Oshakati-staatshospitaal in die knyp
Die beskikbaarheid van hulpbronne is wisselvallig in die grootste verwysingshospitaal van distrikshospitale in vyf streke, wat pasiënte van Angola insluit.
Catherine Sasman
Mediese praktisyns by die Oshakati-staatshospitaal sê hulle vrees dat pasiënte se lewens in gevaar gestel kan word as gevolg van die onhoubare toestande by die hospitaal.
In September het die hospitaal dae sonder watertoevoer ervaar - glo sonder waarskuwing.
Later het dr. Korbinan Vizkaya Amutenya, die hospitaal se superintendent, gesê die hospitaal word gewoonlik in kennis gestel van enige moontlike wateronderbrekings.
Mediese praktisyns het gesê vir dié maand kon beddegoed nie gesteriliseer word nie en baie van die pasiënte moes op onbedekte matrasse slaap.
Vreemd genoeg moes hulle noodgedwonge ook gebruik maak van duurder chirurgiese handskoene om die geringste kontak met pasiënte te maak, bloot omdat die goedkoper, nie-chirurgiese handskoene nie beskikbaar was nie.
Van die verwarde personeellede het die inisiatief geneem om nie-chirurgiese handskoene by plaaslike apteke te koop.
“Daar word vir ons gesê daar is nie geld beskikbaar nie, maar dan word ons gedwing om die duurste handskoene vir die kleinste takies te gebruik,” het een bron gesê.
“Ons weet nie wat aangaan nie.”
Die bestuurspan by die hospitaal het erken probleme word ervaar met die beskikbaarheid van materiale vanuit die sentrale mediese stoor (CMS).
Probleme word dikwels as “wisselvallig” beskryf.
Die hospitaal het volgens die bestuurspan op 23 September gesê daar is geen nie-steriele handskoene beskikbaar nie.
Die volgende dag het die streekswinkel en kliniese voorraadstoor daarin geslaag om handskoene van ander fasiliteite af te kry, terwyl die CMS nuwe voorraad moes verskaf.
“Die handskoenprobleem is tydelik opgelos en die hele hospitaal het nie-steriele handskoene, maar nie genoeg nie” het die bestuurspan gesê.
Hulle het verder gesê die personeel moes noodgedwonge steriele handskoene gebruik.
DIEFSTAL BY SENTRALE MEDIESE STORE
Vroeër hierdie jaar is 'n versoek na bewering aan die Namibiese polisie en die Teenkorrupsiekommissie (ACC) gerig om ondersoek in te stel ná bewerings van grootskaalse diefstal by die CMS op die lappe gekom het.
In Julie is 'n versoek gerig dat polisiewagte die store bewaak, nadat voorraad ter waarde van N$5 miljoen weggeraak het.
Mnr. Nelius Becker, hoofondersoekbeampte van die ACC, het verlede Vrydag gesê die kommissie het in 2012 'n ondersoek by CMS uitgevoer, maar niemand kon destyds met die diefstal verbind word nie.
Becker het gesê “laegraadse diefstal” is opgemerk ná die voorraadopname vir 2012-'13, toe verliese van meer as N$2 miljoen ontdek is. Volgens hom kon dié diefstal daagliks op klein skaal en na-ure op groot skaal plaasgevind het.
Die ACC kon tot dusver nog nie enige uitsonderlike deurbraak maak nie en het gevolglik aanbeveel dat sekuriteit by die store opgeskerp moet word.
“Ek dink nie enige sekuriteitsmaatreëls is ooit ingestel nie,” het Becker gesê.
Hy het ook opgemerk daar is skynbaar 'n groot mark vir die gesteelde goedere buite Namibië.
Becker het versoek dat enigiemand met inligting rakende die diefstal of die sindikate daarby betrokke die ACC moet nader.
