Opslaanfasiliteit by kus gereed vir Covid-pasiënte
Twee vooraf vervaardigde sale om Covid-pasiënte te huisves is onlangs deur die gesondheidsministerie op Walvisbaai opgerig.
Leandrea Louw op Walvisbaai
Die goewerneur van die Erongostreek, mnr. Neville Andre, het amptelik twee vooraf vervaardigde sale wat 24 beddens elk kan akkommodeer op Walvisbaai geopen.
Die fasiliteit is agter die Walvisbaaise staatshospitaal geleë en is deur die ministerie van gesondheid en maatskaplike dienste teen ’n bedrag van N$12 miljoen gefinansier
Die fasiliteit het ongeveer drie weke geneem om op te rig en sal gebruik word om Covid-19-pasiënte te huisves.
Andre het gesê die regering het ’n noodbegroting van N$727 miljoen vir die gesondheidsektor opsy gesit, met spesiale fokus op beplanning, monitering, kommunikasie, gemeenskapsbetrokkenheid, toesig, infeksiebeheer en -voorkoming, bestuur van gevalle en operasionele en logistieke ondersteuning.
“Met die toename in Covid-19-gevalle in ons streek en op Walvisbaai as episentrum van die pandemie, is daar ’n dringende behoefte aan bykomende beddens. In reaksie hierop het ons regering ’n moderne militêre hospitaal beskikbaar gestel wat sonder twyfel verligting aan ons gesondheidsorgfasiliteite gebring het.
Bykomende beddens is deur die omskepping van die Kondja-saal by die Erongo Care-inisiatief voorsien, terwyl die Walvisbaai-munisipaliteit die munisipale bungalows vir kwarantynfasiliteite beskikbaar gestel het. Dit het ons baie gehelp in die begin toe ons meer beddens nodig gehad het.”
Andre het ’n beroep op die gesondheidsdirekteur en haar span gedoen om die fasiliteite goed op te pas. “Ons hoop almal wat in hierdie fasiliteite opgeneem word, word gesond. Hierdie fasiliteite word ook opgerig met die oog op die toekoms. Die toerusting sowel as gesondheidspersoneel by dié fasiliteite moet behoue bly om ons gesondheidsorgstelsel ná die Covid-19-pandemie te help versterk.”
Huldeblyk
Die goewerneur het ook hulde aan wyle mnr. Sebedius Gariseb gebring, wat weens Covid-19 gesterf het. Hy was een van die soldate in die voorste linies wat ’n sleutelrol in die Covid-19-voedselverspreidingsprogram gespeel het.
Hy het ook diegene bedank wat aanhou om hul lewens te waag om die veiligheid van ander te verseker en hulle aangemoedig om met hulle goeie werk voort te gaan.
“Ons gesondheidsorgwerkers en mense wat deel is van die stryd teen Covid-19, onder meer skoonmakers, ambulansbestuurders, portiers, lykshuiswerkers, administrateurs en verpleegkundiges en almal wat waarde toevoeg, hou ons gesondheidsfasiliteite staande. Ons waardeer wat julle doen.”
Andre het ’n beroep op lede van die gemeenskap gedoen om ekstra versigtig te wees om die risiko van oordrag te verminder.
“Ons doen ’n beroep op die publiek om voort te gaan om basiese persoonlike higiëne toe te pas, soos om gereeld hande te was en ontsmet, maskers te dra in die publiek, groot byeenkomste te vermy en sosiale en fisieke afstande te handhaaf."
Andre het inwoners verder versoek om verantwoordelikheid vir hul persoonlike welstand te neem en ook van dié rondom hulle en om veilig te bly. - [email protected]
Die goewerneur van die Erongostreek, mnr. Neville Andre, het amptelik twee vooraf vervaardigde sale wat 24 beddens elk kan akkommodeer op Walvisbaai geopen.
Die fasiliteit is agter die Walvisbaaise staatshospitaal geleë en is deur die ministerie van gesondheid en maatskaplike dienste teen ’n bedrag van N$12 miljoen gefinansier
Die fasiliteit het ongeveer drie weke geneem om op te rig en sal gebruik word om Covid-19-pasiënte te huisves.
Andre het gesê die regering het ’n noodbegroting van N$727 miljoen vir die gesondheidsektor opsy gesit, met spesiale fokus op beplanning, monitering, kommunikasie, gemeenskapsbetrokkenheid, toesig, infeksiebeheer en -voorkoming, bestuur van gevalle en operasionele en logistieke ondersteuning.
“Met die toename in Covid-19-gevalle in ons streek en op Walvisbaai as episentrum van die pandemie, is daar ’n dringende behoefte aan bykomende beddens. In reaksie hierop het ons regering ’n moderne militêre hospitaal beskikbaar gestel wat sonder twyfel verligting aan ons gesondheidsorgfasiliteite gebring het.
Bykomende beddens is deur die omskepping van die Kondja-saal by die Erongo Care-inisiatief voorsien, terwyl die Walvisbaai-munisipaliteit die munisipale bungalows vir kwarantynfasiliteite beskikbaar gestel het. Dit het ons baie gehelp in die begin toe ons meer beddens nodig gehad het.”
Andre het ’n beroep op die gesondheidsdirekteur en haar span gedoen om die fasiliteite goed op te pas. “Ons hoop almal wat in hierdie fasiliteite opgeneem word, word gesond. Hierdie fasiliteite word ook opgerig met die oog op die toekoms. Die toerusting sowel as gesondheidspersoneel by dié fasiliteite moet behoue bly om ons gesondheidsorgstelsel ná die Covid-19-pandemie te help versterk.”
Huldeblyk
Die goewerneur het ook hulde aan wyle mnr. Sebedius Gariseb gebring, wat weens Covid-19 gesterf het. Hy was een van die soldate in die voorste linies wat ’n sleutelrol in die Covid-19-voedselverspreidingsprogram gespeel het.
Hy het ook diegene bedank wat aanhou om hul lewens te waag om die veiligheid van ander te verseker en hulle aangemoedig om met hulle goeie werk voort te gaan.
“Ons gesondheidsorgwerkers en mense wat deel is van die stryd teen Covid-19, onder meer skoonmakers, ambulansbestuurders, portiers, lykshuiswerkers, administrateurs en verpleegkundiges en almal wat waarde toevoeg, hou ons gesondheidsfasiliteite staande. Ons waardeer wat julle doen.”
Andre het ’n beroep op lede van die gemeenskap gedoen om ekstra versigtig te wees om die risiko van oordrag te verminder.
“Ons doen ’n beroep op die publiek om voort te gaan om basiese persoonlike higiëne toe te pas, soos om gereeld hande te was en ontsmet, maskers te dra in die publiek, groot byeenkomste te vermy en sosiale en fisieke afstande te handhaaf."
Andre het inwoners verder versoek om verantwoordelikheid vir hul persoonlike welstand te neem en ook van dié rondom hulle en om veilig te bly. - [email protected]
Kommentaar
Republikein
Geen kommentaar is op hierdie artikel gelaat nie