Polisie steel glo duisende

Okahandja-voorval kry kinkel

17 April 2019 | Misdaad
Denver Kisting



Twee polisiebeamptes wat hulleself glo gehelp het aan gesteelde geld, is onlangs borgtog geweier.

Konstabels Johnson Tjenda en Shaleene van Wyk het Vrydag in die landdroshof op Okahandja hul eerste verskyning gemaak.

Dít kom nadat hulle onderskeidelik Donderdag en Vrydag in hegtenis geneem is.

Die twee junior beamptes het glo munt geslaan toe hulle betrokke was by die inhegtenisneming van 'n veiligheidswag wat luidens 'n Nampa-berig met nagenoeg N$310 000 die hasepad gekies het.

Die man moes glo die geld, wat aan 'n vul­stasie op die tuindorp behoort, by 'n plaaslike handelsbank gaan deponeer het.

In plaas daarvan het hy toe na bewering verlede Maandag met die kontant in 'n taxi op die vlug geslaan.

Hy het na verneem word by 'n padblokkade tussen Okahandja en Karibib sy rieme styfgeloop.

Voor die twee polisiebeamptes self einde verlede week in aanhouding beland het, is geglo slegs N$147 000 van die aanvanklik verdwene geld is teruggevind.

Dit het sedertdien op die lappe gekom dat hulle na bewering die verskil in hul eie sakke gesteek het.

'n Polisiebron op Okahandja het oor die naweek Republikein se aandag op die jongste kinkel in die kabel ­gevestig.

Adj.komm. Edwin Kanguatjivi, die nasionale polisiewoordvoerder, het Maandag by navraag die voorval ­bevestig.

Tjenda het Vrydag aangedui hy wil sy eie verdediging behartig terwyl Van Wyk gesê het sy sal om regshulp aansoek doen.

Me. Veruka Ngembo het namens die staat suksesvol borgtog teengestaan.

Die twee polisiebeamptes moet weer op 14 Mei vanjaar in die landdroshof verskyn.

Soortgelyk

 

Hanse-Himarwa se getuienis vals, sê hof

9th of July 00:00 | Howe

Denver Kisting – Nadat die hof al die getuienis in ag geneem het, is die enigste gevolgtrekking die staat het bo redelike twyfel bewys Katrina...

Katrina se toekoms duister

9th of July 00:00 | Howe

Denver Kisting – Teen gistermiddag was pres. Hage Geingob nog stil oor een van sy kabinetsministers wat aan korrupsie skuldig bevind is.Katrina Hanse-Himarwa, die minister...

Jessné struts her stuff

9th of July 00:00 | Mense

Mariselle Stofberg Even though Jessné Swart is only in grade 5, she has already made a name for herself in the modelling industry. Her love...

Weer vir 9 Julie 2019

9th of July 00:00 | Weer

WEERWAAK: Ooswindtoestande sal oor die kus vir die res van die week heers, asook stofstorms op plekke.BINNELAND: Koud aanvanklik, andersins mooi weer en warm tot...

Eenjarige brand in sinkhuis dood

9th of July 00:00 | Misdaad

Tanja Bause – Twee mense het die afgelope naweek doodgebrand toe hul sinkhuise aan die brand geslaan het. Volgens die Namibiese polisie se misdaadverslag het...

Bekentenis was glo vrywillig

9th of July 00:00 | Howe

Erwin Leuschner op Swakomund – Mnr. Ernst Lichtenstrasser, wat van die moorde op mnre. Eckhart Mueller en Heimo Hellwig aangekla is, was ten tyde van...

Dragtige ietermagô uit drom gered

9th of July 00:00 | Misdaad

Francoise Steynberg - ’n Ietermagô wat dae lank in ’n brandstofdrom gelos is, se verhaal het ’n gelukkige einde.Volgens me. Maria Diekmann, van die Rare...

Pasgebore baba sterf ná val

9th of July 00:00 | Ministeries

Henriette Lamprecht - Die Engela-hospitaal in die Ohangwenastreek word van nalatigheid aangekla nadat ’n baba by geboorte op die grond geval en onmiddellik gesterf het.Die...

Interns by staatshospitale uitgeplaas

9th of July 00:00 | Ministeries

Henriette Lamprecht - ’n Totaal van 131 leerlingdokters is by verskeie hospitale oraloor die land uitgeplaas om met hul internskap van twee jaar te begin....