Pharos Woordeboeke stel Tesourus van Afrikaans op Netwerk24 bekend

12 February 2021 | Kuns en vermaak
Pharos Woordeboeke, ’n druknaam van NB-Uitgewers, stel vandeesmaand die Tesourus van Afrikaans bekend – die enigste volwaardige tesourus in Afrikaans wat die eerste keer sedert 1994 bygewerk is. Jy kan dié boekbekendstelling eksklusief op Netwerk24 beleef!

Die Tesourus van Afrikaans is ’n woordvriend soos min – of jy nou ’n student is of ’n joernalis, ’n e-pos wil skryf of ’n roman of sommer net lief is vir woorde. Dit is ’n opwindende hulpbron vir elkeen wat doeltreffend in Afrikaans wil kommunikeer en help taalgebruikers reeds sedert 1994 om die juiste Afrikaanse woord vir die tyd, plek en oomblik te vind.

Dit stel die skrywers en uitgewer in staat om die Tesourus van Afrikaans in die toekoms gereeld by te werk soos Afrikaans bly groei en groei.

Die heruitgawe van die Tesourus van Afrikaans spog met Pharos Woordeboeke se nuwe oranje voorkoms en ’n netjiese, moderne uitleg. Dit is omvattend met meer as 140 000 woorde en uitdrukkings wat in 855 betekenisvelde gerangskik is.

Dit bevat meer as 20 000 nuwe inskrywings, waaronder sleng, woorde van die gebruiksvariëteite van Afrikaans en woorde wat ontwikkelings in die samelewing en tegnologie weerspieël. Jy kan nou sinonieme en ander aanverwante woorde soek vir terme soos cool, sharp, newer, komvandaan, emotikon, kuberkraker, ekovriendelik, grendeltyd en vele meer.

Die Pharos-span is trots op en opgewonde oor hierdie reusetaak wat nou afgehandel is en die Afrikaanse skatkis in al sy vorms verruim, nie net in gedrukte formaat nie, maar ook digitaal, by PharosAanlyn.

“Dit stel die skrywers en uitgewer in staat om die Tesourus van Afrikaans in die toekoms gereeld by te werk soos Afrikaans bly groei en groei.”

Die skrywers, Leon en Amanda de Stadler, meen Afrikaans staan beslis nie stil nie. Hulle werk reeds aan nog opwindende projekte wat ook deur Pharos Woordeboeke uitgegee sal word.

“Met hierdie tesourus erken ons graag die enorme werk wat Afrikaanse leksikograwe oor die jare gedoen het en bly doen. Hierdie werk – en dit sluit die werk aan die Tesourus van Afrikaans in – demonstreer die lewenskragtigheid van die taal op dramatiese wyse deur die groei van die woordeskat, letterlik van dag tot dag.”

Die De Stadlers het elk ’n gunsteling-toevoeging tot die tesourus.

Leon: “Myne is werfetter – Afrikaans is baie kreatief as dit by vloekwoorde kom!”

Amanda: “Myne is vernalatig, want dit ondersteun my sterk gevoelens oor die rykdom van Afrikaans se variëteite.”

Leon is emeritus hoogleraar en afgetrede direkteur van die Universiteit Stellenbosch Taalsentrum. Hy bedryf sy eie konsultasie-onderneming in dokumentontwerp en is betrokke by verskeie woordeboekprojekte. Amanda is die voormalige uitvoerende hoof van Vriende van Afrikaans. Sy is ’n kinderboekskrywer en ook betrokke by verskeie woordeboekprojekte.

Skakel Donderdag 18 Februarie om 18:30 in op Netwerk24 om na die bekendstelling van die Tesourus van Afrikaans te kyk. Dr. Wanda Smith, voormalige uitgewer by Pharos, sal met Leon en Amanda de Stadler oor hul handewerk gesels.

- Netwerk24

Soortgelyk

 

Namibië se Ontplooiings- en Immuniseringsplan "onder die beste...

1 uur gelede | Gesondheid

Namibië se Ontplooiings- en Immuniseringsplan teen Covid-19 is deur die Wêreldgesondheidsorganisasie (WHO) as "een van die beste in die wêreld" beskryf. Volgens die minister van...

N$583 miljoen vir Namibië se Covid-19 Ontplooiings- en Immuniseringsplan...

1 uur gelede | Gesondheid

Die totale voorgestelde begroting vir Namibië se Ontplooiings- en Immuniseringsplan vir Covid-19-entstowwe is N$583 miljoen waarvan N$484,8 miljoen vir die aankoop van die entstowwe is....

Covid-19-regulasies geld tot 31 Maart

1 uur gelede | Gesondheid

Pres. Hage Geingob het pas by Staatshuis aangekondig die huidige Covid-19-maatreëls geld vir die volgende 36 dae vanaf middernag tot 31 Maart (Onafhanklikheidsdag op 21...

Knopvelsiekte breek in Omaheke uit

2 ure gelede | Landbou

Knopvelsiekte het by Eiseb in die Omahekestreek uitgebreek en die beweging van beeste in dié gebied is tot verdere kennisgewing opgeskort.Volgens dr. Albertina Shilongo, hoof-veeartsenybeampte...

Metro spoils its customers

4 ure gelede | Plaaslik

Metro Namibia celebrated its birthday in style once again by spoiling five lucky customers each to a trailer of their own, stocked with N$5,000-00 worth...

Vrou woon in haar motor by hospitaal

12 ure gelede | Mense

Henriette Lamprecht – 'n Bejaarde vrou van die kus woon die afgelope week in haar motor in die parkeerterrein van 'n staatshospitaal in Windhoek om...

Toekoms van 77 Air Nam-vlieëniers onseker

12 ure gelede | Vervoer

Francoise Steynberg – Altesaam 77 vlieëniers van Air Namibia se toekoms is onseker. Boonop het bykans 75% van die redery se vlieëniers se lisensies verval...

Ses damme voller as 100%

12 ure gelede | Weer

Elvira Hattingh – Terwyl altesaam sowat ses Namibiese damme tans 100% of meer water bevat, oorstroom die Zambezirivier sy walle, met water wat in die...

Weer vir 24 Februarie

12 ure gelede | Weer

WEERWAAK: Wydverspreide donderbuie word in Ohangwena, Oshikoto, Otjozondjupa en Omaheke verwag. BINNELAND: Sonnig en warm in die Suide en Weste, andersins gedeeltelik bewolk en baie...