Oudhede vol versteekte beloftes

27 May 2021 | Kuns en vermaak
Vintage Market Namibia bied die komende naweek hulle eerste oudhedemark aan. Die geleentheid is begin om 'n verskeidenheid antieke artikels te koop, verkoop en ten toon te stel.

Die doel is om kleinsakeondernemings by te staan.

Die geleentheid word by die Universiteit van Wetenskap en Tegnologie (Nust) se hotelskool gehou.

Die oudhedemark beloof om diverse groepe uit verskillende agtergronde te lok.

Agter elke antieke item is 'n onvertelde verhaal, en dit is dié stories wat die organiseerders wil help vertel.

Items wissel van juweliersware tot motors, dekor, kledingstukke, skoene, sigare en vele meer.

Besoekers sal ook met musiekoptredes getrakteer word, insluitend deur die saksofoonspeler Suzy Eises.

Wyn-, brandewyn- en ginproesessies is 'n bykomende trekpleister. Nie-alkoholiese jenewers sal ook beskikbaar wees.

Dié met 'n liefde vir ou motors wat graag 'n vintage-ryding (of soos die tweetalige woordeboek sê, noagkarre) by hul versameling wil voeg, kan aan die motorveiling deelneem.

Vyftig pensioenarisse van ver­skillende ouetehuise in Windhoek sal bederf word met 'n luukse high tea met watertand-peuselhappies.

Vir ouers wat 'n blaaskans wil hê terwyl hulle deur die mark stap, is daar 'n veilige kinderarea.

Markgangers word aangeraai om volgens die tema aan te trek, dus is dit die perfekte geleentheid om jou platformskoene, wyepyp­jeans en die baadjie met die skouerkussings agterin die kas te gaan uitkrap.

Toegang beloop N$50. Vir meer inligting, kontak vintagemarketnam.com of 081 640 0769.

Soortgelyk

 

Sewe sterftes, 750 nuwe gevalle

2 ure gelede | Gesondheid

Die sterftesyfer skuif met sewe - twee in Windhoek en een elk in onderskeidelik Swakopmund, Grootfontein, Outjo, Gobabis en Rundu - op tot 912. Vandag...

Een dood, twee erg beseer in voorvalle van geslagsgeweld

5 ure gelede | Misdaad

‘n Vrou van 35 het op Okakarara gesterf nadat sy na bewering deur haar man aangerand is, terwyl ‘n jong man en vrou ernstige beserings...

Profeet TB Joshua sterf

11 ure gelede | Mense

Die bekende evangelis en filantroop, past. Temitope Balogun (TB) Joshua, is dood.Is het Saterdagaand, 'n week voor sy 58ste verjaardag, in Lagos, Nigerië gesterf, berig...

Polisieman in Kuisebmond doodgesteek

21 ure gelede | Misdaad

'n Konstabel wat by die polisiekantoor in Kuisebmond diens doen, is in die vroeë oggendure Saterdag dood nadat hy naby sy meisie se huis deur...

Ses sterftes stoot syfer oor 900, 480 nuwe gevalle

1 dag gelede | Gesondheid

Ses nuwe sterftes stoot die totale syfer vir Namibië oor die 900-kerf tot 905. Die sterftes is vier in Windhoek en een elk in Outjo...

Covid-19: Gevalle styg in 24 uit 35 distrikte

1 dag gelede | Gesondheid

Namibië bly in die kloue van ‘n nuwe brander Covid-19-infeksies.Gedurende die sewe dae tot Donderdag het nuwe gevalle in 24 van die land se 35...

22 sterftes, 596 nuwe gevalle

2 dae gelede | Gesondheid

Die Covid-19-verwante sterftesyfer vir Namibië skiet met nog 22 - 12 in Windhoek, twee in onderskeidelik Rehoboth en Walvisbaai, drie in Mariental en een elk...

Rehoboth soek strenger aandklok-monitering teen Covid

2 dae gelede | Gesondheid

Die United People's Movement (UPM) het die streeksbevelvoerder van die polisie in die Hardapstreek, komm. Andries van der Byl, gevra vir polisieversterkings op Rehoboth sodat...

Beesvleisforum vorder met abattoirplan

2 dae gelede | Landbou

Ronelle Rademeyer – ’n Groep bekommerde beesprodusente wat ten alle koste Namibië se nismarkte in die buiteland vir die voortbestaan van dié bedryf wil beskerm,...