Parlement nooi publiek na aborsiegesprek

Gesondheid

18 October 2021 | Gesondheid
Jana-Mari Smith – Aktiviste en wetgewers, insluitend die adjunkminister van gesondheid, het die eerste openbare parlementêre gespreksessies oor die wettiging van aborsie – wat vir dié week beplan word – verwelkom.

“My siening was altyd dat mense oop gesprekke moet kan voer oor enige onderwerp, of dit nou aborsie of wat ook al is. Want as mense nie kwessies bespreek en daaroor beraadslaag nie, hoe kan ons ’n ingeligte besluit neem?” het die adjunkminister van gesondheid en maatskaplike dienste, me. Esther Muinjangue, Vrydag gesê.

Sy sê hoewel sy nie oor die geskeduleerde verhoor voor die parlement se staande komitee oor geslag en gesinsake ingelig is nie, verwelkom sy die verwikkeling.

“As daar openbare gesprekke en kommunikasie is, is dit ’n teken dat ons in die regte rigting beweeg om ons as wetgewers te help om ingeligte besluite te neem.”

’n Verklaring wat deur die Voices for Choices and Rights Coalition (VCRC) voor die komitee gelees moet word, benadruk die noodlottige gevolge van die regulering van vroue se reproduktiewe regte.

“In Namibië word 500 sterftes jaarliks aangemeld weens onveilige aborsies, wat voorkom kon gewees het. Byna alle voorkombare aborsieverwante sterftes kom voor in lande met beperkende aborsiewette – waarvan Namibië een is.”

Muinjangue het Vrydag gewaarsku: “Dit sal nie help om van sekere onderwerpe weg te skram nie; ons moet dit bespreek, dis die werklikheid wat ons vandag in die gesig staar.”

HOOG TYD

Die VCRC sal Maandag hul standpunt oor die hervorming van die aborsiewet voorgelê, wat insluit die tersydestelling van dié wet wat uit die apartheidsera dateer.

Kenners waarsku lankal dat veral swart en arm vroue in Namibië die impak van die aborsiewet die hardste voel.

“Ek is bly en optimisties, want dis ’n mylpaal-geleentheid vir al die kampvegters vir reproduktiewe regte wat voor ons gekom het en vir dié wat ná ons sal kom,” het me. Tuli Kamati van die VCRC Vrydag gesê.

Die VCRC-koalisie voer aan aborsie is wel ’n “gesondheidsorgdiens”.

Dié openbare gespreksessies, het Kamati benadruk, is ’n eerste sedert Namibië se onafhanklikheidwording en vind plaas in die nasleep van grootskaalse protesoptogte in 2020 en ’n klagskrif wat vra vir die wettiging van aborsie en wat meer as 62 000 keer onderteken is.

Die VCRC het benadruk die kriminalisering van aborsie verhoed nie dat Namibiese vroue dié prosedure ondergaan nie, maar dryf hulle eerder tot gevaarlike agterstraat-aborsies. Dít lei weer tot toenemende swangerskapverwante sterftes en beserings.

“Onveilige aborsies is lewensgevaarlik – wat nie pro-lewe is nie, maar in werklikheid anti-keuse is.

“Aborsie as ’n mensereg is dus ’n goeie keuse vir die openbare gesondheidsbeleid.”

Navorsing toon dat onveilige aborsies in Afrika verantwoordelik is vir 62% van die wêreldwye sterftes wat verband hou met onveilige aborsies – wat neerkom op 29 000 vroue wat jaarliks aan agterstraat-aborsies sterf.

Onder die organisasie se aanbevelings, is om die huidige wet te vervang met ’n “wet op vrywillige beëindiging van swangerskappe en sterilisasie” en om gratis aborsiedienste by openbare gesondheidsorgfasiliteite aan te bied.

Die VCRC sal aanvoer dat die reg om swangerskappe te beëindig vir persone van 12 jaar en ouer moet geld – sonder toestemming van ’n ouer of voog – en dat swangerskappe tot op 28 weke beëindig kan word.

NODIG

Die regskenner me. Dianne Hubbard het Vrydag gesê die Regshulpsentrum (LAC) verwelkom dié gesprekke.

“Dit is gepas vir die parlement om meer inligting in te samel oor enige kwessie wat onder hul aandag gebring word deur middel van openbare klagskrifte, soos in hierdie geval. Hierdie reaksie stem ooreen met die parlement se reaksie op versoekskrifte oor ander kwessies.”

Die huidige wet maak slegs voorsiening vir wettige aborsies wanneer ’n swangerskap ’n vrou se lewe in gevaar stel, of in gevalle van verkragting en bloedskande.

Die verkryging van ’n wettige aborsie is egter moeilik, het regskenners en advokate opgemerk, vanweë die burokratiese rompslomp wat betrokke was om magtiging te verkry.

Regskenners en advokate het egter al uitgewys dat die vereiste stappe om toestemming vir ’n wettige aborsie te verkry, baie uitgerek en ingewikkeld is.

Die openbare gespreksessies sal vanaf vandag tot Donderdag in Windhoek plaasvind en bied platforms aan verskeie belanghebbendes, insluitend die ministeries van gesondheid en onderwys, pro- en anti-hervormingskampvegters, die kantoor van die Ombudsman en die LAC.

[email protected]

Soortgelyk

 

Amutse wins 2021 Bank Windhoek Doek Literary Visual Arts...

1 uur gelede | Mense

Monique AdamsBorn in Walvis Bay, Namafu Amutse attended Immanuel Ruiters primary school. She then moved to Swakopmund in 2007 and attended Swakopmund Primary School.Amutse completed...

PHOTO OF THE WEEK:

1 uur gelede |

Siku Investments, together with Bank Windhoek as part of the Cancer Apple Project, donated over 50 apples to the Children of Hope Village. Siku investments...

Nust marine engineering students seek over N$3 million

1 uur gelede | Onderwys

Enzo AmueleA group of 16 students in a marine engineering degree programme at the University of Science and Technology (NUST) in partnership with a Finnish...

200 more in need

1 uur gelede |

Jeanette DiergaardtOruua Primary School at Ovitoto recently received a donation worth N$60 000 from the Ohlthaver and List (O&L) group of companies through one of...

Investing for the greater good

1 uur gelede | Onderwys

Monique AdamsThe Maltas Club Namibia celebrated its 10th anniversary on 11 March this year. The core mandate of the Maltas Club is premier student learning...

Covid-19 pandemic reforms education

1 uur gelede | Onderwys

Iréne-Mari van der WaltAmidst the looming uncertainty of the new semester calendar ushered in by the ministry of education, arts and culture, executive director Sanet...

Stepping Stones sluit warrelwind jaar af

1 uur gelede |

Iréne-Mari van der WaltDie Stepping Stones-skool vir kinders met leer- en gedragsuitdagings het onlangs hul jaarlikse afsluitingskonsert met ’n sirkustema gehou. Die skoolhoof, Almarie Mostert,...

SStar Teacher from DHPS: Valerie Van Zyl teaches Mathematics,...

1 uur gelede | Mense

1. Why did you decide to become a teacher? School was hard for me when I was a learner and unfortunately, some of...

Becoming globally competitive begins at home

1 uur gelede |

Desiree Gases A youth internship programme aimed at equipping people between the ages of 18 and 34 with meaningful skills and work experience has been...