Papieraanleg by Outjo beplan

Kommer oor waterverbruik

07 May 2019 | Omgewing
Catherine Sasman - Die maatskappy Tree Africa Manufacturing beplan om ’n papierfabriek vir plaaslike gebruik en uitvoer by Outjo op te rig.

’n Inligtingsdokument oor die voorgestelde projek, voorsien deur FPM Consulting Services, wat aangestel is om ’n omgewingstudie te doen, meen die inisiatief sal ’n lang pad moet stap om die vervaardigingsbedryf in Namibië te ontwikkel, “want die meeste rolspelers in dié bedryf voer papier in”.

FPM Consulting en Tree Africa het op 25 April ’n gemeenskapsvergadering gehou waartydens inwoners hul kommer oor waterverbruik uitgespreek het, asook oor waarheen besoedelde afvalwater van die projek sal gaan.

Inwoners is ook bekommerd oor waar die water vandaan gaan kom, die aanwysing van die perseel en of die projek vir plaaslike mense werk gaan verskaf.

Hulle is ook bekommerd oor moontlike water-, grond-, geraas- en lugbesoedeling wat die vervaardigingsaanleg kan veroorsaak.

Inligting oor waterverbruik en die behandeling van afvalwater toon sowat 85% van die waterverbruik word slegs vir verwerking gebruik, wat tot groot volumes afvalwater lei.

Die voorgestelde vervaardigingsaanleg sal op ’n erf sowat 1,5 km buite Outjo geleë wees.

Die ontwikkeling van die projek behels die voorbereiding van die grond vir konstruksie en die bedryf van 'n houtskoolverwerkings en -verpakkingsfasiliteit.

Die dokument wat deur FPM Consulting verskaf is, dui nie aan waar die water of hout vandaan gaan kom nie, maar sê die voorgestelde infrastruktuur sal ’n minimale impak op water, plante en diere hê.

’n Pyplyn van 1,7 km lank sal gebou word, en FPM Consulting Services erken dit kan ’n moontlike impak op die omgewing hê.

Ander gevolge sluit in ’n verandering in grondgebruik en die verlies aan plantegroei en biodiversiteit, die vernietiging van habitatte, en water- en grondbesoedeling.

Dit beloof werkskepping vir plaaslike inwoners, plaaslike bedryfsontwikkeling en waardetoevoeging tot hulpbronne.

Soortgelyk

 

Etosha Sondagmiddag deur aardbewing geskud

1 uur gelede | Omgewing

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Is groot Beethoven-feesjaar van die baan?

1 uur gelede | Kuns en vermaak

Groot feesvierings is wêreldwyd en veral in Duitsland en Oostenryk beplan ter herdenking van die komponis Ludwig van Beethoven se 250ste geboortejaar. Elretha Britz van...

Naam bekend van Namibiër wat in Engeland aan Covid-19...

2 ure gelede | Gesondheid

Ronelle Rademeyer - Die Namibiër wat Saterdag in Nottingham, Engeland, aan die coronavirussiekte (Covid-19) dood is, se naam is bekend gemaak.Hy is die 56-jarige mnr....

Paspoorte: Lorriedrywers kry voorkeur

2 ure gelede | Regering

Denver Kisting – Die ministerie van binnelandse sake, immigrasie, veiligheid en sekuriteit het by monde van sy woordvoerder, mnr. Sakeus Kadhikwa, ontken hulle reik tans...

Meer as 3 000 vir Covid-19 getoets

3 ure gelede | Gesondheid

Die adjunkminister van gesondheid en maatskaplike dienste me. Esther Muinjangue sê 3 186 weefselmonsters is tot op hede vir Covid-19 getoets. Namibië het tans 21...

Moody's-klap voor begroting

14 ure gelede | Regering

Jo-Maré Duddy – Op die vooraand van finansminister Iipumbu Shiimi se debuutbegroting sit die regering nie net kniediep in die rommel nie, maar verskraal sy...

Kwarantyn-drama ry lorriedrywers

14 ure gelede | Gesondheid

Leandrea Louw op Walvisbaai – Die vragmotorbestuurder wat die afgelope naweek positief vir Covid-19 getoets het, sê sy voormalige werkgewer het hom en sy kollega...

Man voor hof ná 'hardhandigheid'

14 ure gelede | Misdaad

Denver Kisting – 'n Inwoner van Groot Aub, mnr. Richard Davids, wat aanvoer 'n beampte van die stadspolisie het hom verlede week aangerand, is Vrydag...

Weer, Dinsdag 26 Mei 2020

14 ure gelede | Weer

WEERWAAK: Koue tot baie koue toestande word in die Suide, die Weste en oor die Khomas- en Omahekestreek verwag. Tref voorsorg.BINNELAND: Gedeeltelik bewolk en koud...