Padslagtings: ‘Land op selfdoodsending’
Rolspelers in die padveiligheidsbedryf meen wetgewing om padsterftes te voorkom, is onvoldoende.
Denver Kisting – “Ek gee nie om as ’n bejaarde mens sterf nie, maar hierdie hande van my het die lykies van babas gedra en ek kan dit nie meer vat nie.”
Dit was Maandagaand die emosionele pleidooi van hoofinsp. Rozario Coetzee oor die voortdurende slagtings op die land se paaie toe hy gevra het bestuurders moet hul gesindheid verander.
Hy was deel van ’n regstreekse paneelbespreking op die weeklikse program Talk of the nation op NBC.
Tussen een en ’n half en twee mense sterf daagliks op Namibië se paaie.
Van die bydraende faktore sluit in die oorskryding van die toegelate bloedalkoholperk, oorlading en die versuim om veiligheidsgordels te gebruik.
Daarnaas sloer ’n voorgenome wet om veral openbare vervoer te reguleer al jare.
Dít was van die bevindings wat ’n meningspeiling deur die NBC aan die lig gebring het.
’n Ander kopseer is dat bestuurskole nie gereguleer word nie, het mnr. Eugene Tendekule, die uitvoerende direkteur van die Nasionale Padveiligheidsraad (NRSC), gesê.
Die toegelate hoeveelheid mense per voertuig is veral deur ’n onlangse gru-ongeluk buite Kalkfeld waarin 14 mense omgekom het opnuut onder die soeklig geplaas.
Coetzee verduidelik kragtens ’n verkeerswetregulasie word enige kind onder drie jaar nie getel vir die bepaling van oorlading nie.
Twee kinders wat ouer as drie jaar is, maar jonger as ses jaar word as een mens getel, sê Coetzee.
Drie kinders van ses jaar of ouer, maar jonger as 12 word as twee mense getel, sê hy.
’n Voertuigsitplek word geag oorlaai te wees as die aantal persone vir wie voorsiening gemaak word op daardie sitplek ’n maatstaf van 380 mm per persoon oorskry.
Dit word gemeet teen die breedste gedeelte van die sitplek wanneer die deure van die voertuig toe is, sê hy.
Coetzee sê die dra van ’n veiligheidsgordel is net ’n vereiste as die voertuigsitplek met een vervaardig is.
“Die vraag bly: Het ons as Namibiese bestuurders selfdoodneigings deur kanse met ons eie lewens te waag? Die antwoord is ja, ja, ja. Ons moet ons dwaasheid laat staan en begin om by die padreëls te hou en ’n verskil te maak.”
’n Uitvoerende lid van die Namibië Openbarepassassiersvervoervereniging (NPPTA), mnr. Uapingena Karuaera, sê hy het min hoop.
Al wat hulle kan doen wanneer een van die operateurs wat by hulle geregistreer is, oortree, is om met die persoon ’n geprek te hê.
As daar dadels kom van dié ontmoediging, is hul hande afgekap, sê hy.
Coetzee beveel aan elke voertuig word met ’n 2 kg-brandblusser toegerus.
“Dit maak nie saak of dit ’n private, openbare of ’n regeringsvoertuig is nie. In plaas daarvan om ’n video te maak om later in die sosiale media te plaas, kan ons dan ons brandblussers gebruik en só lewens red.”
Coetzee sê wetstoepassers se werk word verder bemoeilik omdat daar geen geïntegreerde databasis van oortreders bestaan nie.
Namibian Sun, Republikein se susterskoerant, het verlede Vrydag berig 101 mense is die afgelope maand in 335 motorongelukke dood.
[email protected]
Dit was Maandagaand die emosionele pleidooi van hoofinsp. Rozario Coetzee oor die voortdurende slagtings op die land se paaie toe hy gevra het bestuurders moet hul gesindheid verander.
Hy was deel van ’n regstreekse paneelbespreking op die weeklikse program Talk of the nation op NBC.
Tussen een en ’n half en twee mense sterf daagliks op Namibië se paaie.
Van die bydraende faktore sluit in die oorskryding van die toegelate bloedalkoholperk, oorlading en die versuim om veiligheidsgordels te gebruik.
Daarnaas sloer ’n voorgenome wet om veral openbare vervoer te reguleer al jare.
Dít was van die bevindings wat ’n meningspeiling deur die NBC aan die lig gebring het.
’n Ander kopseer is dat bestuurskole nie gereguleer word nie, het mnr. Eugene Tendekule, die uitvoerende direkteur van die Nasionale Padveiligheidsraad (NRSC), gesê.
Die toegelate hoeveelheid mense per voertuig is veral deur ’n onlangse gru-ongeluk buite Kalkfeld waarin 14 mense omgekom het opnuut onder die soeklig geplaas.
Coetzee verduidelik kragtens ’n verkeerswetregulasie word enige kind onder drie jaar nie getel vir die bepaling van oorlading nie.
Twee kinders wat ouer as drie jaar is, maar jonger as ses jaar word as een mens getel, sê Coetzee.
Drie kinders van ses jaar of ouer, maar jonger as 12 word as twee mense getel, sê hy.
’n Voertuigsitplek word geag oorlaai te wees as die aantal persone vir wie voorsiening gemaak word op daardie sitplek ’n maatstaf van 380 mm per persoon oorskry.
Dit word gemeet teen die breedste gedeelte van die sitplek wanneer die deure van die voertuig toe is, sê hy.
Coetzee sê die dra van ’n veiligheidsgordel is net ’n vereiste as die voertuigsitplek met een vervaardig is.
“Die vraag bly: Het ons as Namibiese bestuurders selfdoodneigings deur kanse met ons eie lewens te waag? Die antwoord is ja, ja, ja. Ons moet ons dwaasheid laat staan en begin om by die padreëls te hou en ’n verskil te maak.”
’n Uitvoerende lid van die Namibië Openbarepassassiersvervoervereniging (NPPTA), mnr. Uapingena Karuaera, sê hy het min hoop.
Al wat hulle kan doen wanneer een van die operateurs wat by hulle geregistreer is, oortree, is om met die persoon ’n geprek te hê.
As daar dadels kom van dié ontmoediging, is hul hande afgekap, sê hy.
Coetzee beveel aan elke voertuig word met ’n 2 kg-brandblusser toegerus.
“Dit maak nie saak of dit ’n private, openbare of ’n regeringsvoertuig is nie. In plaas daarvan om ’n video te maak om later in die sosiale media te plaas, kan ons dan ons brandblussers gebruik en só lewens red.”
Coetzee sê wetstoepassers se werk word verder bemoeilik omdat daar geen geïntegreerde databasis van oortreders bestaan nie.
Namibian Sun, Republikein se susterskoerant, het verlede Vrydag berig 101 mense is die afgelope maand in 335 motorongelukke dood.
[email protected]
Kommentaar
Republikein
Geen kommentaar is op hierdie artikel gelaat nie