluit oor moontlike vervolging moet neem.

Die kommissie verwys voorts na bewerings van betaling aan vyf buite­landse regsverteenwoordigers in Brittanje wat deur die kantoor van die prokureur-generaal gekontrakteer is.

“Die ACC het 'n dossier geopen in die hoop dat ons in die loop van die voorlopige ondersoek mense – veral dié wat daaroor gepraat het – sal kry om verklarings af te lê wat sal help om 'n besluit te neem om die bewerings te ondersoek,” lui die verklaring.

“Die staatsamptenare wat die ACC vir moontlike ­verduidelikings genader het, kon nie inligting ter ondersteuning van die media­berigte en openbare kommer verskaf nie.”

Volgens die verklaring het die ACC inligting ontvang dat die geld aan die regslui betaal is ná die ­kabinetskomitee vir algehele prioriteite en beleidsrigtings (CCOPP) die tesourie opdrag gegee het om die betaling ná 'n besluit van die aanklaer-generaal te doen.

Die dossier is steeds oop vir 'n besluit om die bewerings te ­ondersoek met dien verstande dat bewyse verskaf word wat enig­iemand by 'n strafregtelike oortreding sou betrek.

“Niemand het tot dusver na vore gekom om 'n verklaring hieroor aan die ACC te verskaf nie.”

Soortgelyk

 

Etosha Sondagmiddag deur aardbewing geskud

2 ure gelede | Omgewing

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Is groot Beethoven-feesjaar van die baan?

2 ure gelede | Kuns en vermaak

Groot feesvierings is wêreldwyd en veral in Duitsland en Oostenryk beplan ter herdenking van die komponis Ludwig van Beethoven se 250ste geboortejaar. Elretha Britz van...

Naam bekend van Namibiër wat in Engeland aan Covid-19...

3 ure gelede | Gesondheid

Ronelle Rademeyer - Die Namibiër wat Saterdag in Nottingham, Engeland, aan die coronavirussiekte (Covid-19) dood is, se naam is bekend gemaak.Hy is die 56-jarige mnr....

Paspoorte: Lorriedrywers kry voorkeur

3 ure gelede | Regering

Denver Kisting – Die ministerie van binnelandse sake, immigrasie, veiligheid en sekuriteit het by monde van sy woordvoerder, mnr. Sakeus Kadhikwa, ontken hulle reik tans...

Meer as 3 000 vir Covid-19 getoets

4 ure gelede | Gesondheid

Die adjunkminister van gesondheid en maatskaplike dienste me. Esther Muinjangue sê 3 186 weefselmonsters is tot op hede vir Covid-19 getoets. Namibië het tans 21...

Moody's-klap voor begroting

15 ure gelede | Regering

Jo-Maré Duddy – Op die vooraand van finansminister Iipumbu Shiimi se debuutbegroting sit die regering nie net kniediep in die rommel nie, maar verskraal sy...

Kwarantyn-drama ry lorriedrywers

15 ure gelede | Gesondheid

Leandrea Louw op Walvisbaai – Die vragmotorbestuurder wat die afgelope naweek positief vir Covid-19 getoets het, sê sy voormalige werkgewer het hom en sy kollega...

Man voor hof ná 'hardhandigheid'

15 ure gelede | Misdaad

Denver Kisting – 'n Inwoner van Groot Aub, mnr. Richard Davids, wat aanvoer 'n beampte van die stadspolisie het hom verlede week aangerand, is Vrydag...

Weer, Dinsdag 26 Mei 2020

15 ure gelede | Weer

WEERWAAK: Koue tot baie koue toestande word in die Suide, die Weste en oor die Khomas- en Omahekestreek verwag. Tref voorsorg.BINNELAND: Gedeeltelik bewolk en koud...