Pensioenuitbetaling begin vandag

Epupa verseker hulle is in beheer

05 October 2021 | Regering
Augetto Graig – Epupa Investments begin vandag hul maandelikse uitbetalings van pensioentoelaes, ongeskiktheidstoelaes en die begrafnisvoordele aan begunstigdes by 12 punte in die hoofstad.

Teen volgende week sal dorpe oraloor die land besoek word om dié toelaes uit te betaal.

Die maatskappy versprei al die laaste tien jaar pensioene en ander toelaes namens die regering, en volgens mnr. Kasikile Kambiri, die maatskappy se hoof van finansies en bydrywighede, sal dienslewering aan die 35 000 bykomende begunstigdes vanaf Nampost, nie hul verpligtinge beïnvloed nie.

Begunstigdes kan nie meer sedert September direk kontant by poskantore sonder Nampost-bankkaarte en -rekeninge onttrek nie.

Kambiri sê die bykomende aantal begunstigdes is ’n druppel in die emmer in vergelyking met die meer as 200 000 begunstigdes wat Epupa reeds bedien.

Die uitvoerende direkteur van die ministerie in die presidensie verantwoordelik vir geslagsgelykheid, armoede-uitwissing en maatskaplike welsyn, me. Esther Lusepani, het verlede week aangekondig die verantwoordelikheid vir hierdie toelaes word na streekrade oorgeplaas.

Die ministerie is in beheer van dié toelaes sedert Maart 2020 toe vorige ministeries saamgesmelt het.

Sy sê amper ’n vyfde van alle Namibiese huisgesinne is afhanklik van pensioentoelaes.

Volgens die ministerie bestaan meer as die helfde van Namibiese huisgesinne uit uitgebreide families en sowat 10% sluit in lede wat nie familie is nie.

“Grootouers sorg soms vir kinders wie se ouers werk, vigs het of dood is, en dikwels gebruik hulle hul staatspensioen om vir die kinders se opvoeding te betaal. Die samestelling van die landelike Namibië dui ook aan die oorgrote meerderheid van gesinne is dikwels meer as vyf gesinslede, met slegs een broodwinner. Na raming is byna ’n vyfde van alle gesinne afhanklik van staatspensioene as die enigste bron van inkomste,” sê sy.

Sy sê dit is “om te verseker mense geniet makliker toegang tot dienste in hul plaaslike omgewing, en dat die ministerie hiermee sy maatskaplike welsynsfunksies desentraliseer, wat bestaan uit die voorsiening van pensioentoelaes, ongeskiktheidstoelaes en begrafnisvoordele,” het sy gesê.

Die regering se desentraliseringsbeleid eis die versterking van streek- en plaaslike owerhede deur die oordrag van magte.

Die Instituut vir Openbare Beleidsnavorsing (IPPR) het verlede week navorsing bekend gemaak wat dui dat desentralisering nie behoorlik toegepas word nie.

Me. Kitty Mcgirr, ’n navorser, sê die beleid word nie konsekwent toegepas nie, veral deur lynministeries, wat streekrade met meer administratiewe verantwoordelikhede los, maar sonder hulpbronne of gesag om hul pligte effektief te kan uitvoer.

Al is streekraadslede nader aan hul kiesers – omdat hulle direk verkies word – is dit van minder belang solank streekrade nie die mag gegee word om hul gemeenskappe te verbeter nie, sê sy.

Die woordvoerder van die ministerie, mnr. Lukas Haufiku, het uitgebrei “wanneer daar van desentralisering gepraat word, verwys dit na die administrasie. Die werklike begroting bly by die ministerie.

Die geld word vanaf die ministerie na die betaalmeester oorbetaal, óf die betrokke bank, óf Nampost, óf Epupa,” het hy gesê.

Kambiri sê Epupa het reeds sowat N$20 miljard oor die laaste tien jaar versprei sonder om ’n sent van die regering se geld te verloor.

Hy sê Epupa is soos ’n mobiele bank wat geld tot by begunstigdes bring, sonder ekstra onkoste, en sodoende landelike ekonomieë ’n hupstoot kan gee.

In term van die impak van desentralisering sê hy die regering sal die maatskappy inlig soos nodig, aangesien Epupa deur die regering aangestel is. “Ek verwag dinge sal basies dieselfde bly,” sê hy.

Oor die chaos verlede maand by die verspreiding van pensioene op Keetmanshoop, sê Kambiri dit was weens wankommunikasie tussen die ministerie en die dorpsraad. Daar het glo verwarring ontstaan oor die perseel waar die geld uitbetaal sou word.

Die probleem is opgelos deur die toekenning van ’n saal op die dorp waar begunstigdes volgende Woensdag hul uitbetaling sal ontvang, sê hy.

Uitstaande uitbetalings vir Augustus en September kan nog dié maand opgeëis word. - [email protected]

Soortgelyk

 

Amutse wins 2021 Bank Windhoek Doek Literary Visual Arts...

1 uur gelede | Mense

Monique AdamsBorn in Walvis Bay, Namafu Amutse attended Immanuel Ruiters primary school. She then moved to Swakopmund in 2007 and attended Swakopmund Primary School.Amutse completed...

PHOTO OF THE WEEK:

1 uur gelede |

Siku Investments, together with Bank Windhoek as part of the Cancer Apple Project, donated over 50 apples to the Children of Hope Village. Siku investments...

Nust marine engineering students seek over N$3 million

1 uur gelede | Onderwys

Enzo AmueleA group of 16 students in a marine engineering degree programme at the University of Science and Technology (NUST) in partnership with a Finnish...

200 more in need

1 uur gelede |

Jeanette DiergaardtOruua Primary School at Ovitoto recently received a donation worth N$60 000 from the Ohlthaver and List (O&L) group of companies through one of...

Investing for the greater good

1 uur gelede | Onderwys

Monique AdamsThe Maltas Club Namibia celebrated its 10th anniversary on 11 March this year. The core mandate of the Maltas Club is premier student learning...

Covid-19 pandemic reforms education

1 uur gelede | Onderwys

Iréne-Mari van der WaltAmidst the looming uncertainty of the new semester calendar ushered in by the ministry of education, arts and culture, executive director Sanet...

Stepping Stones sluit warrelwind jaar af

1 uur gelede |

Iréne-Mari van der WaltDie Stepping Stones-skool vir kinders met leer- en gedragsuitdagings het onlangs hul jaarlikse afsluitingskonsert met ’n sirkustema gehou. Die skoolhoof, Almarie Mostert,...

SStar Teacher from DHPS: Valerie Van Zyl teaches Mathematics,...

1 uur gelede | Mense

1. Why did you decide to become a teacher? School was hard for me when I was a learner and unfortunately, some of...

Becoming globally competitive begins at home

1 uur gelede |

Desiree Gases A youth internship programme aimed at equipping people between the ages of 18 and 34 with meaningful skills and work experience has been...