Petrolprys: Val van olieprys help dalk nié jou sak

11 March 2020 | Energie
Francois Williams en Bloomberg – Suid-Afrikaners kan in April ’n daling in brandstofpryse verwag as die skerp val in oliepryse en internasionale brandstofpryse voortduur.

Wat teen plaaslike brandstofpryse tel, is die ewe swakker rand, wat ’n deel van die voordeel van laer oliepryse teenwerk.

Die jaarlikse verhoging van brandstofheffings, vanjaar altesame 25c per liter, gaan ook ’n deel van die voordeel van laer oliepryse uitkanselleer.

Tans is daar ’n gemiddelde oorverhaling van 64c per liter op petrol, en 78c op diesel. As markfaktore stabiel bly vir die res van die oorsigtydperk, tot 26 Maart, kan petrol dus teoreties met 64c per liter daal en diesel met 78c.

Maar die verhoging van 16c in die brandstofheffing en 9c in die Padongelukfondsheffing sal die daling waarskynlik dan tot 39c vir petrol en 53c vir diesel beperk.

Dit is nog geraamde syfers, en met die huidige erge wisselvalligheid in die finansiële markte sal enige veranderings van nou tot 26 Maart in die rand-dollar-wisselkoers, asook veranderings in internasionale brandstofpryse die finale syfers bepaal.

Brent-ruoliepryse was teen Maandagmiddag 22% laer op $35,26 per vat. Oliepryse was vroeër die jaar nog so hoog as $68 per vat.

Oliepryse het sedert Vrydag met meer as 31% geval in die grootste enkele daling sedert die Golfoorlog in 1991.

Oliepryse het reeds sedert einde verlede jaar gedaal as reaksie op ’n verwagte demper op die wêreldekonomie weens die koronavirus.

Maar die groot vonk in die kruitvat was die naweek toe Rusland en die Organisasie van Petroleumuitvoerlande nie in Wene, Oostenryk, saam kon stem met hoeveel olieproduksie gesny moet word om oliepryse te ondersteun nie. Rusland wou nie toegee aan Saoedi-Arabië se versoek dat hy deel word van ’n ooreenkoms om 1,5 miljoen vate te sny nie, en ’n verlenging van die bestaande produksieperk kon ook nie beklink word nie.

Saoedi-Arabië het Rusland se koppigheid beantwoord met ’n skerp verlaging van pryse aan sy kliënte, wat ’n prysoorlog in die oliemark ontketen het.

Internasionale brandstofpryse het ook Maandag op die Nymex-beurs in New York skerp geval, maar nie so skerp soos ruoliepryse nie. Petrolpryse op die Nymex-beurs was 17% laer, en verhittingsolie en gasolie – min of meer dieselfde as diesel – was sowat 15% laer. Amerikaanse ruoliepryse was 22% laer op $32 per vat. – Netwerk24

Soortgelyk

 

Geingob onder skoot oor ‘wit’ opmerkings

14 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

14 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

14 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

14 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

14 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

14 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

14 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

14 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

14 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...