PDM se Braynie vir Gobabis

Mnr. Braynie Modise is die Popular Democratic Movement (PDM)-kandidaat vir vandag se tussenverkiesing op Gobabis. Die verkiesing word gehou om die dorp se verteenwoordiger op die Omaheke-streekraad te kies. Modise sal volgens sy party korrupsie op Gobabis en in Namibië beveg as hy gekies word. Hy sal hom ook beywer vir bekostigbare grond en gratis gedienste erwe, laekostebehuising en meer straatligte, die bou en instandhouding van paaie, tersiêre instellings en ’n landbouskool op Gobabis, boorgate op uitgesoekte plekke om landbouproduksie te bevorder, en die daarstelling van projekte vir werkskepping deur belanghebbendes en potensiële beleggers te betrek, sê die PDM.