Ons dek weer Inspirasie Tafels

13 July 2018 | Kuns en vermaak
As jy verlede jaar geslaap het, is dit nou jou kans. Skryf neer, hou vergaderings, werk ‘n begroting uit en maak notas.

Inspirasie Tafels is uiteindelik om die draai. Ja, ons weet dis nog vroeg en niemand weet wat om met hul opwinding te doen nie, maar moenie stres nie, Kollig is hier vir jou. Ons gaan jou weekliks op hoogte hou van alles wat inspirerend is – van die bekende name wat op die verhoog gaan verskyn tot by die handgemaakte goedere wat by dié leefstylekpo te koop sal wees.

Vroeër vanjaar het Kollig met die stigter en organiseerder van Inspirasie Tafels gesels om bietjie meer oor vanjaar se tema en vooruitsigte uit te vind. Frans van Wyk vertel meer:

“Vanjaar se Inpirasie Tafels is ’n speelgrond vir ekspo-gangers om alles wat kreatief is te geniet. Van musiek tot kos en alles tussenin. Ons tema vir 2018 is Tangerine Tango en het ten doel om die funk en fresh terug in jou lewe te sit. Inspirasie Tafels 2018 vind van 30 Augustus tot 1 September by die Windhoek Skougronde plaas. Ons het die uitleg heeltemal verander om vir maklike vloei tussen stalletjies en ander vermaak te sorg.”

Die tema verteenwoordig vrolikheid, warmte, sonskyn, entoesiasme, kreatiwiteit, sukses, inspirasie en geluk.

En dis presies wat Inspirasie Tafels ‘n geleentheid maak om nie mis te loop nie. Jy kan nou maar daaroor probeer slaap of iemand raadpleeg, maar gaan moet jy gaan.

Indien jy in handgemaakte, eg Namibiese produkte belangstel, kan jy na verskeie stalletjies uitsien.

Onthou, die idee van Inspirasie Tafels bly om die plaaslike ouens se werk en goedere ten toon te stel.

Waarna kan jy nog uitsien?

Die hoeveelheid lekkertes by vanjaar se Inspirasie Tafels is legio. Wees deel van ‘n wynproe-ervaring, whiskey-en-kos-passing, ’n sjampanje-en-nougat geleentheid en ‘n jenewer-praatjie.

Inspirasie Tafels sal natuurlik nie dieselfde wees as bekendes nie ook daar te sien is nie. Sit op jou stoel en maak seker hy is stabiel, want die volgende stukkie nuus gaan jou roer: Siba, van Siba’s Table, kom wys vanjaar haar staal agter die kospotte.

Nie net is sy ‘n fantastiese kok nie, maar dis ook baie moeilik om nie van haar te hou nie.

Verder kan ekspo-gangers uitsien na die nuutste Koekedoortjie-wenner, Wicus van Deventer, se verskyning.

Verlede jaar was die eerste Inspirasie Tafels en die geleentheid was baie suksesvol.

Vanjaar gaan beter, groter, lekkerder en treffender wees.

Hou Kollig vir nog inligting dop.

Soortgelyk

 

Rehoboth-tiener se saak tot Desember uitgestel

3 ure gelede | Howe

‘n Tiener wat in verband met die moord en verkragting van die 57-jarige me. Sarah Jagger aangekla is, het Dinsdag sy vierde verskyning in die...

'Menslike fout is die oorsaak van ongeluk'

19 ure gelede | Howe

Erwin Leuschner op Swakopmund - 'n Meganiese fout kan nie as rede gegee word vir die gru-ongeluk op 29 Desember 2014 tussen Hentiesbaai en Swakopmund...

Kahimise se turf sit dalk

19 ure gelede | Regering

Denver Kisting – Die Windhoekse stadsraad (CoW) is van mening die klagtes teen sy uitvoerende hoof, mnr. Robert Kahimise, is só ernstig dat hy afgedank...

Wêreldkinderdag gevier

19 ure gelede | Gebeure

Elke jaar op 20 November word Wêreldkinderdag gevier om die aanneming van die Konvensie oor die Regte van die Kind te herdenk.Vanjaar streef Namibië se...

Icao-span sê oor oudit

19 ure gelede | Vervoer

Ronelle Rademeyer - Die span van die Internasionale Burgerlugvaartorganisasie (Icao) wat in die land is vir ’n veiligheidsoudit van dié waghondliggaam, het gister verduidelik wat...

Weer vir 20 November 2018

19 ure gelede | Weer

WEERWAAK: Hittegolftoestande sal in die Noorde voortduur.BINNELAND: Gedeeltelik bewolk en warm in die ||Kharasstreek. Elders sal dit gedeeltelik bewolk en baie tot bloedig warm wees...

Twee kinders sterf in brand

19 ure gelede |

Twee kinders, Katrina Immanuel (9) en haar agtjarige broer, Thomas Immanuel, het onherkenbaar verkool toe hul sinkhuis vroeg Sondagoggend in die Omdel-nedersetting by Hentiesbaai afgebrand...

Hittegolf wyk nóg nie

19 ure gelede | Weer

Elvira Hattingh – Die huidige hittegolf sal na verwagting vir die res van die week sy greep op Namibië en veral die Noorde volhou, terwyl...

Goue stem van Lüderitz

19 ure gelede | Kuns en vermaak

Tanja Bause – Christo Biewenga of ChrisB van Lüderitz beplan om vroeg volgende jaar sy derde CD vry te stel. Christo is in ’n musikale...