Pa slaan glo baba dood
Onnatuurlike sterftes, moord en verkragting vier hoogty, volgens laas week se polisieverslag.
Francoise Steynberg
'n Babaseun van drie maande oud, Oubelo Morao, is op 30 Maart dood nadat hy na bewering deur sy pa (23) in die Epako-nedersetting naby Gobabis teen die grond geslaan is.
Volgens die Namibiese polisie se misdaadverslag van verlede week het Oubelo se ma haar verhouding met die baba se pa beëindig en 'n nuwe verhouding met 'n ander man aangeknoop, wat die pa nie kon aanvaar nie.
“Die verdagte het gedreig dat hy iets ernstig gaan doen. Hy het die baba by sy ma gegryp en op die grond geslaan. Die baba het hoofbeserings opgedoen en is na die Gobabis-staatshospitaal gehaas,” lui die verslag.
Die voorval het omstreeks 09:50 by Canaan in die Epako-nedersetting plaasgevind.
“Ná die dokter se mediese ondersoek is reëlings getref om die kind na Windhoek se sentrale hospitaal oor te plaas, maar hy het om 12:45 gesterf.”
Die Namibiese man is in hegtenis geneem, in aanhouding geplaas en die ondersoek duur voort.
'n Elfjarige meisie, Christina Alberta Beukes van Tseiblaagte op Keetmanshoop, is op 28 Maart deur die elektriese heining van 'n hoenderhok doodgeskok.
“Dit word beweer dat die oorledene dood gevind is waar sy aan die heining van die hoenderhok vasgehou het.
“Sy is vermoedelik doodgeskok en die ondersoek duur voort,” lui die verslag.
In die Omusatistreek het 'n vierjarige seuntjie, Thomas Nambili Ekono van die Okaleke-nedersetting in die Etayi-kiesafdeling, Donderdag van die kindergarten af gekom en in 'n waterput verdrink.
Nóg 'n kindersterfte het verlede Dinsdag plaasgevind. Omstreeks 11:00 het 'n skuifhek op 'n sesjarige meisie, Maliwa Lumba, geval terwyl kinders by die hek van die Gekombineerde Skool Sam Nujoma in die Kabe-Noord-kiesafdeling in die Zambezistreek gespeel het.
MOORD, VERKRAGTING
Op die plaas Beers, sowat 55 km van Noordoewer, is 'n 52-jarige man Donderdagnamiddag met steekwonde in sy liggaam dood gevind.
Volgens die polisie is die oorledene met 'n onbekende voorwerp gesteek en die ondersoek duur voort.
'n Voormalige polisieman (38) is vir poging tot moord in hegtenis geneem nadat hy na bewering sy nefie met 'n panga en knopkierie Vrydag by die Otalanawa-nedersetting by Amungada in die Oshanastreek aangeval het. Die slagoffer is in die Oshakati-staatshospitaal opgeneem. Die verdagte is in aanhouding en die ondersoek duur voort.
Ook op Vrydag is 'n vrou glo tussen 05:00 en 06:00 by die Omulunga-nedersetting op Grootfontein deur 'n man van die enkelkwartiere af tot agter die Lutherse kerk naby die polisiekantoor gesleep en verkrag. Die verdagte is in hegtenis geneem en is in aanhouding.
DAGGA
Op Schlip in die Hardapstreek is 'n 37-jarige man Donderdag omstreeks 16:00 by die polisiekantoor in hegtenis geneem.
“Dit word beweer dat die verdagte op die D1254-grondpad naby Omamas geryloop het. Hy het vir 'n polisieman verdag voorgekom en is na die polisiekantoor geneem om deursoek te word,” lui die verklaring.
“Die verdagte het 'n 2,5 kg-mieliemeelsak gedra waarin 'n pakkie dagga weggesteek was. Die waarde van die dagga is nog nie bepaal nie en die verdagte is steeds in aanhouding.”
'n Babaseun van drie maande oud, Oubelo Morao, is op 30 Maart dood nadat hy na bewering deur sy pa (23) in die Epako-nedersetting naby Gobabis teen die grond geslaan is.
Volgens die Namibiese polisie se misdaadverslag van verlede week het Oubelo se ma haar verhouding met die baba se pa beëindig en 'n nuwe verhouding met 'n ander man aangeknoop, wat die pa nie kon aanvaar nie.
“Die verdagte het gedreig dat hy iets ernstig gaan doen. Hy het die baba by sy ma gegryp en op die grond geslaan. Die baba het hoofbeserings opgedoen en is na die Gobabis-staatshospitaal gehaas,” lui die verslag.
Die voorval het omstreeks 09:50 by Canaan in die Epako-nedersetting plaasgevind.
“Ná die dokter se mediese ondersoek is reëlings getref om die kind na Windhoek se sentrale hospitaal oor te plaas, maar hy het om 12:45 gesterf.”
Die Namibiese man is in hegtenis geneem, in aanhouding geplaas en die ondersoek duur voort.
'n Elfjarige meisie, Christina Alberta Beukes van Tseiblaagte op Keetmanshoop, is op 28 Maart deur die elektriese heining van 'n hoenderhok doodgeskok.
“Dit word beweer dat die oorledene dood gevind is waar sy aan die heining van die hoenderhok vasgehou het.
“Sy is vermoedelik doodgeskok en die ondersoek duur voort,” lui die verslag.
In die Omusatistreek het 'n vierjarige seuntjie, Thomas Nambili Ekono van die Okaleke-nedersetting in die Etayi-kiesafdeling, Donderdag van die kindergarten af gekom en in 'n waterput verdrink.
Nóg 'n kindersterfte het verlede Dinsdag plaasgevind. Omstreeks 11:00 het 'n skuifhek op 'n sesjarige meisie, Maliwa Lumba, geval terwyl kinders by die hek van die Gekombineerde Skool Sam Nujoma in die Kabe-Noord-kiesafdeling in die Zambezistreek gespeel het.
MOORD, VERKRAGTING
Op die plaas Beers, sowat 55 km van Noordoewer, is 'n 52-jarige man Donderdagnamiddag met steekwonde in sy liggaam dood gevind.
Volgens die polisie is die oorledene met 'n onbekende voorwerp gesteek en die ondersoek duur voort.
'n Voormalige polisieman (38) is vir poging tot moord in hegtenis geneem nadat hy na bewering sy nefie met 'n panga en knopkierie Vrydag by die Otalanawa-nedersetting by Amungada in die Oshanastreek aangeval het. Die slagoffer is in die Oshakati-staatshospitaal opgeneem. Die verdagte is in aanhouding en die ondersoek duur voort.
Ook op Vrydag is 'n vrou glo tussen 05:00 en 06:00 by die Omulunga-nedersetting op Grootfontein deur 'n man van die enkelkwartiere af tot agter die Lutherse kerk naby die polisiekantoor gesleep en verkrag. Die verdagte is in hegtenis geneem en is in aanhouding.
DAGGA
Op Schlip in die Hardapstreek is 'n 37-jarige man Donderdag omstreeks 16:00 by die polisiekantoor in hegtenis geneem.
“Dit word beweer dat die verdagte op die D1254-grondpad naby Omamas geryloop het. Hy het vir 'n polisieman verdag voorgekom en is na die polisiekantoor geneem om deursoek te word,” lui die verklaring.
“Die verdagte het 'n 2,5 kg-mieliemeelsak gedra waarin 'n pakkie dagga weggesteek was. Die waarde van die dagga is nog nie bepaal nie en die verdagte is steeds in aanhouding.”
Kommentaar
Republikein
Geen kommentaar is op hierdie artikel gelaat nie