Opposisie is vol vrae
Die Popular Democratic Movement is op soek na antwoorde oor die nasionale intelligensiediens, Psemas, TransNamib, die RCC en Air Namibia.
Augetto Graig
Die sentrale nasionale intelligensiediens het in chaos verval en die moraal onder werknemers is só laag dat hulle selfs verslag daaroor aan die amptelike opposisieparty doen.
Dít volgens mnr. McHenry Venaani, president van die Popular Democratic Movement (PDM).
Dié uitlating is die skokkendste in 'n reeks wat Venaani verlede week oor regeringsprobleme gemaak het.
Die omstandighede by die intelligensiediens is ook 'n veiligheidskwessie vir die land, het hy gesê.
“Die staatspresident moet verduidelik hoe twee base een agentskap kan bestuur, wat so noodsaaklik vir die land en sy instansies se veiligheid is,” het Venaani gesê.
Volgens hom veroorsaak lt.genl. Lucas Hangula, voormalige direkteur-generaal van die intelligensiediens, se teenwoordigheid 'n leierskaptwis.
Dít nadat president Hage Geingob in 2015 vir mnr. Philemon Malima as sy plaasvervanger by die agentskap aangestel het.
Venaani sê Hangula verdien dieselfde salaris as Malima en geniet dieselfde voordele.
Wanneer intelligensiebeamptes inligtingsessies vir die amptelike opposisie begin aanbied, sê Venaani, “weet mens dinge loop nie soos hulle moet nie”.
“Laat mnr. Hangula bedank! Ons verstaan dit nie. Hulle kompeteer, die een doen sy werk terwyl die ander 'n salaris vir niksdoen verdien. Dit is nie aanvaarbaar nie. Selfs die permanente sekretaris (mnr. Benedict Likando) weier om af te tree. Hoekom sou hy as Hangula dan nog daar is?” vra Venaani.
“As dinge daar begin vrot, vrot die hele stelsel,” sê hy.
Vrae in dié opsig is na die kantoor van die president verwys, maar dr. Alfredo Hengari, presidensiële woordvoerder, kon gister net sê: “Ja, die kantoor van die president wil graag bevestig dat spesifieke take in die diens aan die voormalige direkteur-generaal, Lukas Hangula, toegewys is.”
Dit is ook nie die eerste keer dat Malima en Hangula se aanstellings by die intelligensiediens opslae maak nie.
In Julie verlede jaar het 'n plaaslike weekblad berig oor 'n twis tussen Geingob en Malima wat glo gelei het tot Hangula se geheime heraanstelling en Malima se afdanking.
Kort daarna het mnr. Tjekero Tweya, die destydse minister van inligting en kommunikasietegnologie, gesê dié berig is bog.
In 'n gesamentlike nuusverklaring deur Tweya, Geingob se kantoor en die kantoor van die prokureur-generaal, toe Sacky Shanghala, is ontken dat die staatspresident Malima ooit gevra het om te bedank.
Venaani het by dieselfde geleentheid 'n verskeidenheid ander kwessies uitgelig wat volgens hom direk van toepassing is op die regering se huidige pogings om geld te bespaar.
Hy sê administrasiefooie vir die staatsmediesefonds (Psemas) word buitensporig verhoog deur 'n klomp permanente sekretarisse en staatsamptenare.
Dit terwyl dokters hulself skuldig maak aan wanpraktyke en te veel geld vra vir dienste wat nog betaal moet word.
“Wat by Psemas gebeur, is die ergste vorm van korrupsie,” het Venaani gesê.
Hy het 'n waarskuwing aan mnr. Calle Schlettwein, minister van finansies, gerig.
“Stop die verrotting, of ek doen dit vir jou,” het hy gesê.
Die PDM-leier het ook oor die gebrek aan goeie bestuur by staatsondernemings gekla.
Dit is volgens hom veral kommerwekkend dat daar vir 700 van TransNamib se meer as 1 500 werknemers nie posbeskrywings is nie, terwyl die spoorwegmaatskappy N$9,6 miljard benodig om die land se spoorlyne te herstel.
“Die RCC het die meeste van Namibië se mense gesteel as mens in ag neem die maatskappy is gestig om klein besighede wat paaie sou bou, te help skep. In plaas daarvan gaan hulle 'n vennootskap met Chinese aan, wat geld uit die land pomp. Dan het hul raad nog die vermetelheid om te vra vir 'n finansiële inspuiting van N$1 miljard,” het Venaani gesê.
Hy glo ook die enigste roete wat vir Air Namibia finansieel volhoubaar is, die een tussen Windhoek en Ondangwa is, en dat die lugredery nie sal kan oorleef met die N$774 miljoen wat hulle van die regering gevra het nie.