SPLINTERNUWE KRAAMSAAL STAAN LEEG
Nog 'n bewering is dat die hospitaal spog met 'n splinternuwe teater in die kraamsaal, wat weens konstruksieprobleme nog nooit gebruik kon word nie.
Die Oshakati-staatshospitaal word ook gebruik vir noodoperasies in die Oshana-, Kunene-, Omusati-, Ohangwena- en Oshikotostreek, asook die suidelike deel van Angola. Dit plaas geweldige druk op dié hospitaal se hulpbronne.
Volgens bronne word die ander beskikbare teater vir keisersneë en ander noodgevalle gebruik. Die bronne beweer lewens word in gevaar gestel as gevolg daarvan.
Die Oshakati-bestuurspan het gesê die twee splinternuwe teaters in die kraamsaal is nog nie voltooi nie. Volgens die konstruksiemaatskappy Stauch & Partners Consultants is dit 95% voltooi.
TALLE ANGOLESE PASIëNTE
Mediese personeel by die Oshakati-staatshospitaal het ook opgemerk 'n groot getal pasiënte wat van die staat se fasiliteite gebruik maak, is Angolees.
Sommige het die aantal Angolese pasiënte, wat dieselfde nominale bedrae as Namibiese staatspasiënte betaal, op rondom 50% geskat.
In een geval het iemand opgemerk 'n Angolese burger betaal N$30 vir 'n maand in die intensiewesorgeenheid (ICU).
Volgens mediese personeel plaas dit verdere druk op hulpbronne.
Die hospitaal se bestuurspan het gesê die bewering dat 50% van die pasiënte Angolese burgers is, is oordrewe.
Op 25 Oktober het die bestuurspan gesê 86 uit 812 pasiënte was buitelanders: Twee Zimbabwiërs, een Malawiër, een Suid-Afrikaner en 82 Angolese.
Van die ses pasiënte in die ICU was twee buitelanders (een Zimbabwiër en een Angolees).
Die bestuurspan het erken alle pasiënte – Namibiërs én buitelanders – betaal dieselfde tariewe “sonder vrees of voorkeur”.
Mediese praktisyns by die Oshakati-staatshospitaal sê hulle vrees dat pasiënte se lewens in gevaar gestel kan word as gevolg van die onhoubare toestande by die hospitaal.
In September het die hospitaal dae sonder watertoevoer ervaar - glo sonder waarskuwing.
Later het dr. Korbinan Vizkaya Amutenya, die hospitaal se superintendent, gesê die hospitaal word gewoonlik in kennis gestel van enige moontlike wateronderbrekings.
Mediese praktisyns het gesê vir dié maand kon beddegoed nie gesteriliseer word nie en baie van die pasiënte moes op onbedekte matrasse slaap.
Vreemd genoeg moes hulle noodgedwonge ook gebruik maak van duurder chirurgiese handskoene om die geringste kontak met pasiënte te maak, bloot omdat die goedkoper, nie-chirurgiese handskoene nie beskikbaar was nie.
Van die verwarde personeellede het die inisiatief geneem om nie-chirurgiese handskoene by plaaslike apteke te koop.
“Daar word vir ons gesê daar is nie geld beskikbaar nie, maar dan word ons gedwing om die duurste handskoene vir die kleinste takies te gebruik,” het een bron gesê.
“Ons weet nie wat aangaan nie.”
Die bestuurspan by die hospitaal het erken probleme word ervaar met die beskikbaarheid van materiale vanuit die sentrale mediese stoor (CMS).
Probleme word dikwels as “wisselvallig” beskryf.
Die hospitaal het volgens die bestuurspan op 23 September gesê daar is geen nie-steriele handskoene beskikbaar nie.
Die volgende dag het die streekswinkel en kliniese voorraadstoor daarin geslaag om handskoene van ander fasiliteite af te kry, terwyl die CMS nuwe voorraad moes verskaf.
