Outjo ruk op na hof oor vyf vermeende stropers

13 renosters op een lodge gestroop

21 June 2019 | Misdaad
Francoise Steynberg - Die gemeenskap van Outjo gaan vanoggend na die landdroshof opruk om borgtog vir vyf vermeende renosterstropers teen te staan.

Die vyf beskuldigdes is mnre. Simon Petrus Mbanzi (37), Immanuel Haingura (42), Christopher Kanonga (37), Joseph Kativa Ndumba (44) en die 28-jarige Abel Dumeni, wat daarvan beskuldig word dat hulle op 27 Mei ’n renosterbul by ’n luukse lodge suidwes van die Etosha Nasionale Park gestroop het.

Dit sal hul tweede verskyning in die Outjo-landdroshof wees. Die vyf is op 29 Mei in hegtenis geneem en het aanvanklik op 31 Mei in die Rundu-landdroshof verskyn, waarná hul saak na Outjo oorgeplaas is.

Hulle staan tereg op ’n klag van die onwettige jag van spesiaal beskermde wild.

Volgens die eienaar van die lodge (naam weens veiligheidsredes weerhou) is 13 renosters sedert Maart 2018 daar gestroop.

“Vanjaar is vyf renosters deur stropers op my lodge en drie van my buurman s’n afgemaai – ondanks die teenwoordigheid van ’n teenstropingseenheid op die lodges,” sê hy.

Renosterstropers teiken private plase en lodges met renosters toenemend.

Volgens die woordvoerder van die minsiterie van die omgewing en toerisme, mnr. Romeo Muyunda, is 19 renosters tot dusver vanjaar al in Namibië gestroop.

PETISIE

Die eienaar van die lodge sê hy is besig met ’n bewusmakingsveldtog teen renosterstropery en selfs die /Hai//om het gister hul steun aan hom bevestig om vandag by die hof aan die protes deel te neem.

Hy het ook 'n petisie by https://secure.avaaz.org/en/community_petitions/The_community_of_Kunene_region__No_Bail_for_Rhino_poaching_Sindicates/?lxDbDob voorberei en doen ’n beroep op Namibiërs om dit te onderteken.

Volgens die uitvoerende hoof van die Namibiese Kamer van die Omgewing (NEC), dr. Chris Brown, is indrukwekkende vordering met die vasvat van wildmisdaad gemaak.

“Die voorkoming van wildmisdaad vind dikwels agter die skerms plaas en die algemene publiek en selfs baie bewaringsorganisasies is selde bewus van wat gedoen en bereik is,” sê hy.

“Mense is onder die indruk min word gedoen en misdadigers kom weg. Gelukkig is dit nie die geval in Namibië waar indrukwekkende vordering teen wildmisdadigers gemaak is nie.”

Brown sê 96 sake is die afgelope 20 maande onder die beloningskema om onwettige handel in ietermagôs te voorkom alleen deur die ministerie van die omgewing en toerisme en die Namibiese polisie aanhangig gemaak, en 177 verdagtes is in hegtenis geneem.

SUKSES

Volgens die NEC se nuwe brosjure, Conservation Partnerships to combat wildlife crime in Namibia, is meer as 300 wildmisdaadverdagtes verlede jaar in hegtenis geneem teenoor slegs sowat 50 in 2012 toe renoster- en olifantstropery weer in Namibië begin hoogty vier het. In 2018 is beslag op meer as 50 wapens gelê teenoor die minder as 10 in 2012.

Die Rooikat-trust, ’n lid van die NEC en nieregeringsorganisasie, se brosjure verwys na uitdagings, benaderings en statistieke oor wildmisdaad en verwante kwessies.

Brown sê dié sukses is grootliks aan venootskappe toe te skryf wat tussen meer as 30 organisasies aangegaan is.

Die organisasies sluit nasionale en internasionale gemeenskaps- en nieregeringsorganisasies, die private sektor, die regering, internasionale misdaadagentskappe en finansierders in.

“Die vennote het ses sleutelfaktore vir die suksesvolle bekamping van wildmisdaad in Namibië geïdentifiseer: Sterk vennootskappe, strategiese beplanning en innoverende optrede, die gebruik van alle beskikbare tegnologie, die aktiewe deel van inligting en ander bronne, vinnige finansiering en die voortdurende aanpassing van veranderende bedreigings en behoeftes,” sê Brown.

Soortgelyk

 

Voortrekker: “Namibië nie ’n desperate land”

11 ure gelede | Ministeries

Henriette Lamprecht - ‘n Wêreldbekende omgewingsaktivis het nou ook sy stem by die oproer oor die skietdood van Namibië se ikoniese ou olifantbul, Voortrekker, gevoeg,...

Dís hoekom amptenare nie verhogings kry

11 ure gelede | Arbeid

Elvira Hattingh - Dit sal onverantwoordelik wees indien die regering salarisverhogings aan staatsamptenare toestaan kort ná ‘n noodtoestand weens droogte aankondig is en burgers vir...

Nadja Namibië se mooiste

11 ure gelede | In beeld

Mej. Namibie 2019, Nadja Breytenbach (middel), is Saterdagaand tydens ’n glansgeleentheid in die hoofstad gekroon. Haar eerste prinses is Julita-Kitwe Mbangula (links) en Johanna Swartbooi...

Weer vir 8 Julie

11 ure gelede | Weer

BINNELAND: Sonnig en matig in die Suide, Ooste en Sentrale gedeeltes, andersins sonnig en warm tot baie warm. KUS: Gedeeltelik bewolk en koel tot warm...

/Khowese kry nuwe hoofman

11 ure gelede |

Mnr. Hendrik Ismael Witbooi is Saterdag by die Gibeon-nedersetting in die Hardapstreek as die /Khowese(Witbooi)-stam se negende hoofman (gaob) aangewys. Ismael volg die ontslape hoofman...

D-Dag vir Katrina

11 ure gelede | Howe

Denver Kisting – Die minister van onderwys, kuns en kultuur, me. Katrina Hanse-Himarwa, hoor na verwagting vandag of die hoërhof reken sy is skuldig aan...

Vrae oor RCC-salarisse

11 ure gelede | Vervoer

Augetto Graig en Ogone Tlhage - Byna 400 werknemers van die Paaiekontrakteursmaatskappy (RCC) wag in spanning om te hoor of hulle vadeesmaand betaal gaan word....

Die jeug is Namibië se grootste hulpbron

11 ure gelede | Gesondheid

Henriette LamprechtNamibië se jeugdige bevolking is die land se grootste hulpbron. Sou dié hulpbron nie doeltreffend ondersteun word nie, laat dit reusegapings in die produktiewe...

Dit raak warmer én kouer

11 ure gelede | Weer

Die European Centre for Medium-Range Weather Forecasts (ECMWF) sê die afgelope Junie was die warmste wêreldwyd sedert 1979. Volgens dié weerkundiges was wêreldwye temperature vir...