Ongeluk: Man dood, 7 in hospitaal
Die bestuurder van 'n Isuzu-bakkie is gistergaand in 'n ongeluk met 'n Toyota Prado op die B1-hoofweg tussen Okahandja en Otjiwarongo dood en sewe mense is ernstig beseer.
Volgens die woordvoerder van die Namibiese polisie in die Otjozondjupastreek, insp. Maureen Mbeha, het die ongeluk omstreeks 19:20 sowat 20 km noord van Okahandja plaasgevind.
Mbeha het gesê die bestuurder van die Isuzu-bakkie met drie passasiers het vanaf Otjiwarongo na Okahandja gereis.
Die bestuurder van die bakkie het glo probeer om 'n ander voertuig verby te steek, maar het trompop met die Prado met vier insittendes gebots.
“Die Isuzu-bestuurder het op die toneel gesterf, terwyl sewe ander van beide voertuie ernstige beserings opgedoen het,” het Mbeha gesê.
Drie vroulike insittendes van die Isuzu (36, 18 en 9) en die 56-jarige bestuurder van die Prado en sy drie manlike passasiers (33, 23 en 20) is na die Okahandja-staatshospitaal geneem.
Die polisiesondersoek duur voort. - Nampa
Foto Nampa
Volgens die woordvoerder van die Namibiese polisie in die Otjozondjupastreek, insp. Maureen Mbeha, het die ongeluk omstreeks 19:20 sowat 20 km noord van Okahandja plaasgevind.
Mbeha het gesê die bestuurder van die Isuzu-bakkie met drie passasiers het vanaf Otjiwarongo na Okahandja gereis.
Die bestuurder van die bakkie het glo probeer om 'n ander voertuig verby te steek, maar het trompop met die Prado met vier insittendes gebots.
“Die Isuzu-bestuurder het op die toneel gesterf, terwyl sewe ander van beide voertuie ernstige beserings opgedoen het,” het Mbeha gesê.
Drie vroulike insittendes van die Isuzu (36, 18 en 9) en die 56-jarige bestuurder van die Prado en sy drie manlike passasiers (33, 23 en 20) is na die Okahandja-staatshospitaal geneem.
Die polisiesondersoek duur voort. - Nampa
Foto Nampa
Kommentaar
Republikein
Geen kommentaar is op hierdie artikel gelaat nie