Onderwyskrisis sny diep

Khomas spook hard

21 January 2019 | Ministeries
Denver Kisting – Die Khomasstreek benodig “baie dringend” agt hoërskole en vier laerskole om die onderwyskrisis in dié streek te besleg.

Aan die einde van verlede week moes 707 voornemende graad 8’s nog plek in ’n hoërskool in Khomas vind.

Daarnaas was 143 voornemende graad 1’s – amper twee weke nadat die 2019- akademiese jaar reeds afgeskop het – steeds nie geholpe nie.

Mnr. Gérard Vries, die direkteur van onderwys in Khomas, sê sy streek het tans 54 laerskole en 30 hoërskole.

Dit is ver van voldoende om in die toenemende vraag na plek in ’n skool te voorsien, sê hy.

Op die 15de skooldag – ’n aanvaarde maatstaf – was daar verlede jaar 89 346 leerlinge in totaal in skole in die streek, sê Vries.

“Die Khomasstreek beleef jaarliks ’n toename van tussen 5% en 7% in leerlinggetalle. Dié werklikheid, wat ’n ooraanbod van leerlinge teweegbring, plaas druk op die beskikbare fisieke geriewe, soos klaskamers, ablusiegeriewe en koshuise.”

Volgens hom is die plasinguitdaging vererger deur duisende graad 8’s en 9’s in die streek wat, teen die agtergrond van die inwerkingstelling van die hersiene leerplan, nie geslaag het nie.

“Dit het tot opeenhopings in graad 8 en 9 gelei,” het hy Vrydagoggend aan Republikein gesê.

Van die 6 613 leerlinge, wat verlede jaar in die streek in graad 8 was, was 1 761 onsuksesvol. Dít verteenwoordig meer as 26%.

Op die graad 9-front lyk die prentjie eweneens somber: Van die 4 838 leerlinge wat verlede jaar in graad 9 in die streek was, was 1 119 onsuksesvol – sowat 23%.

“Hierdie leerlinge hou die plekke van graad 8’s wat moet aanbeweeg,” verduidelik Vries.

Hy het opnuut klem geplaas op ouers se verantwoordelikheid om ook eienaarskap te aanvaar vir hul kinders se opvoedingsreis.

Onder meer, sê hy, moet ouers en voogde toesien dat hulle reeds tydens die vorige akademiese jaar aansoek doen om plasing by laer- en hoërskole.

Vries het voorts gevra ouers moet die streekdirektoraat aan die hand vat en in daardie verband streng by aansoekspertye hou.

Wat die 2019- akademiese jaar spesifiek vir graad 8 betref, het die streekdirektoraat reeds in Julie 2018 met sy beplanning begin. Hy hou ’n volledige databasis by om plasings te monitor.

Maar, sê hy, ouers laat weet dikwels nie die ministerie as hulle elders geholpe geraak het nie.

Hy het ook ’n beroep gedoen op die private sektor en semistaatsinstellings om hulle by moontlike oplossings te skaar “deur klaskamers en ablusiegeriewe as deel van maatskaplike verantwoordelikheid en nasiebou op te rig”.

Vries sê vyf tente is reeds opgerig en een klaskamer ingerig om die las van graad 1’s vir vanjaar ligter te probeer maak.

Hiernaas sal die graad 3-leerlinge van die Monte Christo-projeklaerskool van 28 Januarie af smiddae by die Havana Laerskool onderrig word.

Graad 4- tot 7-leerlinge aan die Laerskool Dr. Abraham Iyambo sal in tente op dié perseel klas loop sodra watertoevoer en tydelike ablusiegeriewe beskikbaar word, sê hy.

Me. Sanet Steenkamp, die permanente sekretaris van onderwys, kuns en kultuur, het verlede week opnuut by ouers gepleit om geduld aan die dag te lê.

Sy het gesê amptenare van die ministerie probeer hul bes om die situasie te bestuur.

Soortgelyk

 

Operasie Kalahariwoestyn hervat

6 ure gelede | Polisie

Die omstrede teenmisdaadoperasie Kalahariwoestyn hervat eerskomende Maandag.Die nasionale polisiewoordvoerder, adj.komm. Edwin Kanguatjivi, het Dinsdagmiddag in Windhoek gesê die veldtog en sy voorganger, Hornkrantz, help om...

Chasing your dream

22 ure gelede | Mense

Ester Kamati Aina Johannes completed her matric at Windhoek High School in 2015 and is currently pursuing her studies in marketing management at the International...

Kinderverkragter: ‘Ek is skuldig’

22 ure gelede | Howe

Francoise Steynberg - Die 50-jarige Jeremia van Wyk het gister skuldig gepleit op die verkragting en ontvoering van ’n vyfjarige meisie. Pas nadat Van Wyk gisteroggend van...

/Khomani wil verskeie Khomas-plase onteien

22 ure gelede | Politiek

Catherine Sasman - Die /Khomani-gemeenskap eis nie net die onteiening van plekke soos Dordabis, Aub en Omitara omdat dit aan hul voorvaders behoort het nie,...

Windhoekers kniediep in die skuld

22 ure gelede | Regering

Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen...

Weer vir 6 Augustus 2019

22 ure gelede | Weer

BINNELAND: Gedeeltelik bewolk en baie warm in die Noordooste. Elders sal dit sonnig en baie warm wees, maar matig tot warm in die Suide. Dit...

Maltas Club reaches out

22 ure gelede | Onderwys

Ester KamatiIn conjunction with First National Bank (FNB) Namibia, the University Centre for Studies in Namibia (Tucsin) and Dinapama Manufacturing and Supplies, the Maltas Club...

Making science easier

22 ure gelede | Onderwys

Justicia Shipena B2Gold Namibia, in collaboration with the education ministry, officially launched the flagship Little Shop of Physics (LSOP) teacher programme on 2 August...

Embracing differences

22 ure gelede |

Justicia Shipena As a way of bringing together and uniting the different cultural groups within the International University of Management (IUM) community,...