Padgebruikers 'meer volwasse'

Ongeluksyfer vir feesseisoen daal

09 January 2019 | Ongelukke
Jana-Mari Smith



Padveiligheidsaktiviste stem saam tydens die afgelope feesseisoen, wat vandeesweek tot 'n einde kom, is 'n drastiese verbetering in padgebruikers se gedrag waargeneem.

Minder ongelukke en sterftes is aangemeld as tydens vorige feesseisoene en sterftes het vanjaar met amper 30% afgeneem.

Voorlopige ongeluksyfers van die padveiligheidsveldtog tussen 25 November en 3 Januarie dui op 'n 29%-verlaging in sterftes, 'n 18%-verlaging in beserings, asook 'n vermindering van 14% in padongelukke.

In totaal het 385 ongelukke 665 beserings en 74 sterftes veroorsaak, alhoewel die getalle nog kan verander soos meer inligting bykom tot die amp­telike afsluiting van die feesseisoen.

In vergelyking het die ongelukstatistiek vir 28 November 2017 tot 18 Januarie 2018 in totaal op 528 ongelukke, 965 beserings en 127 sterftes oor die feesseisoen gestaan, alhoewel hierdie getalle ook aansienlik laer was as die vorige feesseisoen.

“Vanjaar het ons groter volwassenheid onder vakansiegangers op die paaie gesien. Hulle was meer verantwoordelik en bewus van veiligheid,” het mnr. Aubrey Oosthuizen, koördineerder van die West Coast Safety Initiative (WCSI) aan Republikein se susterkoerant Namibian Sun gesê.

Mnr. Horst Heimstadt van die Private Sektor RPadveiligheidsforum (PSRSF) stem saam. “In vergelyking met die gedrag van vorige jare, is ons baie bly om 'n drastiese verbetering in die gedrag van padgebruikers waar te neem.”

Hy het bygevoeg dat voorlopige resultate egter 'n effense verhoging in die gemiddelde maandelikse sterftes aandui en gestyg het van 1,4 tot 1,8 sterftes per dag.

“Die algehele vermindering van 29% is egter 'n merkwaardige prestasie,” het hy gesê.



Hoogste AFNAME in Afrika

Hy het bygevoeg nie-amptelike aanwysers dui aan dat die totale sterftes op ons paaie sowat 556 vir 2018 was.

Die skerp afname in sterftes mag die hoogste in Afrika wees, volgens voorlopige navorsing, het hy gesê.

Heimstadt sê aangesien 'n gebrek aan geld daartoe lei dat opnames nie gedoen kan word om vas te stel presies watter inisiatiewe tot beter gedrag op die paaie aanleiding gee nie, is dit duidelik dat “die algemene gedrag van padverbruikers verander het en ons hoop dat dit sal voortgaan en selfs nog meer verander”.

Heimstadt, 'n deelnemer aan die Dekade van Aksie vir Padveiligheid wat in 2020 afsluit, sê dit is moontlik dat jaarlikse padsterftes, wat in 2011 op 492 gestaan het, teen volgende jaar halfveer kan word.

“As ons aanhou om 'n vermindering van 30% per jaar te toon en met 'n gemiddelde sterftesyfer van 556 vir 2018, behoort ons op 272 sterftes teen volgende jaar te staan.”

Hy sê dit sal toewyding van alle partye vereis, insluitende padgebruikers en owerhede.



Vrot appels

Heimstadt en Oosthuizen sê ongeag die verbeterde gedrag op paaie, het wisselvallige en onverantwoordelike bestuurders steeds mense se lewens op die spel geplaas.

“Ongelukkig het ons steeds 'n minderheid van padgebruikers wat glo dit is hul reg om te vining te ry, ander motors op blinde kolle verby te steek en dronk te bestuur,” het Heimstadt gewaarsku. Heimstadt sê motors wat rol, is een van die grootste oorsake van ongelukke, en dit word toegeskryf aan hoë spoed en foutiewe bande.