Die sentrale nasionale intelligensiediens het in chaos verval en die moraal onder werknemers is só laag dat hulle selfs verslag daaroor aan die amptelike opposisieparty doen.
Dít volgens mnr. McHenry Venaani, president van die Popular Democratic Movement (PDM).
Dié uitlating is die skokkendste in 'n reeks wat Venaani verlede week oor regeringsprobleme gemaak het.
Die omstandighede by die intelligensiediens is ook 'n veiligheidskwessie vir die land, het hy gesê.
“Die staatspresident moet verduidelik hoe twee base een agentskap kan bestuur, wat so noodsaaklik vir die land en sy instansies se veiligheid is,” het Venaani gesê.
Volgens hom veroorsaak lt.genl. Lucas Hangula, voormalige direkteur-generaal van die intelligensiediens, se teenwoordigheid 'n leierskaptwis.
Dít nadat president Hage Geingob in 2015 vir mnr. Philemon Malima as sy plaasvervanger by die agentskap aangestel het.
Venaani sê Hangula verdien dieselfde salaris as Malima en geniet dieselfde voordele.
Wanneer intelligensiebeamptes inligtingsessies vir die amptelike opposisie begin aanbied, sê Venaani, “weet mens dinge loop nie soos hulle moet nie”.
“Laat mnr. Hangula bedank! Ons verstaan dit nie. Hulle kompeteer, die een doen sy werk terwyl die ander 'n salaris vir niksdoen verdien. Dit is nie aanvaarbaar nie. Selfs die permanente sekretaris (mnr. Benedict Likando) weier om af te tree. Hoekom sou hy as Hangula dan nog daar is?” vra Venaani.
“As dinge daar begin vrot, vrot die hele stelsel,” sê hy.
Vrae in dié opsig is na die kantoor van die president verwys, maar dr. Alfredo Hengari, presidensiële woordvoerder, kon gister net sê: “Ja, die kantoor van die president wil graag bevestig dat spesifieke take in die diens aan die voormalige direkteur-generaal, Lukas Hangula, toegewys is.”
Dit is ook nie die eerste keer dat Malima en Hangula se aanstellings by die intelligensiediens opslae maak nie.
In Julie verlede jaar het 'n plaaslike weekblad berig oor 'n twis tussen Geingob en Malima wat glo gelei het tot Hangula se geheime heraanstelling en Malima se afdanking.
Kort daarna het mnr. Tjekero Tweya, die destydse minister van inligting en kommunikasietegnologie, gesê dié berig is bog.
In 'n gesamentlike nuusverklaring deur Tweya, Geingob se kantoor en die kantoor van die prokureur-generaal, toe Sacky Shanghala, is ontken dat die staatspresident Malima ooit gevra het om te bedank.
Venaani het by dieselfde geleentheid 'n verskeidenheid ander kwessies uitgelig wat volgens hom direk van toepassing is op die regering se huidige pogings om geld te bespaar.
Hy sê administrasiefooie vir die staatsmediesefonds (Psemas) word buitensporig verhoog deur 'n klomp permanente sekretarisse en staatsamptenare.
Dit terwyl dokters hulself skuldig maak aan wanpraktyke en te veel geld vra vir dienste wat nog betaal moet word.
“Wat by Psemas gebeur, is die ergste vorm van korrupsie,” het Venaani gesê.
Hy het 'n waarskuwing aan mnr. Calle Schlettwein, minister van finansies, gerig.
“Stop die verrotting, of ek doen dit vir jou,” het hy gesê.
Die PDM-leier het ook oor die gebrek aan goeie bestuur by staatsondernemings gekla.
Dit is volgens hom veral kommerwekkend dat daar vir 700 van TransNamib se meer as 1 500 werknemers nie posbeskrywings is nie, terwyl die spoorwegmaatskappy N$9,6 miljard benodig om die land se spoorlyne te herstel.
“Die RCC het die meeste van Namibië se mense gesteel as mens in ag neem die maatskappy is gestig om klein besighede wat paaie sou bou, te help skep. In plaas daarvan gaan hulle 'n vennootskap met Chinese aan, wat geld uit die land pomp. Dan het hul raad nog die vermetelheid om te vra vir 'n finansiële inspuiting van N$1 miljard,” het Venaani gesê.
Hy glo ook die enigste roete wat vir Air Namibia finansieel volhoubaar is, die een tussen Windhoek en Ondangwa is, en dat die lugredery nie sal kan oorleef met die N$774 miljoen wat hulle van die regering gevra het nie.
Kommentaar
Republikein
Geen kommentaar is op hierdie artikel gelaat nie