Paul Dixon steun DeLHRA se woestynleeus

17 September 2021 | Byvoegsels
Adolf Kaure op Swakopmund – Paul Dixon, verlede jaar se Wildlewe Kunstenaar van die Jaar*, het onlangs sy jongste solo-uitstalling, Beneath the Namibian Sky, in die Fine Art Gallery in Swakopmund geopen.

Die versameling bestaan uit 50 kunswerke – 30 skilderye en 20 tekeninge – wat aan die bewaring van wild opgedra is.

Dixon het reeds meer as N$100 000 ingesamel vir liefdadigheidsorganisasies soos Desert Lions Human Relation Aid (DeLHRA) deur sy unieke kunswerke vir spesiale fondsinsamelings in Namibië op te veil.

“Ek het dit gedoen om geld vir DeLHRA in te samel sodat hulle kan voortgaan met die monitering van leeus en kan aanhou met die waardevolle werk wat hulle doen. Die geld sal help om die kwesbare omstandighede waarin die leeus verkeer, dop te hou,” het Dixon gesê.

Hy het bygevoeg dat ’n paar leeus onlangs uit die woestyn verwyder en na ander plekke verskuif is. “Dis vir hul eie beswil gedoen, want hulle het letterlik van die honger gevrek. Daar is geen ander wild nie, so die leeus mik al hoe meer na boere in die omgewing se vee. In plaas daarvan dat die boere die leeus doodmaak, verwyder DeLHRA hulle eerder,” het Dixon verduidelik.

In terme van die werk, het Dixon gesê dit het hom nagenoeg ’n jaar geneem om die 30 skilderye wat nou vertoon word, te voltooi. “Ek het tussen 12 en 14 uur per dag in my ateljee in Kaapstad gewerk.”

Ter ondersteuning van DeLHRA, gaan die wins van drie van sy werke ten volle aan DeLHRA.

Oor die titel van hierdie uitstalling, sê die kunstenaar dit verwys na Namibië se groot, dorre landskappe, wild, asook gebalanseerde en ongeskonde ekosisteme.

“Daar is niks belangriker vir toekomstige geslagde as diere en die land self nie; dis spesiale plekke wat ons luim lig, ons gemoed vul en ons passie vir die lewe hernu,” het hy gesê.

Die eienaar van die Fine Art Gallery, Martina von Wenzel, het Dixon geloof omdat hy ’n kunstenaar is wat ’n dieper begrip van die wêreld en sy natuurlewe geïnspireer het, en suksesvolle bewaringspogings en bewustheid van bedreigde spesies en hul habitatte aanmoedig.

“As ’n internasionaal erkende kunstenaar wat reeds dekades lank leeus waargeneem het, dien die werk wat vir hierdie uitstalling geskep is as ’n huldeblyk aan dié diere en ondersoek dit vrae oor die mens se diepe vrees, liefde en bewondering van hierdie wesens,” het Von Wenzel gesê.

Die uitstalling kan tot 8 Oktober besigtig word.

* Die Kunstenaar van die Jaar-kompetisie (bekend as die “Oscars” van internasionale wildkuns), word deur die David Shepherd Wildlife Foundation aangebied. Elke jaar word inskrywings van honderde talentvolle kunstenaars vanoor die wêreld heen verwelkom in ’n viering van uitstaande kuns.

Foto's Adolf Kaure

Soortgelyk

 

Uitstel van eksamens: Integriteit van eksamen, kwalifikasie moet beskerm...

4 ure gelede | Onderwys

Die ministerie van onderwys, kuns en kultuur sê dit het 'n wettige kontrak met Cambridge International om te verseker dat kredietwaardige eksamens geskryf word wat...

Styging van 56% in nuwe gevalle, 184 gister aangemeld

10 ure gelede | Gesondheid

Gister is 184 nuwe gevalle aangemeld, 'n positiewe koers van 3,9% en 56% meer as die vorige dag. Die meeste gevalle is in Windhoek en...

Veldbrande woed al tien dae

23 ure gelede | Ongelukke

Tanja Bause’n Groot aantal beeste loop langs distrikspaaie noordoos van Windhoek waar verwoestende veldbrande boere tussen Steinhausen en Omitara genoop het om grensdrade te knip...

‘Voltooi vanjaar se eksamen’

23 ure gelede | Ministeries

Henriette LamprechtSkryf die vraestelle wat moontlik is vóór die einde van die jaar met nuwe vraestelle in die plek van dié wat uitgelek het, identifiseer...

Oscar-benoeming dalk in ‘The White Line’ se visier

23 ure gelede | Byvoegsels

Die plaaslike rolprent The White Line is amptelik in die wedloop om oorweeg te word vir ’n moontlike Oscar-benoeming. Dit is die eerste Namibiese rolprent...

Voortrekkers trap vir renosters

23 ure gelede | Byvoegsels

Karli RudolphDie Voortrekkers vier vanjaar hul 90ste bestaansjaar met die tema “Voortrekkers gaan groot”. Die Namibiese Voortrekkers het daarom besluit om hul eie span vir...

V5 Digital a forerunner in digital solutions

23 ure gelede | Tegnologie

Iréne-Mari van der WaltMore than three years ago, Armin Wieland founded his business, V5 Digital, after noticing that there was a lack of companies in...

Do it with passion or not at all

23 ure gelede | Howe

Desiree Gases Ngeendina Angula, born and raised in Greenwell, Windhoek, moved to Cape Town, South Africa, when she was 13 years old and lived there...

A love for engineering and airplanes

23 ure gelede | Vervoer

Wetumwene Shikage Describing her journey at Fly Namibia, Gabriela Kamaahene says the experience has been surreal. She says the company continuously grows and she...