Onthou Cassinga
Die nasie word aangemoedig om die herinnering van die slagting te eer deur Namibië op te bou.
Augetto Graig - Oorlewendes van die gru-slagting van 959 Swapo-lede wat 39 jaar gelede by die Cassinga-kamp vir vlugtelinge deur die Suid-Afrikaanse weermag uitgevoer is, het gister by die UN Plaza in die hoofstad in herdenking kerse aangesteek.
Hulle was die eregaste by die seremonie wat die regering gereël het en waar mnr. Ignatius Mwanyekange namens die oorlewendes gepraat het.
“Ons, die oorlewendes, onthou dit was omstreeks 08:00 op 4 Mei 1978, dieselfde dag van die week as vandag, toe ons byeengekom het vir die oggendvergadering waar ons ingelig sou word oor ons take vir die dag. Die rassistiese Suid-Afrikaanse soldate het ons met stralejagters en helikopters aangeval," het Mwanyekange vertel.
"Hulle het ons gebombardeer en daarna het die valskermsoldate gevolg om die gewondes met bajonette dood te maak en die oorlewendes dood te skiet - onskuldiges wie se enigste misdaad was om hul vryheid te soek.”
Mwanyekange het die regering bedank dat Cassingadag 'n nasionale vakansiedag in Namibië is om die nasie te herinner van wat gebeur het.
“Ons, die oorlewendes van die Cassinga-slagting, sal nooit die gruweldade vergeet nie,” het hy gesê.
Mwanyekange het vertel van die geskiedkundige en emosionele besoek verlede jaar van 300 oorlewendes aan die toneel en gesê 'n afvaardiging is tans in Angola, gelei deur afgetrede genl-maj. Charles Namoloh, om die sooispitseremonie van 'n nuwe monument daar by te woon. Die monument word deur die Namibiese en Angolese regerings gebou en sal volgens Mwanyekange 'n blywende nalatenskap wees vir die opoffering van diegene wat hul lewe prysgegee het.
"Dit is merkwaardig, simbolies en 'n herdenking van die geskiedenis tussen die twee lande," het Mwanyekange gesê. Terugvoering oor die besoek sal op 12 Mei by die Khomas-streekraad se kantore gegee word.
“Die vyand wou niemand lewend agter los nie, maar deur God se genade is ons nog hier,” het hy gesê.
“Baie van ons het uiteindelik vrede gemaak met die opofferings van ons kamerade wat hul lewe verloor het, maar hulle sal nie vergeet word nie. Hulle sal aanhou om die toekomstige geslagte te inspireer om 'n beter Namibië te bou. Te alle tye moet ons die swaargewonne onafhanklikheid beskerm,” het Mwanyekange gesê.
In haar toespraak het die goewerneur van die Khomasstreek, me. Laura McLeod-Katjirua, gesê “Cassingadag is 'n dag om terug te dink oor ons onafhanklikheid wat teen 'n duur prys gekom het en wat ons nooit as vanselfsprekend moet aanvaar nie".
Sy sê die Cassingadag-ervaring moet 'n les wees vir die jonger geslagte om te leer en te werk om die ekonomiese vryheid en vooruitgang van die land te verseker. Volgens haar “moet ons die drastiese en tragiese situasie van armoede, werkloosheid, hongerte, siekte en onkunde omdraai deur opnuut en te alle tye aan nasiebou te werk”.
Sy het ook spesifiek die Kubaanse regering vir sy hulp en bystand gedurende en ná die voorval bedank. Die Kubaanse ambassadeur in Namibië, mnr. Giraldo Mazola, was teenwoordig, asook die voedselbank se tegniese adviseur en voormalige Kubaanse ambassadeur in Namibië, mnr. Angel Dalmau Fernandez, en sy vrou.
Hulle was die eregaste by die seremonie wat die regering gereël het en waar mnr. Ignatius Mwanyekange namens die oorlewendes gepraat het.
“Ons, die oorlewendes, onthou dit was omstreeks 08:00 op 4 Mei 1978, dieselfde dag van die week as vandag, toe ons byeengekom het vir die oggendvergadering waar ons ingelig sou word oor ons take vir die dag. Die rassistiese Suid-Afrikaanse soldate het ons met stralejagters en helikopters aangeval," het Mwanyekange vertel.
"Hulle het ons gebombardeer en daarna het die valskermsoldate gevolg om die gewondes met bajonette dood te maak en die oorlewendes dood te skiet - onskuldiges wie se enigste misdaad was om hul vryheid te soek.”
Mwanyekange het die regering bedank dat Cassingadag 'n nasionale vakansiedag in Namibië is om die nasie te herinner van wat gebeur het.
“Ons, die oorlewendes van die Cassinga-slagting, sal nooit die gruweldade vergeet nie,” het hy gesê.
Mwanyekange het vertel van die geskiedkundige en emosionele besoek verlede jaar van 300 oorlewendes aan die toneel en gesê 'n afvaardiging is tans in Angola, gelei deur afgetrede genl-maj. Charles Namoloh, om die sooispitseremonie van 'n nuwe monument daar by te woon. Die monument word deur die Namibiese en Angolese regerings gebou en sal volgens Mwanyekange 'n blywende nalatenskap wees vir die opoffering van diegene wat hul lewe prysgegee het.
"Dit is merkwaardig, simbolies en 'n herdenking van die geskiedenis tussen die twee lande," het Mwanyekange gesê. Terugvoering oor die besoek sal op 12 Mei by die Khomas-streekraad se kantore gegee word.
“Die vyand wou niemand lewend agter los nie, maar deur God se genade is ons nog hier,” het hy gesê.
“Baie van ons het uiteindelik vrede gemaak met die opofferings van ons kamerade wat hul lewe verloor het, maar hulle sal nie vergeet word nie. Hulle sal aanhou om die toekomstige geslagte te inspireer om 'n beter Namibië te bou. Te alle tye moet ons die swaargewonne onafhanklikheid beskerm,” het Mwanyekange gesê.
In haar toespraak het die goewerneur van die Khomasstreek, me. Laura McLeod-Katjirua, gesê “Cassingadag is 'n dag om terug te dink oor ons onafhanklikheid wat teen 'n duur prys gekom het en wat ons nooit as vanselfsprekend moet aanvaar nie".
Sy sê die Cassingadag-ervaring moet 'n les wees vir die jonger geslagte om te leer en te werk om die ekonomiese vryheid en vooruitgang van die land te verseker. Volgens haar “moet ons die drastiese en tragiese situasie van armoede, werkloosheid, hongerte, siekte en onkunde omdraai deur opnuut en te alle tye aan nasiebou te werk”.
Sy het ook spesifiek die Kubaanse regering vir sy hulp en bystand gedurende en ná die voorval bedank. Die Kubaanse ambassadeur in Namibië, mnr. Giraldo Mazola, was teenwoordig, asook die voedselbank se tegniese adviseur en voormalige Kubaanse ambassadeur in Namibië, mnr. Angel Dalmau Fernandez, en sy vrou.
Kommentaar
Republikein
Geen kommentaar is op hierdie artikel gelaat nie