Polisieskuiwe op Rundu nie oor massamoord

Ndeitunga wag nog vir finale verslag

10 July 2018 | Misdaad
Ronelle Rademeyer - Die inspekteur-generaal van die polisie, lt.genl. Sebastian Ndeitunga, sê die herontplooiing van die stasiebevelvoerder op Rundu volg nie op ondersoeke na beweerde polisienalatigheid ná die familiemoord wat dié dorp verlede naweek geruk het nie.

Ndeitunga het gister by navraag gesê hoofinsp. Andreas Haingura se oorplasing na die logistieke afdeling as hoof van die voorradestoor, was lankal beplan.

Sy pos as stasiebevelvoerder sal deur hoofinsp. Paulus Hauwanga gevul word.

Honderde inwoners van Rundu het Saterdag by die Sauyemwa-begraafplaas bymekaargekom om die vyf mense te begrawe wat na bewering deur 'n familielid vermoor is.

Mee. Ndongo Ntumba (77), Ndara Elizabeth Mpane (46) en laasgenoemde se kleinkinders, Musenge Muruti (6), Hausiku Kampumburu (4) en Musenge Tjingelesu (3), is na bewering verlede Saterdagnag deur mnr. Jesaya Gabriel Chuhunda (20) tydens 'n woedebui met 'n stok aangerand en doodgeslaan.

Hy is Mpane se seun en Ntumba se kleinseun. Die kinders was sy suster se kleuters, wat die moordnag by hul ouma en oumagrootjie deurgebring het.

Die voorval het verlede Sondag in die Ndama- informele nedersetting by Rundu plaasgevind, glo nadat Chuhunda eers met sy suster skoor gesoek en haar aangerand het.

Sy was na bewering twee keer by die polisie om hulp te kry.

Ndeitunga het gister ontken dat die polisieskuiwe op dié dorp met die ondersoek hierna te doen het en sê dit was lankal beplan.

Die polisiehoof het verlede week sy adjunk, maj.genl Anna-Marie Nainda, en sy stafoffisier, komm. Petrus Amadhila, na Rundu gestuur vir 'n opvolgondersoek na die voorval. Dit was nadat hy reeds die voorlopige verslag oor die gebeure aan die minister van veiligheid en sekuriteit, mnr. Charles Namoloh, voorgelê het.

Ndeitunga het aan Republikein gesê hy het egter gevoel daar is leemtes en dat hy sekere kwessies verder wil laat ondersoek.

Hy het gister gesê Nainda en Amadhila het Sondag eers teruggekeer en hy wag nog op hul verslag.

Soortgelyk

 

Honderde miljoene vir veevoer nodig

23 ure gelede | Landbou

Ronelle Rademeyer - Die 2019 droogte is ‘n omvangryke ramp en ten minste N$170 miljoen is nodig om net 5 persent van die nasionale veekudde...

Min of geen handboeke vir nuwe leerplan

23 ure gelede | Onderwys

Henriette Lamprecht – Óf drupsgewys óf glad nie. Dit is volgens verskeie skole oraloor die land die huidige stand van handboeke vir die nuwe leerplan...

Regional council must account for vandalised buildings

23 ure gelede | Infrastruktuur

AUSSENKEHR – The //Kharas Regional Council must account for government buildings that are vandalised and left to become white elephants, the minister of urban and...

Swapo beslis dorpsraadslede se lot

23 ure gelede | Politiek

Dorpsraadslede van Okahandja en Rundu moes Maandag ure lank by Swapo se hoofkantoor in Windhoek wag om te hoor wat hul lot is. Verskeie nasionale...

Groeiende stad druk rioolstelsel

23 ure gelede | Infrastruktuur

Elvira Hattingh - Die Windhoekse munisipaliteit erken sekere rioolpype in die stad moet opgradeer word om die groeiende getal stadsbewoners te akkommodeer. Terselfdertyd beloof hulle...

Weer vir 19 Februarie 2019

23 ure gelede | Weer

WEERWAAK: Bloedige hittetoestande word vir die res van die week in die binneland verwag.BINNELAND: Mooiweer en bloedig warm in die ||Kharasstreek. Elders sal dit gedeeltelik...

Gammams staan steeds stil

23 ure gelede | Regering

Elvira Hattingh – Windhoek se munisipaliteit (CoW) sê hul Gammams-watersuiweringsaanleg staan steeds stil nadat swaarbrandstofolie meer as twee weke gelede in die stad se rioolstelsel...

‘Vroue is sterk’

23 ure gelede | Maatskaplik

Mariselle Stofberg – TrueKrav Namibia het Donderdag, in samewerking met die Namibiese Vrouevereniging en Kosmos, ’n praatjie oor geslagsgeweld in die hoofstad aangebied.TrueKrav bied...

Namcor wil vry van sekere wette wees

23 ure gelede | Energie

Elvira Hattingh - Namibië se Nasionale Petroleumkorporasie (Namcor) het ‘n aansoek by die Namibiese Kompetisie-kommissie ingedien om vir die volgende 10 jaar vrygestel te wees...