Oudonderwyser sit steeds

Borgtogaansoek uitgestel

17 January 2020 | Howe
Denver Kisting - Die 69-jarige man, wat sedert verlede naweek op Rehoboth in polisieaanhouding is weens beweerde verkragting, se formele aansoek om borgtog het nie gister, soos verwag, begin nie.

Sy prokureur, mnr. Christopher Stanley, het gistermiddag by navraag gesê die staat het teen ’n onderneming besluit om die aansoek te behartig deur stukke by die Rehoboth-landdroshof te liasseer.

Die verdediging het reeds Woensdagmiddag hul stukke ingedien. Die verwagting was dat die staat gister sou reageer.

Die partye het op dié dag vir me. Kandiwapa Nangombe, die landdros, ingelig hulle sal die proses só probeer bespoedig.

Stanley sê die staat het sedertdien besluit om eerder getuienis te lei in hulle poging om borgtog teen te staan.

Die man word daarvan beskuldig dat hy sy agtjarige dogtertjie seksueel aangerand het.

Dié meisie is vanjaar in gr.3 by ’n laerskool op die dorp.

Die verrigtinge is gistermiddag tot Maandag verdaag.

Stanley sê dit gaan nie goed met sy bejaarde kliënt se gesondheid nie. Die man moes reeds twee keer sedert sy inhegtenisneming mediese behandeling ontvang.

Die oudonderwyser het Woensdagoggend aan Republikein gesê hy ly aan diabetes en hoë bloeddruk.

Twee soortgelyke klagte, wat in 2017 teen hom aanhangig gemaak is, is intussen laat vaar.

Die inhegtenisneming van die veteraannetbalafrigter en kranige voormalige sokkerspeler het skokgolwe deur die Rehoboth-gemeenskap gestuur.

Republikein verneem die staat se sleutelgetuie, wat vroeër vandeesweek ’n beëdigde verklaring afgelê het, het gister ’n tweede verklaring afgelê.

Die staat word deur me. Hillia Munzenze verteenwoordig.

[email protected]

Soortgelyk

 

Nuwe Psemas-kontrak (weer) uitgestel

2 ure gelede | Gesondheid

Henriette Lamprecht - Die staat se mediese fonds (Psemas) se nuwe kontrak met gesondheidsdiensverskaffers wat reeds sedert 2017 sloer, is weer uitgestel, die keer tot...

Beeste uit Botswana vul tekort aan

2 ure gelede | Byvoegsels

Ronelle Rademeyer - Sowat vier maande nadat Botswana sy grens vir die uitvoer van lewende slagbeeste na Namibië oopgestel het, kon Meatco op Dinsdag 18...

Boer skiet glo 'mieliedief'

2 ure gelede | Misdaad

Francoise Steynberg - 'n Boer van Tsumeb het Maandag op ‘n klag van poging tot moord in die landdroshof verskyn nadat hy glo ‘n vermeende...

Weer, Woensdag 26 Februarie 2020

2 ure gelede | Weer

BINNELAND: Gedeeltelik bewolkte en baie warm weer sal in die Kunene-Wesstreek heers. Elders sal dit gedeeltelik bewolk en warm tot baie warm wees met geïsoleerde,...

Samherji-werkers afgelê

2 ure gelede | Misdaad

Leandrea Louw – Sowat 210 werknemers van die vaartuie MV Saga en MV Geysir gaan aanstaande maand afgelê word. Die werknemers is vroeër vandeesmaand gestrand...

Posisioneer jouself betyds vir groter wins

2 ure gelede | Landbou

Christo du Plessis, Dierevoedingskundige: Feedmaster – In hierdie artikel kyk ons na die sleutelkwessies in rooivleisproduksie wat wins dryf, en hoe fosforaanvulling produsente se winsgewendheid...

N$14 miljoen vir kragprojek bewillig

2 ure gelede | Regering

Yandi du Plessis - ’n Sooispitseremonie vir die voorsiening van krag aan die Otjomuise- en Havana informele nedersettings het Vrydag in Otjomuise in die hoofstad...

Houthandel: Bewerings van vuilspel

2 ure gelede | Omgewing

Catherine Sasman – Die ministerie van landbou, water en bosbou het onlangs erken gevalle van onwettige houtoeste het wel plaasgevind sedert ’n moratorium op oeste...

Lesersfoto's 26 Februarie 2020

2 ure gelede | Lesersfoto's

Lesersfoto's 26 Februarie 2020