Hy sê dronkbestuur het in die sentrale en westelike streke van die land verminder, maar bly 'n groot probleem in die noordelike streke van Namibië.

Oosthuizen het saamgestem dat die verbeterde gedrag nie beteken dat gevalle van roekelose bestuur nie ook voorgekom het nie, maar beklemtoon dat in vergelyking met vorige jare, was dronkbestuur en ander voorvalle beslis minder.

Verskeie faktore het tot veiligheid en minder ongelukke bygedra, wat insluit beter beplanning deur bestuurders en verskeie padveiligheidsinisiatiewe deur die owerhede.

“Wat ons betref, was dit beslis 'n 'stiller' seisoen, alhoewel hier baie vakansiegangers was. Mense het beter beplan en daar was verskeie spe­siale aksies tussen die streke van stapel gestuur. Dit het die boodskap ­tuisgebring dat ons mense nie sal toelaat om te doen wat hulle wil op die paaie nie.”

Hy het bygevoeg dat die stormloop na en vanaf die kus meer uitgesprei was tydens die afgelope seisoen, met mense wat op verskillende dae teruggegaan het.

Tog, terwyl baie mense sê die kus was vanjaar stiller as gewoonlik, meen Oosthuizen dat statistieke die teenoorgestelde wys.

Die WCSI deel jaarliks veiligheidspakkies vir bewusmaking onder motoriste uit – nooit aan plaaslike mense van Swakopmund of Walvisbaai nie. In slegs een dag in Desember het hulle in totaal 4 500 pakkies uitgedeel.

Soortgelyk

 

Geingob vergader met Nanso oor studiegeld

1 uur gelede | Onderwys

Me. Ester Simon, president van die Namibiese Nasionale Studenteorganisasie (Nanso), het pas bevestig die organisasie vergader vandag by Staatshuis met pres. Hage Geingob...

Mexikaanse sakeman wil Erindi koop

2 ure gelede | Omgewing

Die internasionale entrepreneur, filantroop en president van die konsortium BAL-groep, mnr. Alberto Baillères, 'n gerespekteerde Mexikaanse sakeleier, is besig om die kooptransaksie met Erindi...

Katrina hoor Maandag 8 Julie

3 ure gelede | Howe

Denver Kisting – Regter Christie Liebenberg het vandag gesê hy sal nie later nie as 8 Julie uitspraak lewer in die verhoor van me. Katrina...

Theo Diergaardt voor vir beweerde bedrog

4 ure gelede | Misdaad

Denver Kisting – Die beheeraanklaer van die landdroshof in Windhoek, mnr. Hans Thourob, het bevestig mnr. Theo Diergaardt, oudminister van grondhervorming, is gister inhegtenis geneem.Volgens...

Windhoek se waterverbruik in die rooi

5 ure gelede | Omgewing

Die Windhoekse munisipaliteit sê oor die afgelope week het Windhoekers 7% meer water gebruik as wat huidige teikens vir waterbesparing toelaat. Die weeklikse teiken is...

Dit moes lankal gebeur het, sê Kanime.

6 ure gelede | Plaaslik

Denver Kisting – Oomblikke nadat hy gisteraand heraangestel is, het mnr. Abraham Kanime aan Republikein gesê dit moes lankal gebeur het.Die Windhoekse stadsraad het gisteraand...

Raad sit oor polisiehoof

16 ure gelede | Regering

Denver Kisting – Die Windhoekse stadsraad (CoW) sou gisteraand vir mnr. Abraham Kanime as hoof van die stadspolisie heraangestel het.Kanime is in Maart verlede jaar...

Windhoek droogste in 90 jaar

16 ure gelede | Weer

Ronelle Rademeyer - Die 2018-’19-reënseisoen sal vir die oorgrote deel van die land in die geskiedenisboeke opgeteken staan as van die droogste in menseheugenis.Die statistiek...

Katrina se lot gou bepaal

16 ure gelede | Howe

Denver Kisting – Onder gewone omstandighede is die staat se verantwoordelikheid om skuld bo redelike twyfel te bewys.In die geval van die oudgoewerneur van die...