Plastiek: SA maatskappye nou deel van wêreldpakt

In waardeketting betrek

14 February 2020 | Sakenuus
William Horne - Te midde van 'n wêreldwye uitkringende plastiekkrisis het talle Suid-Afrikaanse maat­skappye en instellings die mees ­ambisieuse pakt nóg gesluit om plastiek­besoedeling hok te slaan.

Die SA Plastiekpakt sluit aan by die internasionale ­Plastiekpakt-netwerk en is ontwikkel deur die Wêreld­natuurlewefonds (WWF SA) in vennootskap met die Suid-­Afrikaanse plastiekherwinningsorganisasie (Sapro) en die Britse organisasie sonder winsbejag Wrap (Waste & ­Resources Action Programme).

Navorsing van die Britse Ellen Mac­Arthur-stigting, wat hom beywer vir die bekamping van plastiekbesoedeling, wys dat agt miljoen ton plastiek jaarliks in die oseane beland.

As dinge so voortduur, sal daar teen 2050 per gewig meer plastiek in die oseane wees as visse.

Die WWF sê Dinsdag in 'n verklaring die dreigende plastiek-ramp vereis onmiddellike samewerking om die manier waarop die wêreld plastiek gebruik, te verander.

Die SA Plastiekpakt betrek reeds 30 maatskappye en instellings en is op 30 Januarie amptelik van stapel gestuur.

Hulle verbind hulle tot teikens om die ganse waardeketting van plastiek op sy kop te draai. Hulle onderneem om teen 2025:

• 100% van hul plastiekverpakkings herwinbaar, herbruikbaar of as kompos bruikbaar te maak;

• 70% van plastiekverpakkings te herwin;

• Gemiddeld 30% van alle plastiekverpakkings met herwinde plastiek te vervaardig; en

• Weg te doen met onnodige plastiekverpakking.

Luidens die verklaring is die idee om 'n kring-ekonomie vir plastiek te skep, wat beteken dat alle plastiekprodukte hergebruik word sodat plastiekafval geëlimineer word. Herwinning is klaar op dreef in Suid-Afrika, maar 'n kring-ekonomie behels meer as herwinning. Produkte moet ontwerp word sodat plastiek meer waarde het en dit dus nie ekonomies sin maak om plastiek weg te gooi nie.

Aangesien die herwinning van ­plastiek nie 100% doeltreffend is nie, is die eerste prys om die gebruik van plastiek so ver moontlik te vermy. Eers daarna is die prioriteit om minder plastiek te gebruik, dit te hergebruik, en laastens om dit te herwin.

Deur maatskappye in elke deel van die waardeketting te betrek, glo SA Plastiekpakt dit is haalbaar om 'n kring-ekonomie vir plastiek in Suid-Afrika te behaal.

Dit beteken ook dat poste in die proses geskep sal word, sê Lorren de Kock, projekbestuurder van WWF SA.

“Die beste manier om plastiek uit die omgewing te hou, is om dit te waardevol te maak,” sê Johann Conradie, voorsitter van Sapro.

“As produkte goed ontwerp is en daar voldoende vraag daarna is, weet ons dat die Suid-Afrikaanse on­dernemingsgees sal intree om te verseker dat dit 'n volhoubare tuiste vind. Daarom is die teikens soos dié van die SA Plastiekpakt so belangrik – om die ontwerp van produkte as herbruikbaar of herwinbaar aan te moedig, en om die gebruik van herwinde inhoud in nuwe produkte aan te wakker.”

– Netwerk24

Hierdie maatskappye het die pakt onderteken:

• Clicks

• Coca-Cola Afrika

• Danone

• Distell

• HomeChoice

• Massmart

• Myplas

• Nampak Rigids

• Pick n Pay

• Polyoak

• Polyplank

• Shoprite

• Spar

• Spur

• TFG

• Tigerbrands

• Tuffy

• Unilever

• Addis

• Waste Plan

• Woolworths

Ander organisasies wat dit ondersteun is:

• Fruit South Africa;

• Sapro;

• Die poli-alkeen-verantwoordelikheidsorganisasie;

• Die Polistireenvereniging van Suid-Afrika;

• Die PET-herwinningsonderneming;

• Die Suider-Afrikaanse vinielvereniging;

• Die Instituut vir Afvalbestuur van Suider-Afrika;

• Die departement van omgewing­sake, bosbou en visserye; en

• Die Kaapstad-metro.

Soortgelyk

 

Ministerie bemagtig mans én vroue

51 minute gelede | Ministeries

Die algemene siening dat die ministerie van geslagsgelykheid en kinderwelsyn net vir vroue en kinders is, is onwaar en onproduktief. “Sommige mans dink hierdie ministerie...

Damme voller

11 ure gelede | Weer

Elvira Hattingh - Terwyl 99,671 Mm³ (miljoen kubieke meter) water altesaam 10 nasionale damme die afgelope week binnegevloei het, het die weerkantoor opnuut ’n waarskuwing...

Groot kommer oor sprinkaanplaag in Zambezi

11 ure gelede | Omgewing

Ronelle Rademeyer - ’n Plaag van bruin sprinkane uit vermoedelik Botswana teister kommunale boere by Muhundu en ander nedersettings in Katima Mulilo se landelike kiesafdeling...

Weerlig slaan meisie (11) dood

11 ure gelede | Misdaad

Weerlig het Saterdag die lewe van 'n elfjarige kind geëis. Volgens die Namibiese polisie se weeklikse misdaadverslag is Aini Shilongo Saterdag omstreeks 18:00 in 'n...

Weer vir 25 Februarie

11 ure gelede | Weer

WEERWAAK: Swaar storms word in die noordoostelike streke, Otjozondjupa-, Khomas- en suidelike streek verwag. Die nodige voorsorgmaatreëls moet getref word. BINNELAND: Gedeeltelik bewolk in die...

NamWater to fix Opuwo’s supply woes

11 ure gelede | Plaaslik

Uakutura Kambaekua – Since 2017, Opuwo town has been faced with diminished water supply, a predicament blamed on high water loss in distribution systems, which...

Havana, Otjomuise powered by June

11 ure gelede | Energie

The ministry of urban and rural development has committed a total of N$14 million for electrification for the 2019/20 financial year, an amount that is...

A significant contributor to Namibia's economic landscape

11 ure gelede | Byvoegsels

Hangana Seafood (Pty) Ltd is a 100% Namibian-owned company, passionate about “Creating a future, enhancing life” for its employees, country and the people of Namibia....

Corona: Afrika 66% gereed

11 ure gelede | Gesondheid

Henriette Lamprecht – Afrika se algehele gereedheidsvlak vir die coronavirussiekte (covid-19) staan op 66%. Volgens dr. Matshidiso Moeti, die Wêreldgesondheidsorganisasie (WHO) se streeksdirekteur vir Afrika,...