Plaaslike dokters vra ondersteuning vir Zim-dokters
Die Namibiese Praktisynsforum (NPPF) het ‘n beroep op president Hage Geingob gedoen om die Zimbabwiese regering se “totale miskenning” van menseregte in die land in die sterkste moontlike terme te veroordeel.
Die NPPF het ook diepe kommer uitgespreek oor die feit dat Geingob tot op hede nie ‘n verklaring hieroor uitgereik het nie – veral in die lig van voortgesette gruweldade.
“Dit is nog meer kommerwekkend dat die enigste solidariteit vir die Zimbabwiese regering getoon word. Dit terwyl baie van die land se gewone burgers op ’n daaglikse basis vervolg word en andersdenkende stemme voortdurend met geweld onderdruk word,” sê die NPPF in ’n verklaring.
Die NPPF het ’n beroep op Namibiese gesondheidswerkers gedoen om hul kollegas in Zimbabwe te ondersteun.
Dít teen die agtergrond van gruwelike menseregteskendings deur die Zimbabwiese regering teen dokters wat in die land praktiseer.
Vroeër vandeesmaand is berig die regering het dr. Peter Magombeyi vir vyf dae lank ontvoer en gemartel.
“Daar is min twyfel dat die gruweldade deur die Zimbabwiese regering uitgevoer word. Dit is duidelik uit die ontplooiing van dosyne polisie- en onlustebeamptes om Magombeyi daarvan te weerhou om vir kritieke mediese behandeling na Suid-Afrika te reis.”
Sodoende, sê die NPPF, ignoreer Zimbabwe die oppergesag van die gereg met opset omdat dit op ‘n hofbevel volg wat die polisie opdrag gegee het om Magombeyi toe te laat om vir behandeling na Suid-Afrika te reis.
“Dit is nogal ironies dat Zimbabwe se voormalige president, mnr. Robert Mugabe, eersteklas behandeling in Singapoer ontvang het, terwyl die land se eie dokters daarvan weerhou word om na Suid-Afrika vir behandeling te reis vir beserings wat hulle aan die hand van die regering opgedoen het.”
Die NPPF het ook diepe kommer uitgespreek oor die feit dat Geingob tot op hede nie ‘n verklaring hieroor uitgereik het nie – veral in die lig van voortgesette gruweldade.
“Dit is nog meer kommerwekkend dat die enigste solidariteit vir die Zimbabwiese regering getoon word. Dit terwyl baie van die land se gewone burgers op ’n daaglikse basis vervolg word en andersdenkende stemme voortdurend met geweld onderdruk word,” sê die NPPF in ’n verklaring.
Die NPPF het ’n beroep op Namibiese gesondheidswerkers gedoen om hul kollegas in Zimbabwe te ondersteun.
Dít teen die agtergrond van gruwelike menseregteskendings deur die Zimbabwiese regering teen dokters wat in die land praktiseer.
Vroeër vandeesmaand is berig die regering het dr. Peter Magombeyi vir vyf dae lank ontvoer en gemartel.
“Daar is min twyfel dat die gruweldade deur die Zimbabwiese regering uitgevoer word. Dit is duidelik uit die ontplooiing van dosyne polisie- en onlustebeamptes om Magombeyi daarvan te weerhou om vir kritieke mediese behandeling na Suid-Afrika te reis.”
Sodoende, sê die NPPF, ignoreer Zimbabwe die oppergesag van die gereg met opset omdat dit op ‘n hofbevel volg wat die polisie opdrag gegee het om Magombeyi toe te laat om vir behandeling na Suid-Afrika te reis.
“Dit is nogal ironies dat Zimbabwe se voormalige president, mnr. Robert Mugabe, eersteklas behandeling in Singapoer ontvang het, terwyl die land se eie dokters daarvan weerhou word om na Suid-Afrika vir behandeling te reis vir beserings wat hulle aan die hand van die regering opgedoen het.”
Kommentaar
Republikein
Geen kommentaar is op hierdie artikel gelaat nie