Oppasser in hof oor kind se dood

Seuntjie se laaste oomblikke geskets

19 June 2017 | Howe
Jacqueline Louw – Me. Emily Muundjua, ma van klein Hope Uhongora wat in 2015 aan erge inwendige beserings dood is, het Vrydag in die streekhof in Windhoek voor landdros Ileni Velikoshi getuig in watter toestand sy haar seuntjie op die dag van sy dood by haar ma se huis aangetref het.
Muundjua het aan die hof vertel sy het die aand van 22 Februarie 2015 haar seuntjie toegedraai in ’n kombers op die sitkamervloer in haar ma se huis aangetref. Hy is hier in die sorg van me. Magdalena Narib gelaat. Sy het opgemerk die kind se asemhaling was nie normaal nie en “asof hy seer het”.
Sy aan Narib gevra wat met Hope verkeerd is. Volgens Narib het die seuntjie vroeër opgegooi. Muundjua het die kind na haar ma se slaapkamer geneem en saam met hom op die bed gaan lê. Hy was egter rusteloos en het rondgerol, het sy vertel. Volgens Muundjua het haar seuntjie met tye geskree wat haar laat dink het dat hy pyn het. Sy het vir merke op sy lyf gesoek, maar niks gevind nie.
Alhoewel hy nie koors gehad het nie, het Muundjua gesien sy toestand vererger. Sy het toe vir haar ma, wat intussen opgedaag het, gesê hulle moet hom hospitaal toe neem, het sy getuig.
“Ek het hom naby my gehou, maar sy hartklop was baie swak,” het sy aan die hof vertel. “Ek het besef hy is besig om dood te gaan en ek het begin huil.” Toe Muundjua se broer vir Hope water gee en hy dit drink, het sy weer hoop gehad dat hy gered kon word, het sy getuig. Met hul aankoms by die Katutura-staatshospitaal het hulle vir Hope aan verpleegsters oorhandig. Die verpleegsters het hom weggeneem en ná ’n ruk vir Muundjua kom sê hy is oorlede. Hy was een jaar en drie maande oud.
Volgens Muundjua het haar ma, me. Francisca Muundjua, vir Narib vertel Hope is dood, maar dat die oppasser nie enige reaksie getoon het nie.
Mnr. Max Lamech, Narib se regsverteenwoordiger, het aan Muundjua gestel die kind is doodgeslaan omdat hy van bloeding as gevolg van ’n gebarste lewer dood is. Sy het geen kommentaar hierop gelewer nie.
Lamech het Muundjua tydens kruisondervraging gekonfronteer oor haar getuienis dat daar geen sigbare tekens van beserings op die kind se lyf was nie. Lamech het dit aan Muundjua gestel ’n dokter het getuig die beserings was wel sigbaar. Lamech het namens sy kliënt aangevoer Narib was nie vir Hope se beserings verantwoordelik nie, maar dat hy beseer is nadat Muundjua by Narib oorgeneem het. Muundjua het hierdie aantygings ontken.
Lamech het verder gesê sy kliënt ontken dat sy die kind beseer het.
Die verhoor is tot 4 Julie uitgestel.

Soortgelyk

 

Nog ‘n bejaarde op Swakopmund vermoor

17 ure gelede | Misdaad

Die ligaam van ‘n 78-jarige man is vanoggend deur lede van die Namibiese polisie by sy huis op Swakopmund in die Vineta-woonbuurt gevind. Volgens hoofinsp....

Ongeluk buite Okahandja

19 ure gelede | Ongelukke

'n Bakkie met 'n sleepwa met beeste was vanoggend buite Okahandja in 'n ongeluk betrokke.Die ongeluk het sowat 10 km noord van Okahandja op die...

Toeriste se veiligheid van belang

21 ure gelede | Toerisme

Die minister van die omgewing en toerisme, mnr. Pohamba Shifeta, het vanoggend tydens 'n nuuskonferensie in die hoofstad aangekondig dat 'n spesiale polisie-eenheid vir toeristeveiligheid...

Tienjarige vir moord ondersoek

1 dag gelede | Misdaad

Die polisie in die Noorde ondersoek 'n saak van moord nadat 'n 10-jarige seun na bewering die bure se vierjarige seun versmoor het deur sand...

Bouwerk aan Neckartaldam gestaak

1 dag gelede | Ministeries

Ronelle RademeyerKonstruksiewerk aan die Neckartaldam buite Keetmanshoop is gister vir die tweede keer in vier maande gestaak aangesien die minister van landbou, water en bosbou...

Sonder stene word Uis 'n broodlose dorp

1 dag gelede | Plaaslik

Des ErasmusVir 'n geskatte 2 000 afhanklikes van die unieke steenbedryf op Uis gaan die brood van hul tafels verdwyn wanneer gedwonge isolasie Namclay se...

Weer, Vrydag 18 Augustus 2017

1 dag gelede | Weer

BINNELAND: Aanvanklik baie koud, maar andersins mooiweer en koud tot matig. In die Noorde sal dit warm tot baie warm wees.KUS: Sonnig en warm in...

Omaruru pure perd met tentedorp

1 dag gelede | Kuns en vermaak

Des ErasmusKamp Runnik noem die ­organiseerders van Omaruru se Kunsroete die tente­kommune waarmee behuisingsnood in die dorp se hoogtepunt van die jaar aangespreek gaan word....

Chinese beskuldigde in miljarde se bedrogsaak verbeur borggeld

1 dag gelede | Howe

Jacqueline Louw – Een van die sewe Chinese burgers wat saam met ’n Walvisbaaise sakeman tereg staan op klagte wat verband hou met ’n N$3,5...