‘Ons kyk na invloed van hoër BTW,’ sê Nene

07 March 2018 | Ekonomie
Sibongile Khumalo

Die Suid-Afrikaanse regering sal aanhou om gesprekke met belanghebbendes te voer om te bepaal hoe die invloed van hoër BTW op armes verminder kan word.

Dit was Nhlanhla Nene, Suid-Afrika se minister van finansies, se boodskap aan die Federasie van Unies van Suid-Afrika (Fedusa).

Hy was Maandag ’n spreker by Fedusa se beraad in Kameeldrift, noord van Pretoria.

Nene sê die besluit om BTW met een persentasiepunt tot 15% te verhoog het baie kritiek ontvang en dat dit belangrik is dat die publiek begryp hoekom dit gedoen is.

“Ons gaan met belanghebbendes in gesprek tree om uit te vind hoe ons die invloed op veral die armes en kwesbare mense kan verminder.

“Ons gaan kyk om die lys van goedere waarop geen BTW gehef word nie, uit te brei.”

Verskeie groepe en vakbonde het hul kommer oor die styging uitgespreek wat Malusi Gigaba, Nene se voorganger, in die begrotingsrede aangekondig het.

Nene sê die regering is daartoe verbind om “verskeie uitstaande beleidshervormings, soos die mynbouhandves, te finaliseer en om beslissend teen korrupsie in die private en openbare sektor op te tree”.

Hy het aan afgevaardigdes by die konferensie gesê sy departement sal ook dringend aandag gee aan “bestuurs- en bedryfsmislukkings” by staatsondernemings – spesifiek Eskom.

Hy sê hy gaan binnekort met Pravin Gordhan, minister van openbare ondernemings, vergader om die finansiële stand van staatsondernemings te bespreek.

Die bestuur van staatsondernemings word lank reeds as ’n rede tot kommer deur kredietgradeerders beskryf. – Netwerk24/Fin24

Soortgelyk

 

Ses sterf in vroeë oggendure

5 ure gelede | Ongelukke

Tanja Bause 'n Motorongeluk tussen Windhoek en Okahandja het gister om 05:45 die lewens van ses mense geëis.Vyf mense was in 'n sedan van...

Katrina se skoonsuster verhuur glo lyshuis

5 ure gelede | Howe

Denver Kisting Die hoërhof in Windhoek het gister gehoor 'n skoonsuster van me. Katrina Hanse-Himar­wa het glo 'n huis, wat sy wederregtelik onder die...

Weer vir 12 Maart

5 ure gelede | Weer

BINNELAND: Gedeeltelik bewolk en baie warm in die verre noordooste met 'n paar donderbuie, andersins sonnig en warm tot baie warm. KUS: Gedeeltelik bewolk en...

Steytler verlaat Staatshuis

5 ure gelede | Regering

Dr. Alfredo Hengari, die president se woordvoerder, het in 'n bondige verklaring gesê Steyt­ler het verlede Maandag reeds bedank.Dit was ook sy laaste werkdag, het...

Vrae oor Boeing ná tweede ramp

5 ure gelede | Ongelukke

Ronelle Rademeyer Terwyl dit gister bekend geword het die twee vlugopnemers van die splinternuwe Boeing 737 Max 8 is op die ramptoneel van vlug ET302...

Bekende rugby-afrigter verskyn op diefstalklag

5 ure gelede | Howe

Andrew Poolman'n Voormalige afrigter van ­Namibiese nasionale rugby­spanne op senior en junior vlak verskyn vanoggend in die Windhoekse landdroshof, nadat hy Sondag op aanklag van...

Vakbonde: SADC moet by Zim ingryp

5 ure gelede | Arbeid

Augetto Graig - Dis hoog tyd dat die Suider-Afrikaanse Ontwikkelingstreek (SADC) se arbeidsministers by die krisis in Zimbabwe ingryp.Dít volgens me. Zingiswa Losi, president van...

Peya wis niks van Stad Windhoek se plan

5 ure gelede | Plaaslik

Denver KistingTeen gisteroggend het die ­minister van stedelike en lande­like ontwikkeling, dr. Peya Mushelenga, nog geen amptelike woord oor Windhoek se 90-dae- omkeerplan gehoor nie.Mushelenga...

Weegbrûe beskerm ons paaie

5 ure gelede | Vervoer

Augetto Graig - Regstappe teen en die vervolging van voertuigeienaars wat hul voertuie oorlaai, sal na verwagting van 1 April af inwerking gestel word. Dít...