Oorsaak van brand ‘onbekend’

Hulp vir brandslagoffers

16 January 2020 |
Iréne-Mari van der Walt op Swakopmund - Terwyl ’n Swakopmundse gesin skarrel om weer op hul voete te kom ná hul huis in ’n brand verwoes is, is die oorsaak van dié brand steeds nie bekend nie.

Dít volgens ’n verslag van mnr. Adri Goosen, hoof van die Swakopmund-munisipaliteit se brandbestrydingsdienste.

Me. Mareli Grobler, ’n ma van drie, se huis in Vineta op dié kusdorp is Saterdag deur vlamme verswelg.

Goosen het bevestig die brandbestrydingsdienste is omstreeks 18:08 na die huis ontbied, en dat ses brandbestryders 14 minute later op die toneel was.

Bespiegeling onder inwoners oor die moontlike oorsake van die brand sluit in dat die huis se bedrading foutief was, of dat Grobler se kleuters, Zara (5) en Xavier (4), dit kon veroorsaak het terwyl sy geslaap het.

“Die gerugte is eenvoudig onwaar. Ek en twee van my kinders was almal in een kamer. Hulle het my nie kom wakker maak nie; ek het wakker geskrik toe ek glas hoor breek,” sê Grobler.

Intussen het lede van die gemeenskap hul harte vir die gesin oopgemaak.

Hands of Hope en Azaria Restoring the Faith het ingespring om te help.

Volgens me. Lindie Barnard van Hands of Hope en me. Ilanza Klein van Azaria Restoring the Faith het die gemeenskap uit hul pad gegaan om bystand aan die gesin te verleen.

“As die gemeenskap nie gehelp het nie sou ek nie die mas kon opkom nie. Ek het nie eens tyd om my te bekommer oor die feit dat ons ons huis verloor het nie. Almal is besig om te help. Dit is absoluut wonderlik,” sê Grobler.

Haar oudste dogter, Tiana, was op Hentiesbaai tydens die voorval.

Sy het volgens Grobler gister (Woensdag) by NamWater op Okahandja aangemeld vir haar eerste jaar van naskoolse opleiding.

Zara was gister een van duisende graad eens wie se laerskoolloopbane afgeskop het.

“My dogters is tans my eerste prioriteit. Sodra Tiana haar voete op Okahandja vind en Zara by die skool gevestig is, sal ek weer ons lewens begin opbou,” sê Grobler.

[email protected]

Soortgelyk

 

Covid-19-gevalle styg met 96 tot 1 618

17 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê die aantal Covid-19-gevalle het met 96 tot 1 618 gestyg. Hiervan is 75...

Verkeer tussen Namibië, Kaap weens Covid-19 ontwrig

23 ure gelede | Vervoer

Ronelle Rademeyer - Vragverkeer tussen Namibië en die Wes-Kaap kan sedert Donderdagaand nie langs die kortste roete oor die Oranjerivier plaasvind nie, aangesien Suid-Afrika sy...

24-year-old ensuring safety via TaxiConnect

1 dag gelede | Mense

MICHELLINE NAWATISESTaxiConnect is a locally developed ride-hailing company founded in April 2020. TaxiConnect offers an interactive and smart technology of taxi booking for customers and...

Te min isolasie, suurstof vir Walvis se episentrum

1 dag gelede | Gesondheid

Henriette Lamprecht – Walvisbaai, Hentiesbaai en Swakopmund het nie genoeg isolasie- en kwarantyngeriewe om die toenemende stygende aantal positiewe Covid-19-gevalle en -kontakte te isoleer nie....

Rehoboth verenig in rou

1 dag gelede | Misdaad

Denver Kisting op Rehoboth – Die rou snikke van ’n 20-jarige ma van Rehoboth, me. Roseline Moss, kon gister deurgaans gehoor word toe haar twee...

Weer, Vrydag 24 Julie 2020

1 dag gelede | Weer

WEERWAAK: Oosweertoestande sal oor die Namib en kusareas voorkom. Tref voorsorg.BINNELAND: Koud aanvanklik, andersins sonnig en matig tot warm. 'n Taamlik sterk tot sterk noordoostelike...

Vakbonde tree in bresse vir fabriekswerkers

1 dag gelede | Visserye

Erongo-span – Die president van die Vakbondkongres van Namibië (Tucna), mnr. Paulus Hango, het gesê vakbonde wat werkers in die vissersbedryf verteenwoordig, is bekommerd oor...

Bou van ambassade stort miljoene in ekonomie

1 dag gelede | Infrastruktuur

Kristien Kruger – Die oprigting van die nuwe Amerikaanse ambassadekompleks in Klein-Windhoek het gister 'n sooispitseremonie bereik waartydens dié land se ambassadeur in Namibië, me....

SA trek beampte vas wat visumbedrog uit Windhoek pleeg

1 dag gelede | Misdaad

Die Suid-Afrikaanse departement van binnelandse sake het 100 visums teruggetrek wat na bewering deur een van sy beamptes wat by die hoëkommissariaat in Windhoek geplaas...