Polisie gryp vermeende dwelmsmouse

Reusevondse in Januarie

11 February 2019 | Misdaad
Denver Kisting – Die bevelvoerder van die polisie se skakelafdeling, adj.komm. Edwin Kanguatjivi, het opnuut ’n waarskuwing uitgereik oor die uitwerking van gewoontevormende dwelms op die samelewing.

Dít kom nadat die polisie tussen 1 en 31 Januarie vanjaar op dwelms ter waarde van N$1 852 100 beslag gelê het.

Volgens Kanguatjivi is 68 verdagtes in verband met dié beweerde dwelmverwante oortredings in hegtenis geneem.

Die meeste verdagtes is Namibiërs, het hy gesê.

Onder andere, sê Kanguatjivi, sluit die verdagtes 57 Namibiese mans en ses plaaslike vroue in.

Hiernaas is een Zambiese man, een Angolese vrou en drie Angolese mans ook aangekeer weens beweerde dwelmoortredings.

Die polisie het tydens dié inhegtenisnemings op 62,1 kg se dagga ter waarde van nagenoeg N$1 241 800 beslag gelê.

Hulle het voorts ook op 4 895 Mandrax-tablette met ’n straatwaarde van meer as ’n halfmiljoen Namibiese dollar en 35 gram kokaïen, wat N$17 500 werd is, beslag gelê.

Kanguatjivi sê die polisie het ook 54 eenhede crack gekonfiskeer, waarvan die geskatte straatwaarde N$5 400 beloop.

Hy het ’n beroep op die publiek gedoen om onwettige dwelmhandel by die naaste polisiekantoor aan te meld.

“Dwelms kan baie vernietigend wees,” het hy gesê.

In ’n onverwante saak is twee mans verlede week borgtog in die hoërhof geweier agt maande nadat hulle glo met 412 kg se onwettige dwelms gevang is.

Regter Naomi Shivute het in die Windhoekse hoërhof bevind sy stem saam met ’n Walvisbaaise landdros om nie vir mnre. Grant Noble en Azhak Dinath op borgtog vry te laat nie.

Dié mans word verbind met ’n reusevonds van vermoedelik kokaïen op 15 Junie 2018.

Hulle het hulle tot die hoërhof gewend nadat ’n vroeëre aansoek om borgtog in die Walvisbaai-landdroshof ook misluk het.

Hulle is in Junie verlede jaar aangekeer nadat hulle glo met beweerde kokaïen ter waarde van N$206 miljoen op die hawedorp betrap is.

Noble is ’n bekende inwoner van Walvisbaai, terwyl Dinath ’n Suid-Afrikaanse burger is.

Soortgelyk

 

Antjie Krog plaas gewraakte toespraak in konteks

55 minute gelede | Kuns en vermaak

Ronelle Rademeyer - Die veelbekroonde Suid-Afrikaanse digter, skrywer en akademikus, Antjie Krog, het in ’n radio-onderhoud die konteks verskaf vir ’n toespraak deur haar wat...

Hep E: 28 gevalle 'n dag

14 ure gelede | Gesondheid

Henriette LamprechtByna 30 nuwe gevalle van hepatitis E is in die laaste week van Julie daagliks oraloor die land aangeteken. Die siekte het boonop die...

Kaalkiekies saai amok aanlyn

14 ure gelede | Misdaad

Denver KistingSo onlangs soos gisteroggend moes die stadspolisie in Windhoek hulle na 'n toneel haas nadat 'n vrou haar lewe probeer neem het weens gelekte...

Die weer vir 8 Augustus 2019

14 ure gelede | Weer

BINNELAND: Gedeeltelik bewolk en koud tot matig in die Suide. Elders sal dit gedeeltelik bewolk en warm tot baie warm wees.KUS: Gedeeltelik bewolk en matig...

Ministerie steek stokkie voor mossel-oes

14 ure gelede | Ministeries

Erwin LeuschnerDie minister van visserye en mariene hulpbronne, mnr. Bernard Esau, het gister die oes van witmossels vir kommersiële gebruik verbied. Hy het dit by...

Ma hoop seuntjie leef nog ná 22 jaar ...

14 ure gelede | Misdaad

Denver Kisting – Meer as 22 jaar ná ’n negejarige seuntjie van die Kaapse Vlakte van sy ouerhuis verdwyn het, hoop sy ma hy lewe...

Dubbele moordenaar kry vyfde prokureur

14 ure gelede | Howe

font face="Verdana">Die man wat Dinsdag in die Windhoekse hoërhof skuldig bevind is aan die moord op twee vroue in Januarie 2016 het gister sy vyfde...

Bekendes belê groot in gasvryheidsbedryf

14 ure gelede | Toerisme

Ronelle Rademeyer - Die gewildheid van die drie Stellenbosch-restaurante in die Bougainvillea-sentrum in Klein Windhoek – The Stellenbosch Wine Bar, Tasting Room en Market –...

Polisie sing Kalahariwoestyn-lofliedere

14 ure gelede | Polisie

Denver Kisting Sedert die polisie verlede jaar met ander owerhede begin kragte saamsnoer het om misdaad te bestry, het misdaadbedrywighede met nagenoeg 9% afgeneem.So sê...