Politikus vra borg wat vrou glo slaan
’n Swapo-raadslid van Rundu wat met huishoudelike geweld verbind word, bly in aanhouding.
Kenya Kambowe – Die Swapo-raadslid vir die Ndiyona-kiesafdeling, mnr. Eugen Likuwa (49), is die afgelope week in die Rundu-landdroshof borgtog geweier nadat hy sy vrou glo op Kersdag aangerand het en gedreig het om haar te vermoor.
Die formele aansoek om borgtog, wat Likuwa Dinsdag gebring het, duur na verwagting vandag voort.
Landdros Hellen Olaiya het die saak Maandag tot 20 April vir verdere polisieondersoek uitgestel.
Likuwa sal na verwagting ook op dié dag op die klagte teen hom pleit en ’n verhoordatum sal moontlik vasgestel word.
Twee klagte staar hom in die gesig – een van aanranding deur dreigement en een van aanranding met die doel om ernstig te beseer.
Albei die klagte word gelees met die bepalings van die wet op huishoudelike geweld.
Die staat het Maandag borgtog teengestaan omdat oortredings wat met geslagsgegronde geweld verband hou, ernstig is.
Hiernaas sou borgtog nie in openbare belang wees nie, het die staat aangevoer.
Borgtog is ook teengestaan omdat Likuwa moontlik met die polisieondersoek of staatsgetuies kan inmeng.
Die raadslid het die hof ingelig hy is voornemens om sy eie verdediging te behartig.
Volgens die klagstaat het die voorval omstreeks 20:00 op Kersdag naby die Vashweneka-nedersetting plaasgevind toe Likuwa glo sy vrou se kop teen die grond gedruk het en haar met die vuiste toegetakel het.
Hy het haar na bewering ook met die dood gedreig.
Namibian Sun verneem die beweerde voorval het ontstaan nadat Likuwa se vrou en sy suster glo stry gekry het.
’n Aantal Swapo-lede het die hofverrigtinge bygewoon.
– [email protected]
Die formele aansoek om borgtog, wat Likuwa Dinsdag gebring het, duur na verwagting vandag voort.
Landdros Hellen Olaiya het die saak Maandag tot 20 April vir verdere polisieondersoek uitgestel.
Likuwa sal na verwagting ook op dié dag op die klagte teen hom pleit en ’n verhoordatum sal moontlik vasgestel word.
Twee klagte staar hom in die gesig – een van aanranding deur dreigement en een van aanranding met die doel om ernstig te beseer.
Albei die klagte word gelees met die bepalings van die wet op huishoudelike geweld.
Die staat het Maandag borgtog teengestaan omdat oortredings wat met geslagsgegronde geweld verband hou, ernstig is.
Hiernaas sou borgtog nie in openbare belang wees nie, het die staat aangevoer.
Borgtog is ook teengestaan omdat Likuwa moontlik met die polisieondersoek of staatsgetuies kan inmeng.
Die raadslid het die hof ingelig hy is voornemens om sy eie verdediging te behartig.
Volgens die klagstaat het die voorval omstreeks 20:00 op Kersdag naby die Vashweneka-nedersetting plaasgevind toe Likuwa glo sy vrou se kop teen die grond gedruk het en haar met die vuiste toegetakel het.
Hy het haar na bewering ook met die dood gedreig.
Namibian Sun verneem die beweerde voorval het ontstaan nadat Likuwa se vrou en sy suster glo stry gekry het.
’n Aantal Swapo-lede het die hofverrigtinge bygewoon.
– [email protected]
Kommentaar
Republikein
Geen kommentaar is op hierdie artikel gelaat nie