Politici kelder hom, sê Small Boss

Houtskoolprodusent oor Angolese werkers

13 October 2021 | Misdaad
Elvira Hattingh – Die Grootfonteinse sakeman en boer, mnr. Simon Tuhafeni, beter bekend as Small Boss, is van mening politieke inmengery het daartoe gelei dat hy twee maal in die afgelope maande in hegtenis geneem is.

Dit kom ná ‘n geskil met Angolese immigrante wat as houtskoolwerkers op sy plaas wou werk, maar toe glo binne dae met van sy besittings ter waarde van N$21 000 die padgevat het.

Tuhafeni het glo sy besittings teruggeneem, maar klagte van diefstal, aanranding, die rig van ‘n vuurwapen asook werkverskaffing aan onwettige immigrante is in die tussentyd teen hom aanhangig gemaak.

Tuhafeni, wat op borgtog vrygelaat is, sê die sake teen hom is saamgevoeg en hy het die borggeld vir een van die sake teruggekry.

Hy sê pogings om hom in hegtenis te neem, het gekom nadat wetstoepassers politieke druk ontvang het.

“Ek verstaan ‘n sekere dorpsraadslid het daar opgedaag en probleme vir my veroorsaak.”

“Die punt is – die mense kom eintlik van verskeie ander plase in die Otjiwarongo-omgewing waar hulle gewerk het. Gaan dit net ek wees wat aangekla word? Wat van die reeks ander plase waar hulle gewerk het?” het hy gevra.

VORT IN DRIE DAE

Tuhafeni sê mediaberigte is verkeerd en dat die Angolese werkers nie van sy plaas af gekom het toe hulle voor die Grootfonteinse polisiekantoor afgelaai is nie.

“Hulle was net drie dae lank op my plaas – in my afwesigheid – voor hulle besluit het om weer te loop. Hulle het egter van my besittings soos pangas, byle en kos ter waarde van N$21 000 saam met hulle geneem,” het hy gesê.

Tuhafeni sê die Angolese werkers het van Otjiwarongo na sy plaas gekom, waar hulle glo vir drie verskillende boere gewerk het. Hulle het glo ook uit twee groepe mense bestaan – een groep van vyf en nog een van ses mense.

“Met hul aankoms het my plaasbestuurder vir hulle pangas, byle en kos gegee sodat hulle kon begin werk.

“Ná drie dae het hulle egter besluit om te gaan. Ek het toe net van die Noorde afgekom en ‘n oproep van my plaasbestuurder gekry. Sy het gesê daar was werkers wat in die tussentyd besluit het om te loop, maar dat hulle my besittings ter waarde van sowat N$21 000 saam met hulle geneem het.”

SOEKTOG

Tuhafeni sê hy het toe dadelik plaas toe gery, maar daar was niemand meer nie. Hy en van sy werknemers het na die mense op die dorp gaan soek om sy besittings te probeer terugvind. Eindelik het hulle vyf gekry.

“Ek het hulle gevra waar die res van hulle is omdat ek my besittings wou terughê. Hulle het vir ons gesê die mense het terug Otjiwarongo toe gegaan. Ek het hulle nie geglo nie en hulle toe na die polisiekantoor geneem sodat hulle moet verduidelik waar die res van hulle is,” sê hy.

Volgens Tuhafeni het die polisie immigrasie-amptenare van die ministerie van binnelandse sake, immigrasie, veiligheid en sekuriteit betrek, wat gehelp het om vas te stel dat die res van die span werk op nog ‘n houtskoolplaas by Mururani gekry het. Dié boer het onderneem om hulle die volgende dag terug Grootfontein toe te bring.

Tuhafeni sê toe die boer hulle by die polisiekantoor aflaai, het hy hom gebel om te kom kyk wat van die items in hul besit aan hom behoort. Hy en sy plaasbestuurder het toe die Angolese by die polisiekantoor ontmoet en gevra om sy besittings terug op sy motor te laai.

Tuhafeni sê nadat hy weer terug plaas toe is, is hy deur immigrasie-amptenare gekontak om die Angolese te help om kos te koop, omdat hulle niks by hulle gehad het nie. Hy wou aanvanklik nie, maar het toe vir hulle sewe brode en koeldranke gaan koop, voor hy weer terug plaas toe is.

“Dit was ‘n Vrydag. Daardie aand omstreeks 9-uur het die polisie na my huis toe gekom om my in hegtenis te neem. Ek was nie daar nie en my seun het my gebel en daarvan ingelig. Hulle wou nie vir hom sê hoekom hulle my soek nie.

“Omdat dit laat was, het ek gesê ek sal die volgende dag self na hulle toe gaan,” het hy gesê.

Tuhafeni se saak is tot 4 November vir verdere ondersoek uitgestel.
[email protected]

FOTO
Die Grootfonteinse sakeman en boer, Simon Tuhafeni, beter bekend as Small Boss.

Soortgelyk

 

Minister vra verligting vir boere

9 ure gelede | Landbou

Ronelle Rademeyer – Die minister van landbou, water en grondhervorming, mnr. Calle Schlettwein, het die Nasionale Vergadering (NV) gister versoek om aan boere grondbelastingverligting van...

Verdediging terug onder OG se skoot

9 ure gelede | Ministeries

Jo-Maré Duddy – 'n Spook-attaché in Kinshasha wat vergoed is en belastinggeld wat gebruik is om salarisse by August 26 te betaal, is van die...

Weer vir 21 Oktober 2021

9 ure gelede | Weer

WEERWAAK: Wydverspreide donderbuie van meer as 50 mm kan in die oostelike dele van die ||Kharasstreek voorkom.BINNELAND: Gedeeltelik bewolk en warm met geïsoleerde donderbuie in...

Saara sien lig in korrupsietonnel

9 ure gelede | Misdaad

Die inhoud van Namibië se nuwe konsepplan teen korrupsie vir 2021-'25 bevat volgens eerste minister Saara Kuugongelwa-Amadhila talle positiewe tekens dat hierdie vyand van ­welvaart...

Dippenaar-verhoor hervat in Julie 2022

9 ure gelede | Howe

Adolf Kaure in Swakopmund – Na twee dae se getuienis is die verhoor waarin mnr. Jandré Dippenaar op ses klagte van moord tereg staan, gister...

Kalkrand oorleef op druppels

9 ure gelede | Maatskaplik

Augetto Graig – Die klein en arm gemeenskap van Kalkrand moet al bykans drie weke lank met net druppels water oor die weg kom nadat...

Reën kan tot môre duur

9 ure gelede | Weer

Elvira Hattingh – Die Namibiese weerkantoor het ‘n waarskuwing uitgereik dat wydverspreide donderbuie vandag (Donderdag) in die oostelike dele van die ||Kharasstreek kan voorkom, wat...

Regter roskam ‘homofobiese’ ministerie

9 ure gelede | Howe

Jana-Mari Smith – Hoërhofregter Thomas Masuku het die ministerie van binnelandse sake, immigrasie, veiligheid en sekuriteit se “diskriminasie teen selfdegeslagpaartjies” veroordeel. Toe hy in sy...

Sterftekoers onder swanger vroue te hoog

9 ure gelede | Ministeries

Henriette Lamprecht – Hoewel belangrike vooruitgang met 'n afname van 40% in die sterftekoers vir swanger vroue en pasgebore babas die afgelope twee dekades gemaak...