Ongeluksvoël ry TransNamib

Ses lokomotiewe, 42 waens in vier maande beskadig

31 May 2021 | Ongelukke
Tanja Bause – Slegs vier dae nadat nege brandstofwaens van TransNamib by Brakwater buite Windhoek ontspoor en aan die brand geslaan het, het nog ’n treinongeluk by die Kranzberg-treinstasie tussen Karibib en Usakos plaasgevind.

Volgens die woordvoerder van TransNamib, me. Abigail Raubenheimer, het die ongeluk Vrydag om 06:00 gebeur.

“Niemand is beseer nie. Dit was ’n botsing tussen ’n lokomotief en vier leë waens waarna hulle ontspoor het,” het sy gesê.

Mnr. Johny Smith, die uitvoerende hoof van TransNamib, het by ’n mediakonferensie gesê “dit was ’n baie slegte week vir TransNamib.”

“Ongelukke gebeur, maar hulle moet in perspektief gesien word. In die laaste finansiële jaar wat op 31 Maart 2021 geëindig het, het ons 53 ongelukke gehad. In die finansiële jaar voor dit het ons slegs 14 ongelukke aangemeld. Dit was ook die jaar waar ons in ’n noodtoestand was en in hoktyd. In die finansiële jaar 2018-’19 was daar 60 ongelukke en voor dit 68.”

Hy het gesê ongelukke val in twee kategorieë.

“Daar is groot ongelukke soos die een van Dinsdag en dan is daar klein ongelukke of voorvalle waar daar gewoonlik iemand van die publiek betrokke is. Dit is ongelukke waar ’n persoon of voertuig betrokke is wat gewoonlik by ’n spoorwegoorgang gebeur. Hierdie soort ongelukke is 20% van al die ongelukke wat ons het en hulle is meestal ook noodlottig. In die laaste finansiële jaar is niemand in ’n ongeluk dood nie en in die twee jaar voor dit is onderskeidelik drie en twee persone dood. Gemiddeld het ons drie mense per jaar wat in die laaste vier jaar in ongelukke dood is. Op die paaie het 462 mense in een jaar gesterf.”

Volgens hom was daar in die laaste vier jaar slegs twee groot ontsporings per jaar gewees waar lokomotiewe en waens beskadig is.

“Sestig persent van die ongelukke is weens ons spoorvoertuie wat baie oud is en ons spoornetwerk wat nie onderhou word soos dit behoort nie. Ons lokomotiewe ry gemiddeld 4 000 kilometer per dag. Dit beteken hulle ry vanaf die suide tot die noorde van die land en terug elke dag. Hulle ry gemiddeld 1,4 miljoen kilometer per jaar en al ons lokomotiewe is 50 jaar oud.”

Volgens Smith behoort die spoornetwerk aan die regering en moet die regering dit en die paaie onderhou.

“Die regering het baie geld bestee aan die herstel en opgradering van die padnetwerk. Daar is nie genoeg geld om in die spoornetwerk te belê nie. Hulle het sedert onafhanklikwording die spoornetwerk tussen Aus en Keetmanshoop en tussen Tsumeb en Oshikango ontwikkel en is tans besig met die opgradering van die netwerk tussen Walvisbaai en Kranzberg.”

Volgens Smith het hulle egter ’n volledige netwerk nodig om operasioneel te kan wees en dus het hulle prosedures in plek waar die spoornetwerk ’n probleem is.

“Wanneer ons van ’n stuk treinspoor bewus is wat in ’n baie slegte toestand is laat ons die trein baie stadig vir dié paar kilometer ry om ongelukke te probeer vermy.”

ONGELUKKE IN VYF MAANDE

In die laaste vyf maande was daar vier ontsporings in die land aangemeld.

In Desember 2020 het ’n trein tussen Tses en Asab in die Suide ontspoor. Een lokomotief, drie passasierswaens en een goederewa is beskadig en 13 mense is beseer.

In Maart het ’n trein op Swakopmund ontspoor en een persoon is dood. Vier lokomotiewe en 25 goederewaens het ontspoor.

Verlede week Dinsdag het nege petrolwaens net buitekant Windhoek ontspoor en aan die brand geslaan. Niemand is beseer nie. Vrydag het een lokomotief en vier goederewaens by Kranzberg-treinstasie ontspoor. Niemand is beseer nie.

Gevolglik in die laaste vyf maande het ses lokomotiewe en 42 waens ontspoor en een persoon is dood.
[email protected]


FOTO
Vrydag het een lokomotief en vier leë waens by die Kranzberg treinstasie tussen Karibib en Usakos ontspoor. Foto verskaf

Soortgelyk

 

Profeet TB Joshua sterf

3 ure gelede | Mense

Die bekende evangelis en filantroop, past. Temitope Balogun (TB) Joshua, is dood.Is het Saterdagaand, 'n week voor sy 58ste verjaardag, in Lagos, Nigerië gesterf, berig...

Polisieman in Kuisebmond doodgesteek

12 ure gelede | Misdaad

'n Konstabel wat by die polisiekantoor in Kuisebmond diens doen, is in die vroeë oggendure Saterdag dood nadat hy naby sy meisie se huis deur...

Ses sterftes stoot syfer oor 900, 480 nuwe gevalle

19 ure gelede | Gesondheid

Ses nuwe sterftes stoot die totale syfer vir Namibië oor die 900-kerf tot 905. Die sterftes is vier in Windhoek en een elk in Outjo...

Covid-19: Gevalle styg in 24 uit 35 distrikte

23 ure gelede | Gesondheid

Namibië bly in die kloue van ‘n nuwe brander Covid-19-infeksies.Gedurende die sewe dae tot Donderdag het nuwe gevalle in 24 van die land se 35...

22 sterftes, 596 nuwe gevalle

1 dag gelede | Gesondheid

Die Covid-19-verwante sterftesyfer vir Namibië skiet met nog 22 - 12 in Windhoek, twee in onderskeidelik Rehoboth en Walvisbaai, drie in Mariental en een elk...

Rehoboth soek strenger aandklok-monitering teen Covid

1 dag gelede | Gesondheid

Die United People's Movement (UPM) het die streeksbevelvoerder van die polisie in die Hardapstreek, komm. Andries van der Byl, gevra vir polisieversterkings op Rehoboth sodat...

Beesvleisforum vorder met abattoirplan

2 dae gelede | Landbou

Ronelle Rademeyer – ’n Groep bekommerde beesprodusente wat ten alle koste Namibië se nismarkte in die buiteland vir die voortbestaan van dié bedryf wil beskerm,...

Avonturier verdrink byna tydens riviervaart

2 dae gelede | Mense

Ronelle Rademeyer – ’n Suid-Afrikaanse avonturier wat verlede week ná 55 dae en 2 200 km in sy geel roeiboot die Oranjerivier se monding by...

Harmse on unlimiting the future

2 dae gelede | Mense

Barney Harmse was born in Mafikeng in South Africa in 1970 and his family moved to Namibia when he was just four years old. From...