Onderwyser vandag in hof vir verkragting

Tweede seun kom na vore

08 February 2021 | Misdaad
Francoise Steynberg



Die 53-jarige onderwyser wat glo verlede week 'n 19-jarige leerling by Jan Mhr Sekondêre Skool verkrag het, is Saterdag by die skool in hegtenis geneem.

Die polisie se woordvoerder, adj.komm. Kauna Shikwambi, het aan Republikein bevestig die verdagte is tussen 18:00 en 19:00 by die skool in hegtenis geneem en sal na verwagting vandag in die hof verskyn.

Terwyl ontstoke leerlinge Vrydag­oggend 'n protesoptog by die skool gehou het, het nóg 'n 15-jarige seun glo as slagoffer van die onderwyser na vore gekom.

Die onderwyser, ook 'n sokker­afrigter, is agt jaar gelede van die ­verkragting van 'n 17-jarige seun by dieselfde skool aangekla, maar is net as koshuisvader geskors en het steeds skool gehou.

“Hoeveel nóg?” het ontstoke leerlinge in dreunsang tydens hul protes­optog gevra.

Die onderwyser het Vrydag nie by die skool opgedaag nie.

“Die onderwyser beter nie terugkom skool toe nie. Die leerlinge sal hom stenig,” het 'n ouer gesê.



MINISTERIE REAGEER

Die uitvoerende direkteur van onderwys, kuns en kultuur, me. Sanet Steenkamp, het Vrydag haar mis­noë oor die voorval uitgespreek: “Dis 'n euweldaad en die ministerie veroordeel dit ten sterkste.”

Sy het bevestig klagte is wel aanhangig gemaak en nog ­voorvalle word ­ondersoek. Steenkamp het gister ­bevestig die onderwyser het tydens sy inhegtenisneming ook sy ­bedankingsbrief ingedien.

“Die ministerie spreek sy ­sterkste misnoë oor sodomie, verkragting, bloedskande en enige geval van seksue­le geweld, intimidasie of ­mishandeling uit,” het Steenkamp beklemtoon.

“Hierdie geval is ui­ters ­ontstel­lend en kom­mer­wek­kend, ver­al om­­dat 'n onderwyser betrokke is. Ek verwys daarna as 'n euweldaad wat nooit moreel regverdig kan word nie, ongeag die omstandighede waarin dit plaasvind.”

Die ministerie ondersoek die saak, sê sy. Steenkamp het gesê sy verstaan waarom daar 'n protesoptog by die skool was.

Die onderwyser was volgens Steenkamp twee dae met siekverlof “weens stres”.

“'n Saak is teen die onderwyser aanhangig gemaak en ons verstaan die psigologiese impak en trauma wat die leerling moes deurmaak. Ons het nie net kliniese sielkundige ondersteuning aan die leerling verskaf nie, maar ons beraders het berading aan die ­leerlinge by die skool gegee,” het Steenkamp gesê.

“Ons verseker die Namibiese nasie die ministerie duld geen verdraagsaamheid teenoor sulke dade nie.

“Dit is in skrille kontras met die wette, ons regulasies en gedragskode,” het sy gesê.

Die 19-jarige leerling is glo Woensdag tydens pouse deur die onderwyser verkrag nadat hy na die gimnasium gelok is om hom te help stoele regpak.

Die skoolhoof het die slagoffer dadelik na die Namibiese polisie se ondersoekeenheid vir geslagsgeweld geneem.

Polisiebeamptes was Woensdag by die skool om ondersoek in te stel.

'n Geestelike leier het Saterdagaand ná die verdagte se inhegtenis­neming gesê: “Ek is bly, want reg en geregtigheid kan nou geskied, alhoewel die skade by die kinders ewig is.

“Daar is baie meer slagoffers. Mag God hulle genadig wees.”

[email protected]

Soortgelyk

 

Vrou woon in haar motor by hospitaal

7 ure gelede | Mense

Henriette Lamprecht – 'n Bejaarde vrou van die kus woon die afgelope week in haar motor in die parkeerterrein van 'n staatshospitaal in Windhoek om...

Toekoms van 77 Air Nam-vlieëniers onseker

7 ure gelede | Vervoer

Francoise Steynberg – Altesaam 77 vlieëniers van Air Namibia se toekoms is onseker. Boonop het bykans 75% van die redery se vlieëniers se lisensies verval...

Ses damme voller as 100%

7 ure gelede | Weer

Elvira Hattingh – Terwyl altesaam sowat ses Namibiese damme tans 100% of meer water bevat, oorstroom die Zambezirivier sy walle, met water wat in die...

Weer vir 24 Februarie

7 ure gelede | Weer

WEERWAAK: Wydverspreide donderbuie word in Ohangwena, Oshikoto, Otjozondjupa en Omaheke verwag. BINNELAND: Sonnig en warm in die Suide en Weste, andersins gedeeltelik bewolk en baie...

'Swak bestuur rede vir Meatco se krisis'

7 ure gelede | Byvoegsels

Ellanie Smit - Volgens ’n verslag wat aan die ministerie van staatsondernemings (SOE's) voorgelê is, staar Meatco likwidasie in die gesig indien hy nie kostes...

Hof kry Heritage Health voor stok

7 ure gelede | Gesondheid

Henriette Lamprecht – Die mediese fonds Heritage Health het 'n bloutjie in die hoërhof geloop nadat hy sy jaarlikse premies wou verhoog, maar dié stap...

'IEB in nuwe formaat is hier om te bly'

7 ure gelede | Onderwys

Henriette Lamprecht – Die nuwe leerplan vir skole in Namibië wat die Onafhanklike Eksamenraad (IEB)-stelsel volg, is vergelykbaar met die Namibiese Senior Sekondêre Sertifikaat (SSS)...

#Indigiwalk Namibia in die pyplyn

7 ure gelede |

Augetto Graig – Die pad na 'n beter wêreld is eensaam en lank en mnr. Craig (Q7) Beckett, 'n Suid-Afrikaanse Khoisan-jagter, geneser en menseregte-aktivis, sal...

‘Geen personeel betrokke by stropery’

7 ure gelede | Ministeries

Francoise Steynberg Die ministerie van die omgewing, bosbou en toerisme het bevestig dat geen van sy personeel by wildstropery betrokke was nie en stropery het...