PDM steek skadukabinet aan die werk

05 December 2019 | Politiek
Denver Kisting – Mnr. McHenry Venaani, leier van die amptelike opposisie, die Popular Democratic Movement (PDM), het gister die party se skadukabinet aangekondig.

Volgens hom gaan hy en dié 15 mense onmiddellik aan die werk spring voor hulle volgende jaar in Maart as LP’s ingesweer word.

Elkeen van die 15 onder hom, insluitend PDM-visepresident eerw. Jennifer van den Heever, het ’n portefeulje gekry.

Van den Heever is die PDM se premier en moet ’n oog op alle werksaamhede van die Swapo-geleide regering hou.

Die PDM se tesourier-generaal, mnr. Nico Smit, is die opposisie se skaduminister van finansies en ekonomiese beplanning.

Mnr. Jan van Wyk, visepresident van die United People’s Movement (UPM), moet ’n oog op werke, vervoer en mynbou en energie hou.

Me. Celeste Becker, die UPM se sekretaris-generaal, sal gemoeid wees met inligting en navorsing.

Die PDM en die UPM het saam onder die vaandel van die PDM aan verlede week se verkiesings deelgemeen met Venaani as hul presidensiële kandidaat.

Hulle het 16 setels op hulle verenig – op van 6 tydens die 2014-verkiesings.

Venaani het gister sy skadukabinetslede aangemoedig om dadelik met navorsing oor hul onderskeie portefeuljes weg te spring.

Hy het ook gesê gerugte dat hulle aan hul NV-lys gepeuter het, is onwaar. Trouens, sê hy, hulle volg hul oorspronklike lys getrou.

Oor beweringe dat ’n familielid van hom by korrupsie binne die massabehuisingskema betrokke was, het Venaani gesê hy het uit die staanspoor gesê tenderpreneurs trek die grootste voordeel uit dié skema.

Maar, het hy gesê, die betrokke familielid is nog nooit weens korrupsie aangekla nie.

Ook, sê Venaani, indien dié persoon korrup was, kan hy wat Venaani is nie daarvoor verantwoordelik gehou word nie.

- [email protected]

Soortgelyk

 

Covid-19-gevalle styg met 96 tot 1 618

21 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê die aantal Covid-19-gevalle het met 96 tot 1 618 gestyg. Hiervan is 75...

Verkeer tussen Namibië, Kaap weens Covid-19 ontwrig

1 dag gelede | Vervoer

Ronelle Rademeyer - Vragverkeer tussen Namibië en die Wes-Kaap kan sedert Donderdagaand nie langs die kortste roete oor die Oranjerivier plaasvind nie, aangesien Suid-Afrika sy...

24-year-old ensuring safety via TaxiConnect

1 dag gelede | Mense

MICHELLINE NAWATISESTaxiConnect is a locally developed ride-hailing company founded in April 2020. TaxiConnect offers an interactive and smart technology of taxi booking for customers and...

Te min isolasie, suurstof vir Walvis se episentrum

1 dag gelede | Gesondheid

Henriette Lamprecht – Walvisbaai, Hentiesbaai en Swakopmund het nie genoeg isolasie- en kwarantyngeriewe om die toenemende stygende aantal positiewe Covid-19-gevalle en -kontakte te isoleer nie....

Rehoboth verenig in rou

1 dag gelede | Misdaad

Denver Kisting op Rehoboth – Die rou snikke van ’n 20-jarige ma van Rehoboth, me. Roseline Moss, kon gister deurgaans gehoor word toe haar twee...

Weer, Vrydag 24 Julie 2020

1 dag gelede | Weer

WEERWAAK: Oosweertoestande sal oor die Namib en kusareas voorkom. Tref voorsorg.BINNELAND: Koud aanvanklik, andersins sonnig en matig tot warm. 'n Taamlik sterk tot sterk noordoostelike...

Vakbonde tree in bresse vir fabriekswerkers

1 dag gelede | Visserye

Erongo-span – Die president van die Vakbondkongres van Namibië (Tucna), mnr. Paulus Hango, het gesê vakbonde wat werkers in die vissersbedryf verteenwoordig, is bekommerd oor...

Bou van ambassade stort miljoene in ekonomie

1 dag gelede | Infrastruktuur

Kristien Kruger – Die oprigting van die nuwe Amerikaanse ambassadekompleks in Klein-Windhoek het gister 'n sooispitseremonie bereik waartydens dié land se ambassadeur in Namibië, me....

SA trek beampte vas wat visumbedrog uit Windhoek pleeg

1 dag gelede | Misdaad

Die Suid-Afrikaanse departement van binnelandse sake het 100 visums teruggetrek wat na bewering deur een van sy beamptes wat by die hoëkommissariaat in Windhoek geplaas...