“Die handskoenprobleem is tydelik opgelos en die hele hospitaal het nie-steriele handskoene, maar nie genoeg nie” het die bestuurspan gesê.
Hulle het verder gesê die personeel moes noodgedwonge steriele handskoene gebruik.
DIEFSTAL BY SENTRALE MEDIESE STORE
Vroeër hierdie jaar is 'n versoek na bewering aan die Namibiese polisie en die Teenkorrupsiekommissie (ACC) gerig om ondersoek in te stel ná bewerings van grootskaalse diefstal by die CMS op die lappe gekom het.
In Julie is 'n versoek gerig dat polisiewagte die store bewaak, nadat voorraad ter waarde van N$5 miljoen weggeraak het.
Mnr. Nelius Becker, hoofondersoekbeampte van die ACC, het verlede Vrydag gesê die kommissie het in 2012 'n ondersoek by CMS uitgevoer, maar niemand kon destyds met die diefstal verbind word nie.
Becker het gesê “laegraadse diefstal” is opgemerk ná die voorraadopname vir 2012-'13, toe verliese van meer as N$2 miljoen ontdek is. Volgens hom kon dié diefstal daagliks op klein skaal en na-ure op groot skaal plaasgevind het.
Die ACC kon tot dusver nog nie enige uitsonderlike deurbraak maak nie en het gevolglik aanbeveel dat sekuriteit by die store opgeskerp moet word.
“Ek dink nie enige sekuriteitsmaatreëls is ooit ingestel nie,” het Becker gesê.
Hy het ook opgemerk daar is skynbaar 'n groot mark vir die gesteelde goedere buite Namibië.
Becker het versoek dat enigiemand met inligting rakende die diefstal of die sindikate daarby betrokke die ACC moet nader.
SPLINTERNUWE KRAAMSAAL STAAN LEEG
Nog 'n bewering is dat die hospitaal spog met 'n splinternuwe teater in die kraamsaal, wat weens konstruksieprobleme nog nooit gebruik kon word nie.
Die Oshakati-staatshospitaal word ook gebruik vir noodoperasies in die Oshana-, Kunene-, Omusati-, Ohangwena- en Oshikotostreek, asook die suidelike deel van Angola. Dit plaas geweldige druk op dié hospitaal se hulpbronne.
Volgens bronne word die ander beskikbare teater vir keisersneë en ander noodgevalle gebruik. Die bronne beweer lewens word in gevaar gestel as gevolg daarvan.
Die Oshakati-bestuurspan het gesê die twee splinternuwe teaters in die kraamsaal is nog nie voltooi nie. Volgens die konstruksiemaatskappy Stauch & Partners Consultants is dit 95% voltooi.
TALLE ANGOLESE PASIëNTE
Mediese personeel by die Oshakati-staatshospitaal het ook opgemerk 'n groot getal pasiënte wat van die staat se fasiliteite gebruik maak, is Angolees.
Sommige het die aantal Angolese pasiënte, wat dieselfde nominale bedrae as Namibiese staatspasiënte betaal, op rondom 50% geskat.
In een geval het iemand opgemerk 'n Angolese burger betaal N$30 vir 'n maand in die intensiewesorgeenheid (ICU).
Volgens mediese personeel plaas dit verdere druk op hulpbronne.
Die hospitaal se bestuurspan het gesê die bewering dat 50% van die pasiënte Angolese burgers is, is oordrewe.
Op 25 Oktober het die bestuurspan gesê 86 uit 812 pasiënte was buitelanders: Twee Zimbabwiërs, een Malawiër, een Suid-Afrikaner en 82 Angolese.
Van die ses pasiënte in die ICU was twee buitelanders (een Zimbabwiër en een Angolees).
Die bestuurspan het erken alle pasiënte – Namibiërs én buitelanders – betaal dieselfde tariewe “sonder vrees of voorkeur”.
Kommentaar
Republikein
Geen kommentaar is op hierdie artikel gelaat nie