Ongewone vriendskap

03 December 2019 | Omgewing
Francoise Steynberg - Alhoewel dit nie liefde met die eerste oogopslag was nie, is Frida en Amor nou onafskeidbaar en beste vriende.

Frida is 'n woestynaangepaste olifantwesie wat twee en 'n half jaar oud is, en Amor 'n sewe maande oue skaap.

Frida het in Augustus vanjaar by Okutala Etosha Lodge, 40 km suid van die Anderssonshek van die Etosha Nasionale Park, aangekom. Amor is by 'n buurman gekry om vir Frida geselskap te hou.

Volgens me. Monica Witulski, die lodge se bestuurder van die vrywillige werkersprogram Explorer, kan Frida nie alleen wees nie.

"Olifante is sosiale diere. As sy alleen was, sou sy weens eensaamheid sterf," het Witulski aan Noorderlig gesê.

Die liefdevolle Amor is by die astrante Frida in 'n groot kamp gesit sodat sy nie eensaam moet wees nie. Die twee het aanvanklik nie veel ooghare vir mekaar gehad nie. Frida het vir Amor haar ore geflap en getrompetter, maar nou is die onpaar paar beste maats.

Die oulike olifantjie het 'n hartseer geskiedenis en kom van die woestynaangepaste olifantgebied naby Purros in die Noordweste af. Frida se ma het aan natuurlike oorsake gesterf en sy is wees gelaat is. Frida sou óf van hongersnood omgekom het óf deur roofdiere gevang word.

Die twee kamerade word in 'n veilige, groot kamp aangehou en gevoer. Dit is groot genoeg vir Frida om fiks te bly.

Sy word mettertyd gerehabiliteer totdat sy gereed is om vrygelaat te word.

Die eerste opsie vir vrylating is om haar weer na die omgewing van die woestynaangepaste olifante te neem. Die tweede opsie is om haar in die ongerepte natuur van Okutala Etosha Lodge van 24 000 hektaar vry te laat.

Benewens olifante en renosters, is daar ook verskeie vlaktewild en wildsbokke soos blesbokke, koedoes, gemsbokke, elande, kameelperde en sebras, asook roofdiere soos hiënas, luiperds en jagluiperds.

Frida en Amor is maar twee van Okutala Etosha Lodge se diere waar 'n veilige hawe vir alle weesdiere - wild of mak - verskaf word.

Gemsbokke, elande, kameelperde, luiperds, jagluiperds en volstruise is van die weesdiere wat hier 'n heenkome gevind het.

Van die jagluiperds kom van die Cheetah Conservation Fund (CCF) naby Otjiwarongo af wat in ‘n reusekamp met geëlektrifiseerde heinings op Okutala vrygelaat is.

Gaste geniet ook 'n mak gemsbok met krom horings wat gereeld by die lodge se swembad water drink.

Oor die jare is verskeie diere - van groot tot klein, mak tot wild - deur Okutala Etosha Lodge se wildrehabilitasieprogram gered en gerehabiliteer. Indien jy op 'n beseerde of weesdier afkom, kontak hul reddingsfasiliteit by 081 126 4324 so gou as moontlik sodat die nodige reëlings getref en permitte gereël kan word nie.

Besoek gerus Okutala Etosha Lodge se Facebookblad by https://www.facebook.com/Okutala/ om die jongste nuus te volg oor die diere wat gered en gerehabiliteer is.

Soortgelyk

 

Covid-19: 5de nuwe geval binne 4 dae

13 ure gelede | Gesondheid

‘n Vragmotorbestuurder in Walvisbaai het gister positief vir Covid-19 getoets.Dit is die vyfde positiewe geval sedert Woensdag. Al die persone was in kwarantyn.Persone waarmee die...

‘80% van skole gereed’

3 dae gelede | Onderwys

Henriette Lamprecht – Sowat 80% van die 1 920 staatskole oraloor in die land is gereed om leerlinge volgens verpligte gesondheidsregulasies te ontvang wanneer hulle...

Nog leerlingdokters wag om uitgeplaas te word

3 dae gelede | Gesondheid

Henriette Lamprecht – Meer as 100 leerlingdokters wag glo reeds maande om vir internskappe by staatshospitale oraloor in die land uitgeplaas word. Die 166 leerlingdokters...

Stadspolisie van hardhandigheid beskuldig

3 dae gelede | Misdaad

Denver Kisting – ’n Inwoner van Groot Aub, mnr. Richard Davids, voer aan ’n beampte van die stadspolisie, waarnemende sersant Erwen Katiti, het hom Dinsdaglaatmiddag...

Weer vir 22 Mei 2020

3 dae gelede | Weer

BINNELAND: Gedeeltleik bewolk en warm in die streke van ||Kharas en Hardap. Elders sal dit sonnig en warm tot baie warm wees.KUS: Gedeeltelik bewolk en...

‘Vervoer van drank nie ’n misdaad’

3 dae gelede | Misdaad

Francoise SteynbergDie blote vervoer van drank is nie ’n misdaad nie en kan nie as redelike gronde gebruik word vir agterdog van die koop of...

Vroue in kwarantyn toets positief vir Covid-19

3 dae gelede | Gesondheid

Henriette Lamprecht – Twee vroue het in kwarantyn positief vir Covid-19 getoets. Dit bring Namibië se totaal bevestigde Covid-19-gevalle op 18 te staan. Volgens die...

Ebikes: vinnig, goedkoop en groen

3 dae gelede | Mense

Tanja Bause Nie te veel besighede kan sê dat hulle in die Covid-19-tyd so goed aangepas het dat hulle nuwe werknemers moes aanstel nie. Ebikes4Africa...

Market Watch Covid page - snippets

3 dae gelede | Gesondheid

The Namibia Football Association (NFA) executive committee has yet to decide what to do with funds it expects to receive from the Federation of International...