Politieke strydros van Rehoboth groet
’n Stigterslid van die destydse Demokratiese Turnhalle Alliansie (DTA) het die naweek in ’n private hospitaal in Windhoek gesterf.
Die bekende politikus en boer van Rehoboth, mnr. Piet Junius (79), het ná ‘n kort siekbed Saterdag in Windhoek gesterf.
Hy is Vrydag in ‘n private hospitaal in Windhoek opgeneem, het sy dogter, me. Francia Zealand, gister gesê. Saterdag het ‘n hartaanval gevolg, waarna hy na die intensiewesorgeenheid oorgeplaas is.
Die familie het ‘n positiewe toets vir Covid-19 as ‘n vermoedelik bykomende oorsaak bevestig.
Die heengaan van Karasburg se burgemeester, me. Marlene Ortman, die afgelope Saterdag op Keetmanshoop, is ook aan die pandemie toegeskryf. Sy was ‘n verpleegster voordat sy haarself vir die Landless People’s Movement (LPM) verkiesbaar gestel het.
Junius was sedert 2009 by die United People’s Movement (UPM) betrokke, waar hy eers as visepresident gedien het en in 2018 tot president verkies is. Hy het beplan om in Julie 2021 uit die aktiewe politiek te tree.
“Sy bydraes en leierskap sal gemis word,” het mnr. Jan van Wyk, visepresident van die UPM, in ‘n nuusvrystelling gesê. Hy het Junius se politieke wysheid en ondervinding geëer, asook sy rol in die stryd om erkenning vir alle oorlogsveterane, nie net die van Swapo nie.
Junius, opgelei as onderwyser, was in die jare sewentig ‘n lid van die Basterafvaardiging na die Turnhalle-konferensie en was later ‘n stigterslid van die DTA (vandag die People’s Democratic Movement, PDM).
Hy het vanaf 1979 tot 1983 in die SWA parlement gedien en was in die oorgangsregering (1985 tot 1989) adjunkminister van onderwys en staatsdiens.
Junius was ‘n lid van Namibië se grondwetskrywende vergadering en het die DTA later as ondervoorsitter gedien. Hy was hoofsweep vanaf 1990 tot 2003, toe hy uit die Nasionale Vergadering bedank het.
‘n Diens vind môreaand vanaf 19:00 uit die Verenigde Gereformeerde Kerk op Rehoboth plaas en Junius sal die naweek op sy plaas Kurunab, sowat 60 km suid van Rehoboth, ter ruste gelê word.
Hy word oorleef deur sy vrou Nella, kinders en kleinkinders.
Hy is Vrydag in ‘n private hospitaal in Windhoek opgeneem, het sy dogter, me. Francia Zealand, gister gesê. Saterdag het ‘n hartaanval gevolg, waarna hy na die intensiewesorgeenheid oorgeplaas is.
Die familie het ‘n positiewe toets vir Covid-19 as ‘n vermoedelik bykomende oorsaak bevestig.
Die heengaan van Karasburg se burgemeester, me. Marlene Ortman, die afgelope Saterdag op Keetmanshoop, is ook aan die pandemie toegeskryf. Sy was ‘n verpleegster voordat sy haarself vir die Landless People’s Movement (LPM) verkiesbaar gestel het.
Junius was sedert 2009 by die United People’s Movement (UPM) betrokke, waar hy eers as visepresident gedien het en in 2018 tot president verkies is. Hy het beplan om in Julie 2021 uit die aktiewe politiek te tree.
“Sy bydraes en leierskap sal gemis word,” het mnr. Jan van Wyk, visepresident van die UPM, in ‘n nuusvrystelling gesê. Hy het Junius se politieke wysheid en ondervinding geëer, asook sy rol in die stryd om erkenning vir alle oorlogsveterane, nie net die van Swapo nie.
Junius, opgelei as onderwyser, was in die jare sewentig ‘n lid van die Basterafvaardiging na die Turnhalle-konferensie en was later ‘n stigterslid van die DTA (vandag die People’s Democratic Movement, PDM).
Hy het vanaf 1979 tot 1983 in die SWA parlement gedien en was in die oorgangsregering (1985 tot 1989) adjunkminister van onderwys en staatsdiens.
Junius was ‘n lid van Namibië se grondwetskrywende vergadering en het die DTA later as ondervoorsitter gedien. Hy was hoofsweep vanaf 1990 tot 2003, toe hy uit die Nasionale Vergadering bedank het.
‘n Diens vind môreaand vanaf 19:00 uit die Verenigde Gereformeerde Kerk op Rehoboth plaas en Junius sal die naweek op sy plaas Kurunab, sowat 60 km suid van Rehoboth, ter ruste gelê word.
Hy word oorleef deur sy vrou Nella, kinders en kleinkinders.
Kommentaar
Republikein
Geen kommentaar is op hierdie artikel gelaat nie